طريقة جديدة لضمان بقاء نواف هلالياً - نادي الهلال السعودي - شبكة الزعيم

هـ 9 ـلالي · #1 26/02/2006, 01:14 PM

السلام عليكم

تحية للجميع ... الكل شاف البلوي

وش قال في صدى الملاعب واللي ماشاف الحلقه يعرف ان البلوي

قال ( لاعب من المنطقه الوسطى في طريقة للاتحاد)

قد تكون هذه فبركه اعلاميه من نعمان

يقصد فيها تشتيت ذهن الجمهور الهلالي والهلالين .. ولكن بغض النظر عن كلامه المهم عندنا معشر الزعماء أن يبقى نواف هلالياً

المهم ....

أتمنى من جماهير الرياض عامه وضع لافته في يوم الجمعه ليطمئننا نواف عن عقده مثل

( 11 ... لاترحل )
أو
( نواف إن رحلت سنرحل )
أو
( 11 ريحنا ووقع )

الشئ الثاني اللي المفروض يصير عشان ترتاح الجماهير

لو بينتقل نواف مااتوقع انه بيعجبه في ذا البلوي

شئ بإستثناء الإغراءات المادية ... ومااتوقع أن نواف يهمه إغراءات البلوي

.. نواف يفكر أول شي في مستقبله الإحترافي

الطريقة الثانيه .. لو صار وأغراه الدب

وماقدر الهلال يعوضه ( رأس مالها قطيه من الجمهور ) وأتوقع أن اللي مايدفع لنواف ماينحسب هلالي )

أتمنى من جمهور الهلال يوم الجمعه مايخيب ظني ( ليتني بالرياض والله )

تركي. · #2 26/02/2006, 01:23 PM

نواف مراح يروح

هـ 9 ـلالي · #3 26/02/2006, 01:25 PM

وانا اقول مافي امل .. بس خلونا لانستسهل الامور

قلناها قبل في الدوخي الله يستر بس ...

خالدالهاجري · #4 26/02/2006, 01:41 PM

نواف لن يغادر الزعيم

المهندس المعرووف · #5 26/02/2006, 01:41 PM

الله يعيننا على ذا البلوي

ياروحي يالهلال · #6 26/02/2006, 01:56 PM

اذا رحل نواف ارحل معه بلحالك فجمهور الزعيم لن يرحل علشان لاعب

الهـــلال وبس · #7 26/02/2006, 01:59 PM

شكرا ياخي على الموضوع
نواف لن يغادر الزعيم باذن الله
وانا واثق من نواف انه لن يترك الهلال و نواف رجالٍ عند كلمته

فيصل الهلال999999 · #8 26/02/2006, 02:07 PM

نواف لن يرحل

تشيلساوي · #9 26/02/2006, 02:21 PM

نواف لاعب يعرف يفكر

ومستحيل البلوي يضحك عليه

430LS · #10 26/02/2006, 03:28 PM

الله يوفقه في الهلال او غيره

وحنا جمهور للهلال وليس جمهور لنواف

أبو فالح الهلالي · #11 26/02/2006, 04:07 PM

..

ياخي تتكلم عــن البلوي وكأنك تتكلم عــن بع بع ..
لــم يدعك تتهنأ في مرقدك ..

أخي الفاضل أخي الكريم أخي العزيز ..

لدينــا أدارة أحرزت خمسة ألقاب في موسم واحد والسبب الخطط والعمل الدائوب ليلا ونهار ..
أعلم أنهم لــن ولـم يغفلون عــن قضية نواف التمياط ..

لذلــك أخوي أرقد وآآمن ..

..

يوسف15يوسف · #12 26/02/2006, 04:10 PM

نواف مسسسسسسسسسستحيل يترك الهلال يخوي نواف ولد ناس ومتعلم وفاهم مايركض ورا فلوس البلوي
نواف هلالي للابد بس اذا جاه عرض اوروبي الله يوفقه

سوولتان · #13 26/02/2006, 04:14 PM

نواف سبق وقال : محليا مع الهلال فقط ،، او احترف خارجيا

غريــب دلوني · #14 26/02/2006, 04:18 PM

ما اتوقع ان نواف راح يروح

Tigar@15 · #15 26/02/2006, 05:33 PM

ياهوووووه صدقوني نواف ماراح ينتقل..وهذا الكلام نواف قاله ..قال:لن أترك الهلال الا إذا احترفت خارجيا...
يعني منتم مصدقينه...

وياليت تخلون اللاعب في حاله وتتركونا من الكلام اللي ماله داعي ..