لا تنغرون بعنوان المقال وتحسبوني ضليع في اللغه العربيه ..انا بتكلم بكل ما آتاني الله من سليقه.
هذي رساله مني انا الفقير الى رحمة ربه الى كل( أسد كهل كما وصف الايرانيين منتخبنا) عضو في منتخبنا الغالي ابتداء من المدرب القدير ناصر الجوهر وأنتهاء باللي يجيب الكور في التمرين.
تدرون والله العظيم اني ما انام الليل واقعد أفكر فيكم ووش اللي صار لكم من بداية البطوله بس اللي كان يهون على اني عارف انكم صقور والكوره بين رجولكم تصير هي المخالب اللي بتصيدون فيها منافسينكم ..انا واثق من اللي انا قاعد أقوله والحين جت الفرصه لكم يوم ان ايران تعادلو مع تايلاند فتكفون بيضو وجيهنا لأن عندي هنا في المدينه اللي انا ساكن فيها ايرانيين وش كثرهم وانا وياهم طقاق كل يوم علشانكم ...يمكن تقولون وش انت يا خرطشه علشان نتعب علشانك حنا نتعب علشان الوطن ...وانا أقول لكم علشانكم سعوديين وشعاركم دايما ( اما الصدارة لنا دون العالمين أو القبر) وبما أني سعودي فأنا اشارككم هذا الشعور ....المهم انا متفآئل مررررررررره عقب تعادل ايران فتكفون يا شباب لا تضيعون الفرصه بعد ما جت لكم على طبق من ذهب ..ترا المسأله فوز في كل المباريات الجايه وبكذا نتأهل انشاء الله وهذي مو صعبه عليكم وتكفون خلوني أحوس هالايراني اللي مبلشني بقوله ان منتخبكم صار أسد كهل وخلوني أقوله ما عمرك شفت أسد كهل يتحول الى صقر كاسر يخربش وجه كل من يوقف قدامه ..اذا ما شفته تفرج على منتخب الالبطال منتخب الصقور الخضر منتخب السعوديه .