والله هذا اللي قاله لي التمياط عن تجديد عقده - نادي الهلال السعودي - شبكة الزعيم

سامي جده · #1 26/02/2006, 12:39 AM

قبل فتره ليست بالبعيده واثناء معسكر المنتخب بجده لمباراه غانا قابلت نواف التمياط وبعد السلام عليه سالته عن تجديد عقده مع الهلال ففاجاني باجابته حيث قال لي لما ينتهي عقدي لكل حادث

قلتله يانواف انا هلالي وقل لي اذا كنت بتجدد فاستمر بعناده وكرر مقولته

ياشباب انا اقول اللاعب اللي كان يحكي عنه البلوي في صدى الملاعب هو التمياط وانا اليوم اتاكدت واتذكرو كلامي بعد شهر ونصف

اذا كانت الاداره الهلاليه تبي تجدد معه عليها بالاسراع نحوه وانا خوفي بعد لايكون الشلهوب

هلالي توب · #2 26/02/2006, 12:42 AM

اذا نواف التمياط بيدمر باقي حياته الكرويه فلينتقل للأتحاد (مقبرة اللاعبين)
لكن لا اتوقع لاعب يقدم على قتل موهبته وشعبيته بهذا الشكل

مشكووور اخووووووي

east · #3 26/02/2006, 02:41 AM

إقتباس

الرسالة الأصلية كتبت بواسطة هلالي توب


	اذا نواف التمياط بيدمر باقي حياته الكرويه فلينتقل للأتحاد (مقبرة اللاعبين) لكن لا اتوقع لاعب يقدم على قتل موهبته وشعبيته بهذا الشكل مشكووور اخووووووي

vv

عاااشق الدوخي · #4 26/02/2006, 01:41 PM

عادي وربي لو راح نواف بالنسبة لي كله واحد
ومستوى نواف مو مثل اول ولو راح للاتحاد راح يدمر زياده

هلالي 505 · #5 26/02/2006, 12:45 AM

لا نواف ولا الشلهوب وعلى ترى الدب يبغى يشتت افكارنا عن مباراة النثر

الزعيم ميدو · #6 26/02/2006, 12:52 AM

والله ليت نواف يروح
الحين عمره 29 داخل بالثلاثين
يعني ماراح نستفيد منه وفي بداله
اذا يبي يروح يتوكل على الله وكلنما نحبه

ابوريوف · #7 26/02/2006, 06:32 AM

إقتباس

الرسالة الأصلية كتبت بواسطة الزعيم ميدو


	والله ليت نواف يروح الحين عمره 29 داخل بالثلاثين يعني ماراح نستفيد منه وفي بداله اذا يبي يروح يتوكل على الله وكلنما نحبه

انا اتفق معك اخي الكريم اذا كان المبلغ كبير فاالفائدة كبير للنادي ولا ننسى مساومة التمياط للنادي زمان وهو مصاب والنادي يصرف الملايين لعلاجه

الاعصار الاسيوي · #8 26/02/2006, 12:54 AM

قلعته هو والبلوي

سامي جده · #9 26/02/2006, 01:00 AM

نواف المشكله اذا راح تره مااحترم الهلال اللي صرفله رواتبه وهو مصاب وتكفل بعلاجه لا وبعد بيروح للفريق اللي موجود به الاعب اللي تسبب باصابته وهو مامادو ثور

مـن نـظـرة حـبـيـتـك · #10 26/02/2006, 01:04 AM

ياناس خلوا الإشاعات وتشتيت الأفكار وبعدين نواف هو صرح بلسانه يعني موب رايح للإتحاد وإذا حتى راح الله يساعد ماحنا جالسين نترجاه يجلس وهو أصلاً له حق على الهلال اللي صرف له راتبه وهو مصاب وجدد معه بـ 3 مليون ريال كلها وهو مصااااااب

الجوهرة · #11 26/02/2006, 01:06 AM

مع احترامي لنواف .. مستواه جدا تغير بعد الاصابه .. و لا اظن بيرجع لمستواه ..
لكن انه راح يروح للاتحاد استبعد هالفكره على نواف كثير ..
لانه كان يقول انا واخواني محمد وصفوق ابناء النادي .. وليس بالسهوله نتخلى عنه ..

الجوووووووووووووووووووووووووهرة ...

الدم الأزرق والأبيض · #12 26/02/2006, 01:23 PM

مهما أخذ البلوي من لاعبين الهلال ومدربيه ..... فإنه لا يستطيع أن يأخذ روح الهلال التي هي ميزته بالفوز بالبطولات ..... فروح الهلال ليست بلاعب او لاعبين أو مدرب .... فهي بإسم الهلال ... وهذا بحد ذاته قادر على قهر أعتى الفرق ..... ولا يستطيع اي شخص ان يشتري روح الهلال التي تفتقدها أغلب الاندية

هلالي...حتى المووووت · #13 26/02/2006, 01:07 AM

ماتوقع ان نواف بينتقل للاتحاد
واذا كان بيروح, الهلال منبع النجوم
اعتزل النعيمه والهلال يحرز بطولات و اعتزل الثنيان وحققنا البطولات راح الدوخي ومازلنا نحقق البطولات

لكن ما اتوقع ان نواف يروح للمقبره (الاتحاد) بنفسه

على العموم بالتوفيق للزعيم

بكل فخر هلاليه · #14 26/02/2006, 01:08 AM

اخوي لو تسكت احسن لك

ابو سلطان وعدنا بتجديد عقده

ولا نسيت

ونواف عاد من الاصابه وراح تشفون مستوى الرائع

سواء كان مع المنتخب اوالهلال

أبو باسل الهلالي · #15 26/02/2006, 04:37 AM

إقتباس

الرسالة الأصلية كتبت بواسطة بكل فخر هلاليه


	اخوي لو تسكت احسن لك ابو سلطان وعدنا بتجديد عقده ولا نسيت ونواف عاد من الاصابه وراح تشفون مستوى الرائع سواء كان مع المنتخب اوالهلال

صح لسانك

وياشباب ترى كثر الكلام عن موضوع نواف كثير

وبعضهم يقول قلعته هو والبلوي

نواف على فكرة اخاف تكونوا نسيتوا الى الان لاعب هلالي

وترى ذبحتونا بكلمة / الهلال صرف عليه والهلال عالجه

وبرضوا ترى اللي قدمه نواف للهلال ايام شبابه من ابداعات وتضحيات

شي كبير وعظيم من الظلم نكرانه والاستهانة به

لكن انا واثق تمام الثقة انه نواف هلالي وانا قابلته في النادي وقال

انا هلالي ان شاء الله وباختم حياتي في الهلال

ريحونا من هالموضوع الله يخليكم

شكرا للجميع