01/03/2006, 03:04 PM
|
زعيــم مميــز | | تاريخ التسجيل: 09/07/2003 المكان: Canada,BC
مشاركات: 1,759
| |
ياجماعه فكونا من سالفه الياس يكفي .. لاعب لعب للهلال حوالي 20 مبارات وماعاد عنده شي يقدمه ..
السالفه كلها انه ذاك الوقت كان احمد الدوخي الله يذكره بالخير رافض يفاوض الهلال الا بعد انتهاء عقده .. وماكان فيه لاعب ظهير ايمن احتياطي وقتها لأحمد .. فاوض الهلال اغلب الأظهره اللي بالمملكه لكن ماكان فيه استجابه من بقيه الأنديه للمفاوضات وكان الحل الوحيد وقتها هو ياسر الياس .. وقع معه محمد بن فيصل وهو عارف انه لاعب مؤقت ( وكان قبلها يحاول يقنع الأحديين بالأعاره لنهايه الموسم لكن الأحديين اصروا على العقد الكامل ) وهذا اللي صار ..
لعب مباريات المربع و النهائي وكان الغامدي وتفاريس مغطين خانته وهو ماقصر بعد عطى كل اللي عنده في الكم مبارات اللي قلتهم وبعدها طلع ياسر الياس اللي نعرفه بـ أحد .. لاعب بطئ تحس انه ضايع بالملعب يتقدم وتراجعه للخلف بطئ جدا جدا .. شافه كندينيو في مبارات الأتفاق بالخبر ( قبل اشرافه على الفريق وكان في المنصه يتابع المبارات ) ..
ما أقتنع فيه وطلب من الأداره تجهيز تركي الصويلح ولعب مبارات الطائي وتاكد كندينيو انه ماينفع الفريق و ( نكبه ومضيع ) الفريق" ببطئه " و ( ثقل تحركات جسمه لو تشوفه ماتقول لاعب كره قدم ) .. ابعده كندينيو لدرجه انه استعان بخالد عزيز كظهير ايمن .. لاعب وسط مثل عزيز افضل من الياس في محوره هذا ان دل على شي يدل على ان ياسر لاعب ليس بمستوى فريق مثل الهلال
جت مبارات الأتحاد وكانت جاهزيت تركي الصويلح اقل من المتوسطه ومع ذلك اشركه كندينيو والياس احتياط .. على ايش يدل هذا ؟؟ على ان لاعب له اكثر من 3 سنوات ما خاض مبارات رسميه ولياقته اقل من متوسطه وحساسيته على الكره معدومه افضل من لاعب جاهز لياقياً وفنيا وكل شي .. لاكن اللاعب الجاهز للأسف مفلس كرويا ً
مبارات الأهلي .. نفس الشي بس كانت فيه ضغوطات اداريه على كندينيو في محاوله لأقناع المدرب باللاعب وطالبوا اعطائه الفرصه في مبارات الأهلي .. دخل والنتيجه 3\0 .. والفريق مرتاح .. كان يقدر يثبت للكل انه لاعب قد الشعار اللي لابسه ( لو كان ) يمتلك شي من اساسيات كره القدم " المؤهله للعب في نادي مثل الهلال " .. كان يقدر يثبت للكل انه لاعب قد الشعار اللي لابسه ( لو كان ) يمتلك ثقه بالنفس .. لكن اللاعب يفتقر للي ذكرت وتسبب في هدفين وسوء التغطيه وكاد يضيع 3 نقاط تبعدنا عن الصداره والمركز الثاني بعد
كندينيو اثبت انه مدرب كبير وفاهم في الكوره يوم ابعد الياس من اول مبارات رسميه له مع النادي .. باكيتا كانت اولوياته التدريبيه قفل الدفاع والهدف يجيبه الله .. وكان الياس والفريق ككل متراجع وخوينا مريح ولا عليه ضغط لأن المحاور مغطيه عليه بسبب الطريقه الدفاعيه
كندينيو معروف عنه مدرب مجنون هجوم .. لو عليه لعب 0-0-10 .. يموت في شي اسمه نتيجه كبيره .. يستمتع بالأهداف .. وعلى كذا لازم يكون عندك محاور عالميه وهي متواجده وبكثره ولله الحمد مثل ( خالد عزيز - عمر الغامدي " العالمي وعلى فكره حاليا هو افضل محور سعودي " - عبد اللطيف الغنام - سلطان البرقان ) وظهيرين سريعين ويجيدون التغطيه بشكل جيد مثل ( الخثران - الموسى - وقريبا ان شاء الله " تركي الصويلح )
وهذا مايفتقد له الياس ..
على كل بالتوفيق له بحياته العامه والرياضيه .. لكن بعيد عن الزعيم .. وهذا لمصلحت الأزرق
---
تركي الصويلح
اصبروا عليه ياناس .. اللاعب خيالي ومبدع لكن غيابه 3 سنوات يحتاج الا الوقت ليعود تركي السابق
تحيتي : أحمد |