نادي الهلال السعودي - شبكة الزعيم - الموقع الرسمي - زعيـم الورق....خطيـئة آسيا ..هذا ما سيفعلونه انتبهوا

.
.
.
.
.
.
.

مـلاحظ في المنتدى حركه مثل حركة الاسهم عند صدور اي اشاعه

كل هذا عشان مباراتنا مع عـينهم الفارغه من الحيــا وقليلة الأدب

لحد ينط لي ويتكلم بالفصحى ويتفلسف ويقول مايصير هالحكـي :)

العيـن هذا انا اقدر اسميـه خطيـئة آسيا او بمعنى اخر مايعملونه الناس في الليل ويتخفون عنه في النهار :)

لولا إعـلامهم كان لقيتوهم يلعبون في كاس الاتحاد الآسيوي مع الفيصلي الاردني :laugh:

يعطون نفسهـم الأحقيه بـ زعيم آسيا وما أدري على اي اساس هـ الشيء

اذا قصدهم بالنسخه الجديده فـالإتحاد (ملطشتنا :D ) حققها مرتين فـ ليه ما قالوا زعـيم آسيا

لأنهم بالتأكيد فيهم شوية حيا مع ان التشاديه مايستحون لكن سبحان مغير الأحوال

بس هذولا العيناويين لا حيا يمنعهم ولا اخلاق تمنعهم ولا شيمه تردّهـم

الله يهديكم يا اعضائنا خليتوهم الحين يرقون لمـستوى اكبر من مستواهم ويحسون انهم زعماء فعلا

لا اجد مبرر واحد يدعو للقلق والخوف واعطائهم مكانه لايستحقونها ابدا

مع كامل احترامي للانديه الاماراتيه ومنتخبها فهـي لا شي على الخارطه الاسيويه

يا هـم حاقدين على الهلال ( زعيم آسيا) حقـد غير طبيعي وعندما لعب الاتحاد امامهم اخذوا يغيضونه بالهلال

ليس حبا في الهلال لكن كـ حرب نفسيه ولكنهم فشلوا وهذا ما سـ يسعون لـه الليله وغـدا

<><><><><><><><><><><><><><><><><><><>

بإختصار راح اقولكم وش راح يسوون هـ الجحلّط كـ حرب قذره نفسيه تربك لاعبينا ::::

1- قناة ابو ظبي ودبي راح تسوي لقائات مع لاعبينا وتقول لهم بطريق غير مباشر انتم مغلوبين مغلوبين

....مثلا: يروحون لياسر ويقولون ياسر هل سـ تستطيع ان تقف امام جمهور القطاره وهذه اول مباراه خارجيه لك...

يروحون لـ سامي ويقولون سـامي هل تعتقد انكم تستطيعون ان تتغلبوا على العين في ملعبه وهذا مالم تحققه من قبل

يروحون للشلهوب ويقولون يا محمد هل تعتقد ان الانديه الاماراتيه عقده لكم وما مباراة الشارقه ببعيده

2- حركات النص كم وياهي بالكووووم عند اندية الفقر والحظ الردي كأنهم بزران ويستهبلون

يطفّون انوار الملعب وقت التدريب......

يشغلون اجهزة الانذار آخر الليل.....

انواع الازعاج في بهو الفندق......

وغيرها الكثير الكثير من حركات الهواه المتخلفين

3- أرضية الملعب وما أدراك ما أرضية الملعب

أنواع الحفر والردميات والعشب المنتهي والمشكله لاعبين الهلال متعودين على ملاعب محترفين

استاد الملز وهو اسوأ استاد احسن من ملعبهم المنتهي بستين مره ومع ذلك احنا غير راضين عنه

فما بالكم بملعب زي هـذا وهم اصلا متعودين عليه ...يناقزون عليه ومافيهم الا العافيه

لدرجة ان مدربهم لما يسوي الخطه يسوي ميزانيه واحصاء لعدد الحفر ويرسم تكتيك معين

حيث ان اللاعبين لما يشوتون الكوره يضربونها على زاوية 60 في الحفره الاماميه لكي ترتد عكسيه

4- برامجهم التلفزيونيه لاهنتو تابعوها اليوم وغـدا بتشوفون العجب العجاب

بتشوفون غطرسه وغرور مالها اول من آخر في محاوله لزعزعة الثقه في نفوس لاعبينا

ماراح يسكتون عن هذا الحد ولكن بيتجاوزون حدودهم وبيدورون أية مداخل وبينزلون معنويات لاعبينا

<><><><><><><><><><><><><><><><><><><>

أنـا ما أقول لإعلامهم او اداراتهم لاتدعمون فريقكم بالعكس هذا واجب عليهم وشي منطقي يدعمون فريقهم

لكن هذا مايجي على حساب الفريق الآخر في محاوله رخيصه ودنيئه للفوز بطرق غير مشروعه

أعتقد فيه ملعب و22 لاعب وحكم وهذا الفيصل بيننا وبينهم لكن غير هذا يعتبر استفزاز و تصرف هواه

ويا سبحان الله احنا يالسعوديين مقطّعنا الكرم لاجو عندنا لدرجة اننا نعاملهم كأنهم المعزبين واحنا الضيوف

<><><><><><><><><><><><><><><><><><><>

رساله للاعبي الزعيـم :

لاتغركم تصرفاتهم فـأنتم وصلتم لمرحله تتلاشى عندها الاستفزازات وياما لعبتوا امام ملاعب فوق 80 الف

وماهزوا شعره من رؤوسكم وبالعكس اعطتكم ثقه اكبر من ثقتكم لـ نفرح بعدها بإنتصارات لن يمحوها التاريخ

يا لاعبينا ويارافعين رؤوسنا انتم مطالبون بالـ 3 نقاط ولن نسامحكم اذا اضعتموها

وراكم جماهير لن تغفر لكم اذا تهاونتوا او استسلمتوا بـردوا حرّتنا فيهم وخلونا نتراقص على انغام الانتصار

العيناويه يقولون انهم زعيم عليكم فـ ماذا سـ تقولون...!