#1  
قديم 09/03/2006, 12:07 AM
زعيــم فعــال
تاريخ التسجيل: 17/03/2005
مشاركات: 490
الـهلال فـقـد هيبته...كلّـه كرمال شيبته....آآآه ثم آآه يا هي ليله

.
.
.
.



يـوم أسـود وليله لن تـزول مرارتها إلا بـزوال كرة القدم عن العـالم

ماحدث للهلال يوم الأربعاء الموافق 2006 / 3 / 8 سـوف يظل كابوس يطاردنا

آآآه و آآآه و آآآه يا لـ هذا الهلال الذي أهيـن و صـفعوه على خده وأيما صفعه

آآآه و آآآه و آآآه لـ هيبتنا التي تمـردغت وسط وحـل إعتـدنا على النظـر اليه ونحن عزيزين

آآآآآآآآه يا من ذبـح الــهلال ببرود أعصـــاب وآآآآه كم أنـــا منصــاب ويا للفاجعه الأليــــمه

<><><><><><><><><><>

بـداية النهايـه كـانت من عـقل كندينو الذي أثبت أنـه كان مدرب قدير ولـكن صـار شبـح ساكن في العريجا

كـندينو منذ استلامه للهـلال وهو يتخبط سواء بالتشكيل و بالـخـطـط ولم أرى هـلالا واضح المعالم وإنما خـسوف

فـ يا كندينو بأي عقـل وبأي حنكـه تلعب بـ عزيز كـ ظهير أيمن وبأي ذكـاء تسترجع تركي الصويلح وتحييه من جديد

كنـدينو لما سـحب الشلهوب وسامي وأدخل الغنام و الصويلح أحسست بـأن الهلال نـادي صغير

يا شايب ماتدري إن الهلال مهـزوم بـ هدف وهذه مباراة تحدي...!!

ماتدري ان الهلال طموحه الفوز ولو لـعب في الكامب نو او السان سيرو ..!!

كمـاتشو تفرغ لصناعة اللعب وهو الوسط الهجومي الوحيد وتسهـل مراقبته ببـساطه شديده

حـشروا كماتشو وبعدين وش صـار...؟؟ صرنـا فريق طقها والحقهــا ولعب عقيـم يالشايب العايب

أبغى أعـرف بس ليه تخلّـي البرقان وبجانبك نواف وجيوفاني وأنت مهزوووووم ..؟؟

يعنـي تبي بأقل الخسائر وتنصك بهدف بس أهم شي مو بـ خمسه ....!! عجبي

يعني تنتظر هدف من فـاول يالمفلس..؟؟؟ ولا تنتظر تفاريس يضغط مربع بقوووه مثل البلاي ستيشن..!!

يالـ منتهي ليه تغيّر عزيز دامك من الأساس مقتنع فيه ...؟؟؟ ولا هو إسـم انك غيرت يالـ مفلس

كـندينو كـندينو كـندينو والله ثم والله إنـك أخفيـت الهلال وجعلتنا أضحوكه لـ مليون إماراتي (غير اللي هنا)

والله ثم والله لـن أنساها لك ولو حققت معنا بطولة كاس ولي العهد والدوري .....آآآه إنـت كـسرت نفسنا

<><><><><><><><><><>

بغض النظر عن خطـة كندينو العقيمه ،، اللاعبين من البدايه متنرفزين و مو في وضعهم الطبيعي

وين الإعداد النفسـي يا إدارة الكره..!!

وين الثقه يا لاعبين الزعيــم..؟؟

وين الإحتراف و الكوره السلسه..؟؟

وين الصناديد الفرسان وين الهيبه وين شعار الهلاااااااااااااااال....!!

<><><><><><><><><><>

الـهلال وبكل أسـف أصبح من فرق الظل في آسيــا في الـ 6 سنوات الأخيره

وصـار اللي ما يسـوى يضحك على حالنا المزري ويتغنى بـ ماضي إسمه هلال

من 6 سنـوات والهلال ما بـرّد كبودنا في اي بطوله آسيويه وصار يطلع من الدور التمهيدي

ويا سبـحان الله وللمفارقه العجيبه الأنديه الإماراتيه (لاتعليق) صارت عامل مشتـرك في نكباتنا

لا إعـداد لا تخطيط لا تهيئه،، وش بيكون النـاتج...!!

<><><><><><><><><><>

بالإضافه لمدربنا المحترم ولاعبينا الأفذاذ فـ جمهور العين كانت له كلمة الفـصـل

مع كامل احترامي للعين فـهو لايرتقي للإتفاق مثلا او الـ النصر في دورينا العزيز

لـكن جمهوره رفع روحهم المعنويه وياااااهي صرخات وياااااهو تشجيع

بس سؤال بـريء

يا لاعبين الهلال ألـ هذه الدرجه انتم صغـار وأثروا فيـكم وخلوكم تتراعدون

هيبتكم وين راحت و ثقتكم وين انحاااااااااااااااااااااشت يعني 12 الف خوّفوكم ..!!

تكفون قولوا لهـم ان الهلال لعب مع الاستقلال امام 120 الف مشجع ايراني وتغلبوا عليه

قولوا لهم ان الهلال لعب في اكبر ملاعب الصين واليابان والقاهره والرباط ولم تهتز به شعره

فـ كيف بالهلال اليوم يلعب دفاع وهو مهزوم ؟؟؟؟؟؟

عارفين هذا وش معناته ؟؟؟؟؟؟؟؟

لاعبينا يرتكبون فـاولات حواري وأحسـن واحد يثبّت الكوره على 4 دفعات..!!

يا خسـارة الشعار اللي لابسينه يا أشبـاح فـأنتم في هذا اليوم كنتو صـغار صـغار صـغار..آآآآآآآآه

<><><><><><><><><><>

محمد الدعيع نجم المباراه بلا منازع وهو الوحيد اللي كانت عينه مفتحه وتمنيت أقبّل رأسـه

ابو عبدالعزيز لولاه بعد الله سبحانه لـكانت نتيجه تصيبنا بالصرع وبالسكته القلبيه وتنهينا للأبد

أقسـم بالله ثم أقسـم بالله من شاهدهم وهم يتسابقون لإحراز المزيد من الأهداف لـ ترحّم على الهلال

لاعبي الـعين شافوا ان الهلال مابه احد صـاحي فـ نسوا الدفاع وتراكضوا للهجوم لـ يسجلوا تاريخيه

تحسم مسألة الزعامه من وجهة نظرهم ويذبحوننا للأبد ولكن الدعيع أحبـط محاولتهم الشــريفــه

<><><><><><><><><><>

اللي سمـع معلقي ومقدمي ابو ظبي ودبي وهم يسخرون من الهلال لـ تمنى بأن أذانيه لم تكن موجوده

من رأي كيف يتضاحكون ويقولون بكـل استهتار بـأنه لازعيم الا العين فـ سيتمنى بأن عينه لم تخـلق

<><><><><><><><><><>

إعذروني يا لاعبينـا

أنتم سـوّدتــوا وجوهـنا

<><><><><><><><><><>

إفـرح يا عين فـ أنت قابلت أسـد مكبّل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:26 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube