هلالي وأهلاوي واحد ..(قمة السخافة) - نادي الهلال السعودي - شبكة الزعيم

هلالي غصب · #1 24/02/2006, 07:53 PM

اقسم بالله قمة السخافة ..

صراحة ما حدث لجمهور الهلال مساء أمس شيء يثير الأعصاب

فوالله أنهم عندما يشاهدون الهلاليين نازلين من الملعب بعد نهاية المبارة ..

تشاهد أنواع الاحتكاكات ورمي الحجار ..

وكان كل هذا الكلام جهة مدرجات الجهة الثانية..

وكانت والله العظيم تلك المنطقة أشبه بحرب الشوارع ..

يعني إلي كان لابس هلالي أو معه شعار نال نصيبه من الحجار والضرب ..

والمشكلة إلي يعتدوا على جماهير الأزرق ما هو واحد وإلا اثنين عشان الواحد يعرف من هو خصمه ..

لكن شغل (الخدم) يتجمعون و يسيروا رجال..

وبعدين لو تصيد الواحد منهم لحاله تحصله مثل الدجاجة ويقلك أنا هلالي بعد

المهم بعد الديباجة الطويلة العريضة هذي ..

ودي أقول شيء <------ مشوها لي

أنا من أول ضد ما يسمى وفاق هلالي أهلاوي ..

أو من قبله وفاق هلالي اتحادي ..

لأني اعلم مدى الحقد الدفين على كل ما هو ازرق ..

وذلك بحكم إقامتي بمدينة جدة ..

فأتمنى من الأخوان عدم السماح لمعرفات التي تكون بأسماء مثلا أهلاوي وهلالي واحد أو العكس أو أي معرف يدل

على نادي آخر غير الهلال ..

وكذلك عدم ترك مواضيع اعتذار أو وفاق مرة أخرى لأي عضو ..

هذا طلب لأن ما تعرض له جمهور الأزرق شيء يندى له الجبين

والمشكلة والي فاقع بطني أن العساكر كلهم راحوا مع الحكام وما شفت عسكري واحد ..

حتى لاعبين مالهم حماية بعد المبارة ..

لأنه بعد إطلاق الحكم لصافرة نهاية المبارة نزل الجمهور واتجه للاعبين وكاد أن يحدث مالا يحمد عقباه ..

ولكن الحمد الله عدت على خير ..

انتهيت الحمد الله ونزلت إلي بنفسي

أيه صح مبروك الفوز

وما أقدر أنهي الموضوع الا كذا

..

شفشينكووو7 · #2 24/02/2006, 08:19 PM

مشكور أخوي هلالي غصب وصادق اللي صار بعد المباراه قلة حياء صراحه الحمدلله ماجاني شي إلا من بعيد .. بس الله ستر .. الله يعين ومبروك الفوز حبيبي

اخوك

راشد الراشد

Ronaldenho · #3 24/02/2006, 08:35 PM

الله يعينا وينكم ،،،

هلالي للغااايه · #4 24/02/2006, 08:50 PM

انا من المعارضين ايضا لمقولة هلالي واهلاوي واحد لان الاهلاويين معروفين من اول انهم من اوسخ الجماهير ولكن لبعدهم عن البطولات صاروا يتمسكنون لكن الايام هاذي مافيه الا

هلااااااااااااااااااااااااالي وبس (( الهلال في كفه والانديه كلها في كفه )) والزعيم غني برجاله وجماهيره وبطولاته عن اي نادي ثاني ولسنا في حاجه لاي وفاق او مسانده من اي نادي لان الزعيم يسوى الانديه كلها مجتمعه

هلالي بحرة · #5 24/02/2006, 11:22 PM

يعطيك العافية اخوي ( هلالي غصب ) والله أنا مثل ماقالوا الاخوان معارض لفكرة هلالي وأهلي واحد حرام نحط يدينا بيدين طحالب وترى جماهير الطحالب أكثر جماهير تكره وتحقد على زعيم البطولات

LaSaa3 · #6 24/02/2006, 11:32 PM

اخوي الي صار من بعض جماهير الاهلي حالات محدوده يعني ما تعمم على جماهير الاهلي وبعدين ماني معك في ايقاف المعرفات الي تقول عنها وبينا وبين جيمع انديه الوطن منافسه شريفه ولا يوصل الامر الى الدرجه هذي الا من قله قليله غير واعيه بمعنى التنافس الشريف واعتقد ان منتدى الزعيم مفتوح للجيمع دام الكاتب يحترم الموجدين ولا يغلط
واتمنا تتقبل راي برحابه صدر
اخوك لساع

اكورد · #7 24/02/2006, 11:34 PM

يعطيك العافية
جمهور الطحالب جمهور قذر هالمتخلفين
والهلال لا يستفيد من أي وفاق وغني عن الوفاق المزعوم

@ابو مطلق@ · #8 25/02/2006, 12:04 AM

ياخي ماسمعتو حقوي يوم يقول

اووو ياهلال تسوي فيهم عجب

alzaeemsaleh · #9 25/02/2006, 12:26 AM

كلامك100%
والله ابوعبدالله ماقصر علمهم بعض الفن داخل الملعب

اكلهم الزرع زي مااكل الاتحديين ههههههههههههههه

ومن ناحية هلالي اهلاوي واحد ماتصير لان الواحد لايمكن ان يعشق الاواحد فقط الي هوالزعيم

دمي أزرق · #10 25/02/2006, 12:45 AM

والله إنك صادق وانا قلتها من قبل و أكرر نفس الكلام اللي قلته بلا وفاق بلا خرابيط والله مافي أحد من الأندية الأخرى يحب الهلال أو يطيق إسمه والله كلهم حاقدين و حاسدينا و المفروض ما ننظر لأي أحد يدخل علينا هنا في شبكة الزعيم و مسوي لنا فيها وفاق و هذا اللي صار من الأهلاويين بسبب خسارة ثلاث نقاط فقط

أجل وش بيسوون إذا إن شاء الله الزعيم أدبهم في نهائي كأس ولي العهد

الحمد لله إحنا مشجعين الزعيم أرقى من هالأشكال اللي ما تنعطى وجه و ياريت محد يعطيهم وجه و يقول وفاق ;)