#1  
قديم 06/03/2006, 10:18 PM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
ألا ياشوق لاعبا ً بحسبـتيـ .. !



يالله حيهم

ملاحظه اد كدا هوه :p ..

(( خلكم رايقين ترا فيه صور يمكن تصير ثقيله ))

ابد تراني جايب مراوحي معي ومنظف الغبار عن خشتي لاحد يقول كح كح ..

وصح اني منقطع عنكم والسبه ثالث ثانوي ..

بس اتابعكم بشكل يومي بس موب يومي يومي يعني عاد سلكوها ..

حبيت اسلم عليكم واسير :p ..

واقول ابشركم ان المخطط ماشي صح وان شاء الله اكون

اول واحد يتخرج واجيب اعلى نسبه لواحد زاحف

>> فيه انفصام ومايبي احد احسن منه فخص نفسه ههههههههه ..

واحب اشكر اللي سألو عني لاحد يقول من سأل عنك ترا ماهنا احد :p لاامزح بس اقولهم شكرا ً ..

واني مشتاق لبعض الوجيه الطيـبه كثير و زمان عنها مره : ) سواء لقائاتي معهم بالنت او خارجه . .

المهم مابي اكثر سواليف خبركم خويكم ماعنده عقل الحين كلش مستخدمينه وموظفينه في الدراسه الزينه ..

وبما اني منتهي كرويا ً و فكريـا ً وعقليا وكلش وكلش كلش :p وماننسى ان عائله الزواحف دائما ً مبدعه ..

قلت احب اطرح لكم صور اخوي الفوتغرافي ( لعيون البارق ) >> والله مادرى عنك بس بلفقها فيه :p ..

طبعا ً كل الصور بعدسه اخوي .. اتمنى تعجبكـم ..


_________

^ 1 ^ ..



الي مايعرف الصقر يشويه فقلت ماكلف عليكم مالها لزوم الفحم والشوي يعني

فهذا اللي مايعرفه ترا اسمه صقر >> عادي الدلاخه جايه من الاستنزاف العقلي في ثالث ..


^ 2 ^ ..



صوره اخذت في متحف بيت الدين .. في لبنان ..


^3^ ..



هذا واحد ماشاء الله عليه ارتقائه حلو ينفع يخاوي العنبر ( ماشاء الله ) :p ..


^ 4 ^ ..



صوره ا خذت في فعاليات عيد الفطر عند الاستاد :p ..


^ 5 ^ ..

ارعص هنا وشف الصورة ..

صوره بانوراما من الدرعيـه ..


^ 6 ^ ..



وهذه بعد اخذت بالدرعيـه .. ;) ..


^ 7 ^ ..

ارعص هنا وشف الصورة ..

الصوره بالسولدير ( منطقه الساعة ) طبعا بانوراما والساعه خارج الاطار عشان تعطينا انطباع حلو >> لو انه وش عاد :p ..


^ 8 ^ ..



صوره بانوراما طوليـة لصخره الروشه في لبنان ..


^ 9 ^ ..


ارعص هنا لترى الصورة ..

صوره للسـاحل اللبناني ..


^ 10 ^ ..



هذه ورده اهديها لكل اللي يحبني ولكل الزوار واللي بيردون علي :p ..



واحب اقول ان البربسه خلاص انتهت وعاد يالله الله الله بالردود :p >> كأنه الحاتمي لا جا يرحب :p

اخر تعديل كان بواسطة » واحد زاحف في يوم » 06/03/2006 عند الساعة » 10:22 PM السبب: ابد حب استطلاع :p ..
اضافة رد مع اقتباس
  #2  
قديم 06/03/2006, 10:39 PM
زعيــم نشيــط
تاريخ التسجيل: 16/03/2003
المكان: جـــ غيـــــر ــــدة
مشاركات: 737
هــلا وغـــلا بـ ثامر ...
من طول الغيبات جاب الصـــور يعني ...
لكن معــذور ثالث يبيلها مجــهود ..
والله يوفقك وتجيب النسبـة اللي تبيهـــا ...
اضافة رد مع اقتباس
  #3  
قديم 06/03/2006, 10:45 PM
الصورة الرمزية الخاصة بـ blueblood_999
زعيــم مميــز
تاريخ التسجيل: 10/09/2004
المكان: United States
مشاركات: 4,406
Smile لعيونك بس ..

::
هلا والله بكل الزواحف يا شيخ ..
:
هلا والله بـ ثـمـوري ..
:
هلا بنور عنوني ..
:
وشلونك ..؟ وشلون ثالث معك ..؟ الله يعينك
:
ما شاء الله صور أكثر من رائعة ..
:
هي بصراحة مب رائعة .. يعني اوب رائعة رائعة ..
:
إلا تجنن .. وتهبّل .. وتطيّر النوم
:
ولا عاد تقطعنا يااااااخي
:
ترى يضيق صدري
:
المهم خلنا نشوفك ..
:
:
سلامن عليكم
:
::
اضافة رد مع اقتباس
  #4  
قديم 07/03/2006, 06:13 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
@ هلا بالزاحف وكل التوفيق إن شاء الله الك وتجيب احلى وأعلى نسبة وعوداً حميداً بإذن الله .
اضافة رد مع اقتباس
  #5  
قديم 07/03/2006, 06:23 AM
زعيــم مميــز
تاريخ التسجيل: 14/04/2005
مشاركات: 4,864
شكرا لك أخوي على الصور الراااائعة مررره
اضافة رد مع اقتباس
  #6  
قديم 07/03/2006, 11:21 AM
زعيــم مميــز
تاريخ التسجيل: 02/10/2004
المكان: مركز تدريب (ميلان) !!
مشاركات: 5,754
الله يوفقك اخوي في حياتك العلميه والعمليه ,,, ومشكور على الصور ,,,
اضافة رد مع اقتباس
  #7  
قديم 07/03/2006, 12:23 PM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
ياهلا والله بالزاحف

إقتباس
اول واحد يتخرج واجيب اعلى نسبه لواحد زاحف

كيف النسبة الترم الأول ؟؟ الله يعينك على الترم الثاني خاصة انهم قللوا النسبة المسموح بها من 10 % الى 5% >>> يحسب نفسه بسوق الأسهم

والصور تاخذ العقل

بس اسأل اخوك وش نوع كاميرته ؟؟
تحياتي لك
اضافة رد مع اقتباس
  #8  
قديم 07/03/2006, 02:46 PM
زعيــم متألــق
تاريخ التسجيل: 28/06/2004
المكان: يلومونا يالــريــاض
مشاركات: 1,340
يعــــــــطيك العــــــافيه
اضافة رد مع اقتباس
  #9  
قديم 07/03/2006, 11:37 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
حيالله زاحف

صور جدا رائعه

يعطي العافيه الي صورها والي نقلها

وبالتوفيق ان شاء الله شد حيلك
اضافة رد مع اقتباس
  #10  
قديم 09/03/2006, 06:56 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453


اهـب ... تـقـووول انـه بـث مـبـااااشـر مـن مـووقـع الـحـدث... بـل يـاااصفـاااهـااا القـزاااز ... وش ذي الصــووور ..!!

مـاااشـاااء الـلـه تـبـااارك الـلـه عـلـى أخــوووك ... (بعـد وشـوو؟؟) ...

واااحــد زاااحــف ... الـلـه يعـطيـك الـعـوااافـي ... عـااافيـة تنـطـح عـااافيـة .. وتبـنـط بـاخـوووك ...

وإن شـاااء الـلـه مـثـل مـاااقـااال قرقـااااص تـطـق الـنـسـبــة فـووق .. ويـصـيـر مؤشــرك خـضـر دووم ... وتـجـنـي الأربـاااح مـدبـلـة ...

لـك مـنـي كـل مـحـبـة وتـقـديــر ...

أخـووك // دبــل كيــك ...]
اضافة رد مع اقتباس
  #11  
قديم 10/03/2006, 03:24 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376

هلا بك ثيمو

وش أخبارك ...! وش الدنيا بـك

بشر كيف النسبه الترم اللي طاف ...! ليكون شينة
ترى إذا كانت شينه بـ حرمك من ذاك وذاك .

إقتباس
وصح اني منقطع عنكم والسبه ثالث ثانوي ..

بس اتابعكم بشكل يومي بس موب يومي يومي يعني عاد سلكوها ..

حبيت اسلم عليكم واسير ..

وشوووووووله تدخل وتسلم
سلامك أنا أوصله للاعضاء بس يـ الله قدامي ع الدروس
الأعضاء موب طايرين بتمل منهم :p ، أما ثالث بتطير .


إقتباس
واقول ابشركم ان المخطط ماشي صح وان شاء الله اكون

اول واحد يتخرج واجيب اعلى نسبه لواحد زاحف

الحمدلله
بعدي والله بـ ولدي ، أيه شد حيلك وأنجح ، وراح الكثير ومابقى إلا القليل

ودي ياولدي تجيب نسبة ترفع رآسي ، وأقهر فيها جيرانا، انت خابر كل عيالهم دوافير ويعايروني فيك يقولون ولدتس داج ماهو فالح الا بس بالدوران بهالشوارع موب لم الدراسه فشد حيلك وخل نتتصر عليهم ====>>> مثلة دور الأم صح :p .

إقتباس
المهم مابي اكثر سواليف خبركم خويكم ماعنده عقل الحين كلش مستخدمينه وموظفينه في الدراسه الزينه ..

أ م ح ق
مستخدم عقلك في الحساب كمـ باقي وتنتهي ثالث ، جيد يجي ويسالني ويقول : يمـه متى بتنتهي هـ السنه يمـه كم بقى من شهر أترك ثالث ، يمـه مليت ماأبي أروح اليوم للمدرسه :p


الله يهديك ويعقلك .
إلا ع فكرهـ هاهـ وش قررت تدخل ..! يـ الله قرر وجب نسبة تأهل لتكميل مشوارك

إقتباس
قلت احب اطرح لكم صور اخوي الفوتغرافي

ياأخي أخوك ذا وراهـ شايف عمرهـ ، ليه مايجي ينزل صورهـ هنا بدالك ..! إلا لازم يتعبك ويخليك تنزلها بيوزرهـ
قله خلاااص المجلس قفل باب إستقبال الصور من الزوار ، مانستقبل إلا اللي عندهم بطاقات دخول :p















لا لا أمزح

الله يحيه ، ويسلمـ لي والله ع هالصور الروعـه وماشاء الله له مستقبل في التصوير الفوتغرافي ..
بالتوفيق له ... وإن شاء الله يبدع بموقعه ويطلع أحلى موقع في مجال التصوير .






ثانكس ثيمو ...





فـيـّـو
اضافة رد مع اقتباس
  #12  
قديم 10/03/2006, 06:11 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772
هلا بالزاحف الواحد اللي مثل العقرب يضرب ضربته ويختفي ,,




يا اخي والله مالك داعي هذا اخوك وجالس معنا . . والله لو اخوي بحق ان ما حللته وطلعت ريحته ,,












اااااااااااااااااااااه بس .. هيضت ذكراك حبي واستبد بي الانين.. كاني اشوف الرويال يخزني من بعيد .. جايك جايك انتظرني:p ,,





يعطيك الف عافيه والله يوفقك بدراستك وسلم على يزيد وقوله بطل حركات بياخه وقوله هلالي الظهران يقولك يبي صوره للقراند ,,




سلاااااااااااااام,,
اضافة رد مع اقتباس
  #13  
قديم 10/03/2006, 07:33 PM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
هلا وغلا والله بالزواحف كلهم ..

يالله إن تحييه وتخليه ولأعلى نسبة تعطيه ..

الله يوفقك وتأخذ أعلى الدرجات في الدنيا والآخرة ..

أما عاد الصور فالأخ يزيد من الفوتغرافيين المعروفين على مستوى النت ماشاء الله عليه الله لا يضره ..

صح إنه للحين ما سجل عندنا لكن عاد الشكوى لله ..

بس أنت تتكلم بانوراما وخروج عن الإطار وأغلب الشعب هنا ما يدرون وش هي ..

لو إني مانيب مستعجل كان شرحتها لكن ليتك تشرحها أنت أو أخوك لأنهم أفضل مني وخبرتي مجرد قراءة في هالمجال ..

البانوراما : عبارة عن مجموعة صور تدمج مع بعض لتعطي صورة واحدة بزاوية كبيرة جداً سواء بالطول أو العرض ..

الخروج عن الإطار : مثل صورة الساعة <--- الله من زين الشرح هذا يعطي الصورة كأنها بالأبعاد الثلاثية 3D ..

قرقاص : كاميرة أخوه حسب إفادة زحوف في موضوع سابق هي كانون 20D وهي من الكاميرات الاحترافية طبعا غالية
وهذي صورتها :



على العموم كان أخوك ما عنده نية يجي ويسجل لا تقطع بنا أنت وكل فترة ( قش ) لنا من صوره وجبها لنا ..

ألف شكر لك على هالموضوع والصور الأكثر من رائعة يالغالي ..


تحياتي لك ،،،
اضافة رد مع اقتباس
  #14  
قديم 10/03/2006, 09:00 PM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
إقتباس
الرسالة الأصلية كتبت بواسطة مهووسة الزعيم
هــلا وغـــلا بـ ثامر ...
من طول الغيبات جاب الصـــور يعني ...
لكن معــذور ثالث يبيلها مجــهود ..
والله يوفقك وتجيب النسبـة اللي تبيهـــا ...


هلا وغلا حياك

الله يسلمك اهم شي تعجبك الصور :p .. >> مسوي هو اللي مصورها
ايه والله

امين وياك وكل الطلاب ان شاء الله


جدار فاصل ..

إقتباس
الرسالة الأصلية كتبت بواسطة blueblood_999
::
هلا والله بكل الزواحف يا شيخ ..
:
هلا والله بـ ثـمـوري ..
:
هلا بنور عنوني ..
:
وشلونك ..؟ وشلون ثالث معك ..؟ الله يعينك
:
ما شاء الله صور أكثر من رائعة ..
:
هي بصراحة مب رائعة .. يعني اوب رائعة رائعة ..
:
إلا تجنن .. وتهبّل .. وتطيّر النوم
:
ولا عاد تقطعنا يااااااخي
:
ترى يضيق صدري
:
المهم خلنا نشوفك ..
:
:
سلامن عليكم
:
::

حيا اللي كل اللي دمانهم زرقا :p ..
حياك يابلودي
خلاص ماتحمل كل هذا غزل :p
الحمدالله بخير كلو تمام ولله الحمد..
من ذوقك يابعدي : ) الله يسلمك ماتقصر ..
ان شاء الله
وعليكم سلام ..


جدار فاصل ..


إقتباس
الرسالة الأصلية كتبت بواسطة حبي تيماوي
@ هلا بالزاحف وكل التوفيق إن شاء الله الك وتجيب احلى وأعلى نسبة وعوداً حميداً بإذن الله .

هلا وغلا بشاعرنا : ) ..

الله يسلمك ماتقصر يابعدهم ..


حيطه فاصلة ..


اخواني فارس11 ورجل القانون شكرا ً على مشاركتكم ..

حيطه فاصلة ..

ابرجع قريب :$ ..
اضافة رد مع اقتباس
  #15  
قديم 10/03/2006, 10:14 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
هلا وغلا اخوي واحد زاحف

الله يكثر من الشوق اللي يلعب بحسبتك

حتى نشوف مثل هيك مواضيع ...

وتسلم زحوف على هالصور الحلوة

ولا تلطعنا خيو ...

(( بصراحة يوم قريت موضوعك كني صرت لبناني ))

مدري وش السالفة :p

سلاااااااااامي إلك ,,,
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube