واحده راحت للدكتور تقوله ان ابنها بيلعب في الطين الدكتور قالها كل اللي في سنه بيعملو كده قالتله بس ده شيئ بيضايق مراته و اولاده



مره واحد حشاش بيقول لصاحبه ما تيجي نروح نضربلنا حجرين في فلسطين على طول و نرجع



مرة قرد قاعد في غرزة حشاشين,فجأه....كبست عليهم المباحث,الكل قام يجري ......بص الحشاش علي يمينه لقا القرد بيجري جنبه قاله: انت قرد بتجري ليه. قاله: حليني على ما أثبت لهم



كل يوم الولد يرجع من المدرسة يقول لأبوه بابا أنا أخدت 10 وابوه يقوله برافو عليك يا حماده وفضل على الحالة دى شهر لحد ما فى يوم رجع قال بابا أنا أخدت 3 رد ابوه ليه كده أخص عليك يا حماده.. رد حماده ما هو ده اللى لاقيته فى جيبك يا بابا



مرة واحد مسطول قاعد علي القهوة فكل ما وحده بيضة تعدى يقعد يقول يا ابيض يا جميل يا منور تاي وحده عدت قالها كده ففى وحده سودا راحت معدية راح قال وعدا الليل على مهله



مرة واحدة ست اسمها زيزي بتقول لجارتها: الحقيني يا سامية بعت جوزي يجيبلي ملوخية راح مخبوط بأتوبيس... يالهوي وعملتي إية .. عملت بامية وامري لله



مرة واحد قابل واحد زميله بيجرى سأله مالك قاله مراتى قاله مالها قاله أكلت 5 كيلو سمك جالها تسمم.. قاله لاحول الله وانت رايح تجيب لها الدكتور قاله لا رايحل أجيب لها 5 كيلو كمان



مرة واحد عنده 90 سنه اتجوز واحده عندها 80 سنه .. اول يوم جواز دخل الحمام اخد شاور ولبس البيجاما دخلت العروسة اخدت شاور ولبست قميص النوم واتقابلوا في الصاله مسك ايدها وباسها وكل واحد راح غرفته ونام ..تاني ليلة دخل الحمام اخد شاور ولبس البيجاما ودخلت عروسته الحمام اخدت شاور ولبست قميص النوم اتقابلوا في الصاله مسك ايدها وباسها وراح كل واحد على غرفته ونام.. تالت ليله دخل الحمام اخد شاور ولبس البيجاما واخدت عروسته شاور ولبست قميص النوم واتقابلوا في الصاله لسه بيمسك ايدها علشان يبوسها قالت له بلاش الليله انا تعبانه



مره واحده كانت بتتشاقى من ورا جوزها و خبط الباب فجأه فقالتله استخبه بسرعه لحسن جوزى يشوفك فقالها و أستخبه فين فقالتله استخبه فى البلكونه فدخل جوزها و قعد و قالها تعمله شاى شويه و لقى واحد داخل عليه من البلكونه فقاله ايه ده انته مين فقاله استر عليا ربنا يستر عليك أصل أنا كنت عند الست ألى فوقيكم و دخل جوزها فجأه علينا فهربت عندكم فى البلكونه و توبه مش حعمل كده تانى فقاله خلاص طالما مش حتعمل كده تانى امشى روح و عدت الايام بعد اسبوع دخلت عليه مراته البلكونه لقيتة عمال يضحك و يخبط على دماغه فسألته انته بتضحك على ايه فقالها أصل اكتشفت أن احنا أخر دور



مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع النسيان الدور الثالث شقة 5 اه يا جوزززززززززززززززززي