24/02/2006, 10:36 PM
|
| زعيــم فعــال | | تاريخ التسجيل: 28/10/2005
مشاركات: 242
| |
|
أهــ ياراسي@@ يمه راسي راسي عورني راسي@@ قصتي بالمضاربه كامله عشان أبطل لقافه@@@
بسم الله الرحمن الرحيم
السلام عليكم ورحمة الله وبركاته
والله ياشباب جالس أرددها لحد الأن بعد ماسار لي أنا وخويي. القصه كامله.
خرجت من الملعب وأنا مبسوط من الفوز على ((العلوج)) الأهلاويه وأطالع لأخوياي وينهم ماحصلت أحد لاهم ولا السياره قلت بس جحدوني الليله وراح أنضرب ضرب مبرح أدق على جوالاتهم مافي شبكه من قوة الزحمه الدوريات طبعا جات تفك الأشتبكات بين الجماهير وأنا جالس أنتظر أخوياي وأنتظر وش راح يسير لي طبعا الفانيله زرقاء والشعار معلق وياحلاوه طبعا الجمهور الباقي يقول لي نزل الفانيله وأرمي الشعار قلت وربي لوأموت ماسويتها بعد حبي للهلال هذا أرمي شعاره طبعا دق جوالي وطلعوا أخوياي قالو لي وينك قلت خارج الملعب حددت المحل وجوني عنده وكان واقف معي العضو فارس الأزرق2006 ومعه أخوياه أستأذنت منه ومشيت طلعت مع أخوياي وأحنا في الطريق مع قوة الزحمه شفنا جمهور الأهلي الطحالب يضربون مشجعين هلاليين فكيت باب السياره ونزلت أنا وأخوياي نبي نشيل الأوادم طبعا هم طايحين فيهم ضرب نزلت قالوا لنا مسوين فيها رجال قام خويي الأول يضارب هم حوالي 15 شخص وقامت بيننا مضاربه وهم طبعا وسيلتهم الحذف بالحصاوالشرده جاتني ضربه في راسي بحجر حسيت بالألم بعدها مدري وش سار فيني سرت مثل المجنون. اللي أعرفه دخلت السياره ونزلت مفك العجل وأظارب فيه ضربت واحد وطاح على الأرض. وبعدها حسيت بألم في يدي وأنا فاقد الوعي شالوني أخوياي وأنا غرقان بدمي دخلوني أخوياي مستشفى السعودي الألماني وأنا ماأدري عن السالفه. بعدها وبعد معاناتي من الأوجاع لقيت يدي مجبسه وبها كسر وشج برأس وسته غرز وخويي نفس الحكايه وخويي الثالث طلع سليم.وبعدها حكاني خويي بما سار لي وكيف أنكسرت يدي وقالي واحد ضربك بعصى من حديد وأحمد ربك جات فيدك ولا في راسك قلت الحمدالله جات على كذا.
والله والله أن هذا كل ماسار وأشكر كل من سأل عني:
1/منصور العلي
2/ابراهيم حقوي
3/فارس الأزرق2006
4/الأزيرق9
5/وبقيه الأعضاء.
وربي أني طالع الرياض في النهائي لوماسار لي ظرف وأنا أول واحد ينتقم من جمهور الأهلي.
والله لوريكم ييييييييييييياططططحاااااااااااااالبببببببببببببب |
الوضع العادي
