$$ قصــــــــــــة هــــــــــوانا $$ (قصيدة)
 

<p align="center">http://d1d.net/1/sport/olayansalh/vbv.jpg</p>

<p align="center">قصـــــــة هوانــا

ياليل مانـوّر قمرنا سمانـــــــــا ***** ياشيننا ياليل لاغاب عنّــــــــــــــــا
انت تعرف ياليل قصة هوانـــــا ***** من يوم صرنا منك واصبحت منّـا
ياللي تسامرنا الى منتهانــــــــا ***** وافي وخليت الكواكب تغنّـــــــــــا
ويضيق خلقك لاتغيب حدانـــــــا ***** وتفرح الى من الظروف جمعنّــــا
والله وفي ياليل لكن بلانـــــــــــا ***** من النهار اللي يشتت ظعنّــــــــــا
ياليل قل للوقت ليه يعصانــــــــا ***** وليه الظروف القاسية فرقنّــــــــا
ان كاننا مخطين وش هو خطانا ***** الحل والترحال داخل وطنّــــــــــــا
نغيب ونردد لعل وعسانــــــــــــا ***** نلقى الغرض ونعود من حيث كنّـا
نتعب ويتعب صبحنا مع مسانـــا ***** محدٍ عرف بظروفنا غير حنّــــــــا
ولو نبتعد مانبتعد عن وفانــــــــا ***** يالله تجمع شامنا مع يمنّــــــــــــا

ارجو ان تنال رضاكم </p>

ابداع وخيال واسع
 

يعطيك العافيه على هالشعر الحلو والمعبر :)

صح لسانك
 

قصيده معبره الله يعطيك العافيه.

مشكورين اخواني
 

اخواني :

الواقع
ارفع راسك انت هلالي

مشكورين واتمنى تكون القصيدة اعجبتكم .