هذيان حدرجاوي على اطلال الابداع الهلالي - نادي الهلال السعودي - شبكة الزعيم

حدارجا بدارجا · #1 04/03/2006, 06:07 PM

السلامو عليكم

اول شي كل ديربي وانتم بخير

-+ مدخل بسيط +-

اما ان الاوان
لنقل مقر النادي لدرة الملاعب؟
ياخي غريبة قصة استاد الملك فهد

هل هو موطن ابداع الهلال ؟
او ان الهلال موطن ابداع الاستاد؟

توقعون سر الابداع مقطوع في اركان هالملعب؟

او اسم ملكنا رحمة الله عليه
له اثر كبير بأبداع الهلال

ماظن كذا

او بشكل ثاني

ان جميع ملاعب المملكه بهالاسم هكذا يتخيل للاعبين اظن

ابداع الهلال في كل مكان

يالله ياحظ هالوطن بالهلال

::
::

قبل فتره قريت في جريده ناسي اي جريده لكن كان تصنيف الدوري السعودي على المستوا العربي

الرابع

ودي اقوول للي سوا هالتصنيف ياشيخ طير

دوري فيه فريق زي الهلال ويصير الرابع؟

ودي اهمس في اذنه

انت تتابع الدوري او شلة طقها واللحقها؟

بعيد عن التصنيف

برجع للهلال ومن غير الهلال بياخذ افكارنا

علاقة الهلال بدرة الملاعب

قبل المباراه ماكنت ادري وين المباراه فيه

ويوم شفت درة الملاعب

قلت لا اليوم مو يوم النصر

تدرون عاد ماعمري حضرت مباراه للهلال في درة الملاعب

ادري مالي حق

لكن تأنيب الضمير اكل مني وشرب

مرات اكذب على نفسي واقوول دعوه مني كفيله ان شاء الله
والسبب يعود للوظيفه

كم اكره هالوظيفه الي تحول بيني وبين عشق اسمه الهلال

::
::
::

تعرفون وش العلاقه بين الهلال والقائد النازي هتلر

الاغلبيه يكره هتلر اذا ماكان الكل

لكن وبكل امانه منبهرين بقوته

شي طبيعي او ظاهر اننا كهلاليين والهلال اشرف وافضل واكرم من هتلر

لكن الربط الي كان بيننا

هتلر كان يحارب من ثلاث جهات ان ماخانتني الذاكره

وهذا هو حال الهلال يحارب من كذا جهه

لكن هتلر انهزم من سوء تخطيط او من خيانه لا اعلم

لكن الكلام الاكيد لو انه عايش

مانهزم

والسبب الهلال

وكأن لسان حال هتلر يقوول اه لو اني عرفت الهلال لكي احذو حذوه في التخطيط

عملية عكسيه لكن فيه تقارب شديد

هذيان او خرابيط كيفكم
لكن الهلال اجبرني عليها

::
::
::

كلمة او جمله او مقال

قريته وجاز لي كثير

لاننا نتقن الصمت حملونا وزر النوايا <<<< مدري وش دخلها لكن يمكن سر الابداع في هالكلمه يوازي ابداع الهلال

يالله

كم انت تأسر العقول ياهلال

على طاري تأسر

ذاك الفتى ياسر

ابن الساحل الشرقي

يحذو حذو الذيب

وكأني اشووف المستقبل والعياذ بالله

ان ياسر امتداد لذيب سامي

ودي اهمس في اذن ياسر

ياليت كل مباراه يكون الخوجلي حارس فيها

ممكن علشان التنافس بينكم

وكالمعتاد تكسب هالتنافس

لكن

انبطاحية الخوجلي تلك هي مرادنا في كل مباراه

::
::

ننتظر بصابر الفرغ او بفارغ الصبر

<<< معليش ابداع الهلال هو سبب الضياع:p

موقعة القطاره

بأذن واحد احد

بداية الهلال والعوده للامجاد بأذن الله
^
^
^
هالكلمه ماتحسون فيها شذووذ؟

كلي استغراب وانا اكتبها

من متى اصلاً الهلال ابتعد عن الامجاد

::
::
::

ابو سلطان

كلمة من ابنكم الي هو انا ;)

او ان صح التعبير المقصر في حق الهلال

ايضاً انا ;)

ياحظك في الهلال

وياحظ الهلال فيك

تدري يوم شفت الجمهور امس

تحمد ربي على كذا شغله

بدايتها رجعتك
وثانيها رجعة الرقم الاصعب

وثالثأ الثلاث نقاط

وكأني حطيتها في جيب الهلال قبل تبدا المباره

واتوقع اي شخص ذو عقليه كرويه من المستحيل بيطلق على صفة الجنون
هذا اذا ماكان ايدني فيها

او يحق لي دام الهلال فريقي

::
::
::

هالوقت خلونا نقوول

العشرين سنه الماضيه

بحكم اني عايشت الهلال فيها

اردد بيني وبين نفسي لو اني جيت في وقت غير الوقت الي ذكرته

بصير محرووم من ذا كله

وبعد ماروح بخيالاتي

اهز راسي واطرد هالخيالات

واقوول الحمدلله اني هلالي وفي هالوقت

ماتحسون اني طولت وقمت اخثرد او اخربط الي تبون

لكن هذا مايجول بخاطري وسدحته في هالمنتدى

الى حدرجه جديده بعد القطاره بأذن الله

حدارجا بدارجا · #2 04/03/2006, 07:43 PM