هل ستحضر اللقاء الجماهيري والله يمكن اكون مشغول - نادي الهلال السعودي - شبكة الزعيم

زيزو5 · #1 24/02/2006, 09:36 PM

السلام عليكم ورحمه الله وبركاته

مساء الخير لكل ماهو ازرق مساء رائع لكل زعيم هلالي غيور على الزعامة الزرقاء

هل ستحضر سمو الامير الدريبي القادم بين الهلال والنصر بهذه الصيغه سال المذيع الاوربتي محبوب كل الهلاليين الامير الشاب الرائع محمد بن فيصل وهكذا كان الرد والله يمكن اكون مشغول .... الجماهير ستحضر سمو الامير ... هذا الجمهور الي يفتح النفس (يقصد والكل يعرف جمهور الهلال في المنطقه الغربيه بصفه عامه )

والله ماالومه يوم زعل ... ولا الومه اذا قاطع الحضور في الرياض ... اميرنا ماقصر ترك مشاغله كلها لعيون الهلال وعلشان يتفرغ للهلال ... وكله علشان يستعيد الهلال قوته وهيبته واستعادها بفضل الهلال ثم بفضل العمل الدوؤب الي يقوم فيه الامير وجهازه الاداري ... الجمهور الهلالي يتعذر بااعذار واهيه الامير مخلي الاهم وانتم كان مافيه احد عنده مشاغل الا انتم ... الامير يضحي وانتم لالالالالا ( على عدد البطولات ) ولا رضيتوا وعلى فكرة ولي العهد ان شاء الله هلالي بشرط المبارة في جده ولا الشرقيه علشان تشوفون الجمهور الي يحب الهلال ويهز الملعب لعيون ابو سلطان ونجوم الهلال والهلال ككيان كبير

اتمنى من كل هلالي غيور على هلالنا الحبيب الحضور لمسانده الزعيم في اللقاء الجماهيري الكبير الذي اتوقع مع احترامي للجمهور الهلالي في الرياض الملعب سيكون مصبوغ باللون الاصفر تقولون ليه
اقول النصر في وضع محرج وجماهيره تقف الى جانبه بكل قوة لانها تومن باهميه وقفتها معهم وانها تزيد من اصرارهم في الملعب وتعطيهم دافع قوي لاثبت الذات بغض النظر عن انهم اللاعب رقم12 والعامل الاول والمهم والاساسي في تغيير النتيجه

فاتمنى من الهلاليين ان ارى اللون الازرق هو السائد والجمهور الهلالي هو صاحب الكلمه الاول والاخيرة في نتيجه المبارة

توقع خاص اول اهداف جيوفاني مع الهلال في المرمى النصراوي وعلى طريقة الكبار مثل مااعتاد الهلال

جيوفاني الهلال · #2 25/02/2006, 02:20 PM

اتمنى ذلك وشكرا واتمنى جيوفاني يسجل........................................................................................... .

زي ماشفت · #3 25/02/2006, 03:16 PM

إنشاء الله أول الحظور

moon=wessam · #4 25/02/2006, 11:15 PM

ان شاء الله اول الحاضرين

زيزو5 · #5 28/02/2006, 03:29 PM

شكرا للاخوة جيوفاني الهلال ,,, والقمر الوسيم ,,,وزي ماشفت على الردود ونتمنى ان الملعب ازرق على ازرق مثل ماالحر الازرق يجمع معالي الزين

عاشق الذ ئب · #6 28/02/2006, 05:19 PM

ان شاء الله انا اول الحاظرين

ويعلم الله اني مصرف مدرس الرياضيات عشان اجي للمبارة

هلالي للأبد2006 · #7 28/02/2006, 05:22 PM

ان شاء الله انا اول الحاظرين

هلالي توب · #8 28/02/2006, 05:30 PM

ان شاء الله نلتقي في الاستاد لدعم زعيم الابداع

يوم الوفاء ياجمهور الوفاء اتمنىى الكل يحضر

مشكوووور اخووووووي

الفيلــ15ـــسوف · #9 28/02/2006, 05:47 PM

إن شاءاللــه الحضور بيبيض الوجــه ..!!

..

زيزو5 · #10 28/02/2006, 05:54 PM

اشكر كل من رد على موضوعي
واتمنى من المراقبين تعديل الموضوع لاني كتبت بفضل الهلال وانا كنت ابي اكتب بفضل الله ثم بفضل العمل الدوؤب الي يقوم فيه الامير وجهازه الاداري

هلالي توب · #11 03/03/2006, 04:13 PM

ابشر بإذن الله اول من يجي

يستاهل ابوسلطان