#1  
قديم 28/02/2006, 11:17 PM
زعيــم فعــال
تاريخ التسجيل: 17/03/2005
مشاركات: 490
إفهم يافهيم ..هلال التحكيم...أصبح به زعيـم

:
.
.
.
.
كل هلالي وهلاليه يسوون مثل كذا
.
.
.

.
.
.
.
.
.
واجد كويّس
.
.
الله يهديكم بس ليش مو راضين تقتنعون

ليش مو راضين تفهمون تكفون افهموا

إحـنا فريق حكّام وفريق رشاوي

وعندنا ناس تشتغل لنا في الاتحاد السعودي

وتضغط على الحكام وتخطف ورعانهم

إيه بعد فيه شي ماتدرون عنّه

ترا الفلوس اللي نشتري بها لاعبين مجرد حبر على ورق

يعني بالعربي احنا ندفع للانديه فلوس ونتصور معاهم

وبعدين يرجعون لنا فلوسنا غصب عنهم افا عليكم بس

بالله عليكم احنا ضامنين كل البطولات اجل ليه ندفع فلوس وميزانيه

ونشتغل في النادي ليل نهار ،، هذا بس تمويه عشان محد يدري

بالعربي

إحنـا فريق حكـام واللي مو عاجبه يبلّط البحر ويرضى بنصيبه

واذا احد يبغى يصير مجرم مثل الهلاليين حيّاه في منظمة المافيا الارهابيه الرياضيه

هذا نادي الغش ونادي الاعلام المزيّف ونادي المرتزقه ونادي الحكّام الغشاشين

نفسـي اعرف ليه مايغيّرون اسمه الى

نادي ،،هلال التحكيم،،

ثقافي = اجرامي @ رياضي= من الشرف فاضي @ اجتماعي= انعزالي عن الشرفاء

يا مصممّين ارسموا هالـشعار في الواجهه الرسميه لمنتدانا لكي يعرف الكل حقيقتنا

تعبـنا من التظليل والتمويه خلاص مافينا حيل نكذب زياده محد يدري متى يموت ويلقى ربه

[line]

شفتوا هالحتـسي اللي فوق

بطّوه لأي واحد تشوفونه ولايردكم الا السـعه

مخـوخهم المعوّقه ماينفع معـها الا الرفس والسخريه

محد شتمهم ونزّل من مستواهم اللي هو نازل اساسا

هم خـلّونا نحكي فيهم ونستهزأ بهم وعلى قولة سارا 07 محدن ضربكم على يديكم

صحيح السخريه لاتجوز على المسلم لكن هم بصراحه خلونا نشك في عقيدتهم للأسف

وشلون مسـلم وتتهم اخوك المسلـم بدون دليل يخلي الواحد يقتنع بكلامك الفاضي

وشلون مسلم وتصف الهلال وكل من ينتمي لإمبراطوريته بأنهم صهاينه ويهود الرياضه

نعنبـو شياطنكم يالـمهابيل احقدوا بس احقدوا بأدب عشان تنرفزونا

لكنكم تحقدون بالمقلوب وبدال الادب صار مكتبه ووطنيه فـ خليتونا نضحك عليكم ونستهزي فيكم

بدال ما تبكون مثل الزوجه اللي هاجرها زوجها شوفوا انديتكم وسنّعوها عشان نقدر نقول منافسين للهلال

بس بكاكم هذا هو اللي مريّحنا ومخلينا نحط أيادينا في مويه بارده لانكم بالعربي مافيكم من ينشد به الظهر

أنا متأكد ان فيه منهم اللي طاير بالعجه ومن يومه فرخ يسمع المقهورين يقولون الهلال فوق الانظمه

فـ تولد عند مخيخه هالأشياء الوهميه وصار معاهم وهو مايدري وين ارضه من سماه

هـ الفئه ادعوها فقط لتحيكم الـعقل والمنطق لأن الله سبحانه وتعالى خلق فينا عقل وميّزنا عن البهايم

لـو الحكام مع الهلال ليـه ماوصلت بطولات الهلال لـلـ 400 بطوله

لو الحكام مع الهلال ليـه نحط يدنا على قلوبنا في كل نهائي بعضها نخسره وبعضها نفوز به

لـو الحكام مع الهلال بيصيرون بين أمرين يا إنهم بيشترون دنياهم او بيشترون آخرتهم وبيرضون ربهم

وهـذولا الحكام فيه اللي ملتزم ومايفارق المسجد وفيه اللي عنده اطفال وهو قدوه لهم

بالإضافه لقرارات كثيره وكثيره حيل من الحالات التحكيميه اللي ظلمت الهلال في نهائيات معروفه

لاحظوا قلت حالات تحكيميه ظلمت الهلال مو حكام ظلموا الهلال وهنا يكمن الفرق

اللي ما اقتنع بعد ما حكّم عقله وسأل نفسه هالأساله فـ هو أمام أمرين

يا إمـا إنّــه بدون عقل

أو يقرأ الجزء الأول من مقالي ويرضى بإن الهلال فريق تحكيم ويبلّط البحر وجعلـه ما اقتنع

[line]

مقتطفات من مباراة الهلال والأهلي

@ المظلل كتـم ( مايقصد بسيسي ) يبغى يبين للناس إنه اكثر نفر يحب الأهلي ويكسب عاطفة جمهوره

ويفهمهم بطريقه غير مباشره إنه مستعد يبيعها بـ تيس أقرع عشان بس الأهلي ماينظلم (أجل شلون لو انظلموا صحيح)

يالـ صنيفره والله ثم والله ان مابه فرق بينك وبين الثور الا انك لابس فنيله متروسه عرق وقفازات

@ اذا تبون تعرفون الهمج على اصوله اسمعوا تبريراتهم الفاشله بعد المباراه، أقسم بالله لو ماشفت المباراه

كـان قلت يا حـرام والله يستاهلون الـ 3 نقاط وفوقها نظـرة شفقه لأنهم انظلموا بشكل فضيع يالله المستعان

@ تيسير الجاسم اللي كان ملطوع في سيهات محدن يدري عنه بغض النظر عن هدفه التسلل الواضح

لـو ما كان متسلل أساسا فـ هدفه ملغي لانه ضرب الكره بيده ( صارت هوكي مو كورة سعوديا عريبيا)

لو قـالوا ان رجـله لاصقه بيده فـ بهذه الحاله فقط انا اقدر استوعب واقول أكيد قول والتسلل نغمض عنه

@ ما تلاحظون ان كل الفرق أمام الهلال تتعلل بالتحكيم باللي هو بـه

واذا تعرضت لظلم واضح وصريح مع فرق ثانيه مانسمع لهم حس بتاتا البتّه

أقسم بالله العلي العظيم أفرح وانبسط اذا شفت هالـشيء لسبب بسيط وهو...

الـهلال معشعش في عقولهم وحاسين بإنه ][هلال السما والأرض][ و هيبه و الشخصيات المؤثره تنتمي له

فـ الدونيه تعمل عمايلها ويبون بس التنغيص على جمهوره ،، مايدرون إننا ننبسط اكثر

يارب ياكريم جـعلهم من هالحـال وأردى

ويارب ياكريم ماتحرمنا من المهرجين لأن الحياه فيها اللي يكفيها من الهموم فـ خلونا نستانس شوي

@ بسوي نفسي ماشفت كـسرة العنبر من حارسهم وبسوي نفسي ان الهلال مايستحق ضربة الجزاء

وبحاول اسوي نفسي (ماتلاحظون طولتها) ماشفت تهجّم جمهورهم على زرق الفنايل والثياب

@ فريق طقها والحقها وأشطر واحد يسبق الكوره ،،جـارنا الغير عزيز،، هم ذلوا نفسهم لعمهم البلوي ماتبليت انا

لايعنيني في شي لكن تعللهم بالتحكيم في مباراتهم امام الوحده وأنه جهّزه للهلال وليمه سهله خيّل لي

بأننا مستنين مباراتهم طول الدوري ومباراتهم هي اللي بتصرف رواتب لاعبينا وبترد لنا كرامتنا المتمرطه

ترا كل هالحكي أقصد فيه الهلال مو الفقراويه

@ بعد خسارة الاتحاد أمام الشباب أصبح لديه 4 مباريات مؤجله عن هلالنا ولو فاز في جميعهم تخيلوا

جميعهم فـ سيستاوى بالنقاط معنا ،، ماتلاحظون صعبه يتخطونا بالترتيب،، والشباب أمامنا بفارق 3 نقاط

فـ بالطريقه هذي احنا أمام أمرين لا ثالث لهما

يا إمام نشد حيلنا عشان نتصدر الدوري أو نشد حيلنا عشان نتصدر الدوري

5111 مبروك لي ولكم ولكل ماهو أزرق<----<< متأثر من جوال الهلال دايم يوطوط في جوالي الله لايحرمنا منّه

..تحياتي..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:33 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube