#1  
قديم 07/03/2006, 02:20 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
Smile تشتــــــاق لك العـــــــافيه ..!!

..السلام عليكم ورحمة الله وبركاته..



قد تقـــول لقريــــب أو أخ لم تره من زمن: اشتقت إليــك ..
فيرد عليك : تشتــــــاق لك العافيـــه..

ونعتبــــــر هذه مجــــامله ودليل محبـــه وإحتـــــرام
من دون أن نفكّـــــر أن الإنســـــان يشتــــــاق إلى شئ بعيد عنه..



وحينما نقـــــــول : تشتـــــــاق لك العــــــافيه ..
فالكلمـــه تعني أن تظل العـــــــافيه بمعنى الصحه بعيده عنك وتشتاق اليك

فهل هذا المقصـــــود الذي نريــــده ..؟؟
أم اننا نردد كلمــــات من دون أن نفكر في مضمووونها ...؟؟



يوووجد الكثيــر من الكلمــــات التي نرددها ولانعرف معناها
بالطبع الشخــص الذي تعرفه جيـــــداً وقرريــــب منك ..
بالمعنى العامي(تموون عليه )

بيفسرها على الخير ..
لكن الشخص الذي تعرفه معــرفه سطحيه يمكن يؤؤلها لشئ ثاني ..
يعني المفروووض ناخذ بالنــا لهذي الاشياء البسيطه ..
ولا نكووون مجرد ببغاوات نردد ولانعرف ماذا نقوووووول ...!!



ودمتـــــم بخير ..,,

أختكم .. هلاليه سنعه ..

اضافة رد مع اقتباس
  #2  
قديم 07/03/2006, 02:49 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
وعليكم السلام ورحمه الله وبركاته


اشتقنا لك .....


بس لا تقولين اشتاقت لتس العافيه



صح حنا دايم نقولها .... بس قصدنا أن العافيه ماتفارقك أن شاء الله ....


خالتي راحت لوحده زايرتها وقالتلها ذا الكلمه:p ويوم جت
قالت أني قلت كلمه أخاف تفسرها شي ثاني
نفس تفسيرك .....وحذرتنا نقولها ثاني مرة
بس المتعارف عليه أن العافيه ماتفارقك ....واللي يبي يفسرها غير كذا مالنا دخل فيه:p :p


مشكوره أختي على هالطلة الحلوة ....
والتنبيه الأحلى
اضافة رد مع اقتباس
  #3  
قديم 07/03/2006, 03:47 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
هلا والله بفرفر <<<الدلع الجديد
وانا بعد اشتقت لتس <<ودها تقوول اشتاقت لتس العافيه هههههههههههه
صادقه هالناس ماينعرف لهم فيهم حساسيه لأي كلمه ويدققون ..
وعلى قوولتس عاده ..

واللي يبي يفسرها غير كذا مالنا دخل فيه <<<< تعجبني الثقه

..يعطيتس العافيه فرصه على الرد الحلوووووو ..
اضافة رد مع اقتباس
  #4  
قديم 07/03/2006, 06:09 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
ياحبي لنا حنا وكلامنا حنا ورانا نتكلم ولا ندري وش نقول ههههههههههههههههههههههه

انا مادريت عن لاتقوم وجنبك سديرواي ان معناه زين الا يوم قالته فرصه

وهالحين ياسنعه جبتي هذي والله من زمان انا اقلبها في راسي واقول الجمله فيها خطاء

بس الظاهر عجازنين نجيب جمله ثانيه ههههههههههههههههههههههههههه

طيب ممكن اسأل اخاف يصير بعد فيهها شي هالحين اذا أحد شرى شي وراتس اياه صح تقولين تقطعينه بالعافيه ولا بعد هذي مشبوهه صار الواحد يخاف يحتسي ههههههههههههههههههههههه

تصدقين يبي لنا ميزان نعدل بعض الدعاوي حقاتنا خصوصاً حنا يا اهل نجد

مشكورة يالغالية على هالروائع اللي تحطينها الله لا يحرمنا منتس يارب
اضافة رد مع اقتباس
  #5  
قديم 07/03/2006, 06:35 AM
زعيــم مميــز
تاريخ التسجيل: 14/04/2005
مشاركات: 4,864
والله أن ضايعين ، حتى بالكلام ما ندري وش نقول
شكرا على المعلومة وإن شاء الله نعدل الكلمة
ملاحظة : يا حبكم يالبنات للون اللي يفقع الراس
الحين الواحد يالله بالنظارة يشوف اللون العادي
تروحين وتحطي لون ما أعرفه إلا في اختبارات النظر والله يا أني تعبت إلين قريت الموضوع كامل
مشكورة وبصراحة استفدنا من الموضوع
اضافة رد مع اقتباس
  #6  
قديم 07/03/2006, 11:16 AM
زعيــم مميــز
تاريخ التسجيل: 02/10/2004
المكان: مركز تدريب (ميلان) !!
مشاركات: 5,754
اي والله صدقتي اختي اختي المشكله ان هالموضوع مامر علي الا قبل يومين وكان من اخوياي اللي من زمان عنهم

اهو يدرس برى وكنت معاه عالمسنجر يوم قاللي مشتاق لك كتبت له تشتاق لك العافيه قاالي ليش تبيني اصير مريض انت؟؟؟

صراحه توني ادري عن هالشي مشكوره اختي على موضوعك الرائع ,,,,
اضافة رد مع اقتباس
  #7  
قديم 07/03/2006, 11:18 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
المشكلة أننا نعلم أننا على خطأ و لا نقف !

" ممكن نفسرها بعافية المغرب ؟! عافية المغرب النار ! "

حضور أسعدنا نتمنى استمراره ..
اضافة رد مع اقتباس
  #8  
قديم 07/03/2006, 11:48 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
..سندريلا الهلال..
هلا وغلا بسن سن منووره الموضوع..
صادقه مع الخيـــــــل ياشقرا هههههههههه
أكيــــــد عجزانين ومالنا خلق ندوّر على جمله ثانيه
نبي نقوول لليابانيين يخترعون لنا جمله جديده
أما تقطعينه بالعافيــه<<<أحس مافيها شئ
يعني اذا شريتي الشئ تكرفينه وتحللينه لين يتقطّع
صادقه يبي لنا ميزان نقيس فيه كلامنا
يعطيتس العافيه على المروور والرد الحلوو ولاتحرمينا من طلتس ..

..فارس11 ..
مشكوور اخوي على المررو والرد
ملاحظه
أجل لو اني حاطه لوون فووشي وش بتسووي
بعدين انحن يالبنات نحب الألوان الفرايحيه ..
إذا مابغيتا اللون ظللّه وتنتهي مشكلتك مع الألوووان

..رجـل القـانـون..
مشكوور اخوي على المروور والرد
وفيه ناس يفسروونها على الشئ اللي مهوب زين
مثل صديقك ..

..abu_riman ..
مشكورأخوي على المروور والرد
مافهمت أنا وش المقصوودبعافية المغرب .؟؟
اضافة رد مع اقتباس
  #9  
قديم 07/03/2006, 12:18 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
حسب معلوماتي إن كلمة العافية في المغرب تعني النار !!
اضافة رد مع اقتباس
  #10  
قديم 07/03/2006, 11:04 PM
الصورة الرمزية الخاصة بـ كلك 9 ذوق52
زعيــم مميــز
تاريخ التسجيل: 24/04/2005
مشاركات: 6,729
تنبيـه سنع من السنعـه

شكراً لكـ
اضافة رد مع اقتباس
  #11  
قديم 09/03/2006, 04:59 AM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
هو بس ذس ...



كثيييييييييييييييييير عندنا ....



وانا اكثر مايغثني.....

الله يرجك ....<<<<<<<<<<ليتكم تكبونها...


وهناك الكثير مما لايحضرني...

سلام,,, ياسنعه ..
اضافة رد مع اقتباس
  #12  
قديم 10/03/2006, 01:16 AM
زعيــم مميــز
تاريخ التسجيل: 28/12/2005
المكان: قلبُ أمي :(
مشاركات: 2,045
هلا وغلا فيك اختي هلاليه سنعه
انا اقول ان الغلط موب بالكلمات اللي نقولها وتعني شي ثاني
الغلط في الناس اللي يقولون كلام وما يعرفون وش معناه
بس انا من زمان ما كنت اعرف شو القصد منها لكن يومني عرفت ما عاد قلتها لاحد

مشكوره اختي ع التنبيه
اضافة رد مع اقتباس
  #13  
قديم 10/03/2006, 03:52 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
تصدقي ياوخيتي دايم افكر بهالكلمه
احس انها غلط

يعني احس كاني اتمنى له المرض >>>>>>>تفكيري رهيب

يسلموووو وياليتنا نعرف وش نقووول
صار كلمنا اغلبه اصبح مثل العادات الي نسويها بدون مانفكر


يعطيك العافيه
اضافة رد مع اقتباس
  #14  
قديم 11/03/2006, 01:46 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
..abu_riman..
مشكورأخوي على التوضيح
انا راح بالي لحزة المغرب
اذا هذي العافيه عندهم أجل المرض وشوو...؟
الله يحمينا وياكم من كل شر..

..كلك 9 ذوق52..
يعطيك العافيه أخوي على المروور والرد..

..عزوز الأزرق ..
شكراأخوي على المروور والرد
فعلاً.. الله يرجك كلمه كثير نتداولها
بس ان شاء الله نبتعد عنها ..
ونضع البديل لها ..

..~بنت الزعيم~..
هلا وغلا بنووته منوووره الموضوع
صدقتي .. ويعطيتس العافيه على الرد..

..الهنوووف..
أهلين وسهلين خيتوو نورتينا
ابشرتس تفكيرتس ميه باالميه
عرفتي معناها
بالفعل ياليت وياليت ..نفكّر قبل مانتكلم ..
يعطيتس ألف عافيه هنووفه على المروور والرد الجميل ..
اضافة رد مع اقتباس
  #15  
قديم 12/03/2006, 01:27 AM
زعيــم نشيــط
تاريخ التسجيل: 10/08/2004
المكان: The heart of the world
مشاركات: 518
تووووووووووووووبه ما راح نقولها ثانيه

بس لو لاحضنا على كلامنا كله راح نسمع البلاوي

لك الشكر,,,,, ع التنبيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:27 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube