عااااااااااجل الى الجمهور الهلالي من غير الرياض.......... - نادي الهلال السعودي - شبكة الزعيم

$السكب$ · #1 21/02/2006, 01:02 AM

بسم الله الرحمن الرحيم
انا من جمهور الرياض وحظرت مباراه الهلال والوحدة يوم السبت الماضي وحضرها غيري من جمهور الرياض الغالي
لماذا التركيز على جمهور الرياض بالعموم وهناك من يحضر المباريات؟
هناك البعض من الجمهور لايحضر لماذا يقال اين انتم يا جماهير الرياض
الجمهور الهلالي خارج الرياض قام يتفلسف ومعليش على هذي الكلمه يقولون احضروا المباريات انتم ما تحضرون^^^^^^طيب هضمتم حق الي حضروا ما كأن فيه احد يحضر؟؟؟؟؟؟؟؟ المشكله بدأت من مباراة الوحدة في نصف نهائي كأس ولي العهد وعتب ابو سلطان على بعض الجماهير الي ما حضرت المباراة ولا حظوا كلمه بعض ؟ إلا اذا كان ابو سلطان بيعتب على الحاضرين مدري؟؟؟

طيب خلونا نحل الموضوع والله لا يجيب الزعل.........
اولاً:الحضور ذاك اليوم في استاد الملك فهد كان يفوق الجمهور الي كانوا قد حضروا بالشرايع بمكه ما أظن احد يقدر ينكر .على حسب مساحه الملعب....
ثانياً: الجميع يعلم ان المباراه كانت يوم الخميس يعني بعد الاختبارات.......يعني تبي احد يقعد في الاجازة بالرياض ما فيه احد يصدق تجي الاجازة ويسافر برى الرياض ......الا يمكن هذا ان يكون احد اسباب عدم امتلى استاد الملك فهد لكم الجواب؟
ثالثاً: الجميع يعلم ان اجواء الرياض ....... والله برد مره مره مره مع ذالك تقولون ان ما فيه حضور جماهير بالنسبه للرياض لا فيه...... وان اتحدى اذا كان فيه منطقه غير الرياض يكون التواجد الجماهيري فيها مثل الرياض.........
رابعاً : قرات مقال في المنتدى لابو سلطان يذكر بان جماهير الرياض ترفض استمراره في رئاسه النادي لاتزعل يأبو سلطان ...لكن مين المجنون الي ما يبيك تستمر في الرئاسه؟؟؟؟ يأبو سلطان ترى محد سواها قبلك مع احترامي لكل رؤساء الهلال وش باقي نبي رائيس صغير السن ....خمس بطولات متتاليه اخلاق ولا احلى خدم النادي وما قصر عليه بشي بالله يأبو سلطان قلي انت لو انك في محلي وش بتكون ردة فعلك...........................................................شفني اقولها واتحدى ان كل الهلاليين مايبون الا انت..............كلمه اخيره واسف على الإطاله

الله لايجيب الزعل و الإستقاله

$السكب$ · #2 21/02/2006, 01:36 AM

ابي رد

د/الفيلسوف · #3 21/02/2006, 02:09 AM

عين الصواب

بعدين يا شباب ترى الهلال يلعب في الموسم اكثر من 25 مباراة في الرياض

يعني محد يقارن جمهور الهلال في الرياض بـ جمهور الغربيه ولا الشرقيه ولا اي مكان

الي ماي جييهم غالبآ اكثر من خمس مباريات في الموسم,يعني انهم يحترون الهلال يجي عندهم

علشان يحضرون,بـ المعدل هذا تقدر تنظم وقتك مهوب زي جمهور الرياض الي عنده مباريات كثير

ويصادف كثير انه يلعب مبارتين في اسبوع واحد.

الي ابقوله لا حد يقارن بين جمهور الرياض والمناطق الاخرى لان هناك موانع للمقارنه.

تحياتي للنقاش الهادف وليس الانتحاري

رهـيـف · #4 21/02/2006, 02:47 AM

والله فكرت في هذا الموضوع كثير .. ومثل ما قال أخوي العزيز ( د/الفيلسوف ) أن جماهير الزعيم في كافة مناطق المملكة ربما لا ترى الفريق على مدار السنة سوى مرة أو مرتين .. أو ثلاث في حالات نادرة .. فمن الطبيعي حضورها ..

وصدق أخوي العزيز ( $السكب$ ) في موضوع إستقالة ( أبو سلطان ) ومن هو المجنون الذي يريد هذه الإستقالة التي ستكون صعبة وقاسية علينا جميعاً ..

كيف نرضي ( أبو سلطان ) .. الرجل لم يطلب منا دعم مالي أو طلب يستحيل تنفيذه .. كل ما هو مطلوب الحضور والمؤازرة داخل الملعب ــ هذا الكلام موجه خاصة لجماهير الرياض ــ لأن باقي الجماهير كما ذكرنا سابقاً هي آتيه آتيه .. فالحمل الثقيل عليكم يا جماهير العاصمة .. هي فقط ثلاث مباريات متبقيه في الرياض (( النصر ، الإتحاد ، الشباب )) ..

صعبه وقوية والله قوية تغيب ( أبو سلطان ) متعمداً ومنزعجاً عن حضور مباراة (( الوحدة )) بالرياض ..

ظروفكم صعبة يا جماهير الرياض لأن أغلب المباريات تقام عندكم .. ضحوا من أجل الزعيم فقد سبقكم ( أبو سلطان ) بالتضحية وتأجيل مستقبله العملي ــ كبير يا أبو سلطان ــ ولن ننسى هذا الجميل ما حيينا .. عشقك الجمهور السعودي كافة فكيف الجمهور الهلالي ..

قلوبنا معكم نحن جماهير المنطقة الشرقية .. وأطالب بعدم قذف الكلام فيما بيننا وأن نفتخر نحن جماهير الشرقية أو الغربية بأن حضورنا أفضل من جماهير الرياض .. بل يجب بث الحماس وبذل الغالي والنفيس وأن نضع أيدينا جميعاً بيد ( أبو سلطان ) لتكون حجتنا له قوية في نهاية الموسم بالمطالبة بالإستمرار ..

بالتوفيق للزعيم
وكل الشكر للأخ / ( $السكب$ ) لتوضيحه لهذا الموضوع الذي تسبب بشوشرة ليست في مصلحتنا .. وإلى اللقاء .

20 ياسر الجابر 9 · #5 21/02/2006, 02:54 AM

كلام سليم وأنا واحد من ألي يحضرون وإذا رجعت المنتدى سفًلوا في جمهور الرياض نرجوا عدم التعميم ......

الهلال فوق الجميع · #6 21/02/2006, 02:54 AM

مشكلة الناس تحكم على عدد الجمهور من شكل المدرجات وليس من العدد ..
وهذا فيه ظلم كبير لنا جمهور الرياض .. والله اننا نحضر كل مباريات الهلال لكن وش تتوقعون مثل مباراة الهلال والوحدة في الدوري .. اعتقد ان الجمهور الهلالي في الرياض هو الأكثر حضورا .. (بالعدد وليس بشكل المدرج )
تحياتي لك ..

ملاك الروح · #7 21/02/2006, 10:56 AM

يناس لاتنسون برودة الجو
جو الرياض جاف في الصيف والشتاء (مسوي فيها حسن كراني)

لاتلومنا يابوسلطان

عطــر الأمــاكن · #8 21/02/2006, 11:34 AM

اخوي

صحيح انه جمهور الهلال في الرياض ما له مثيل

لكن في المبرايات السابقة قصروا

لكن مو من حق اي شخص من برى الرياض انه ينتقص منهم

الظاهر نسوا انه بالموسم اكثر من 35 مباراة تقام بالرياض

ان شاء الله نشوف جمهور يبيض الوجهفي دوري ابطال اسيا وفي نهائي ولي العهد وفي مباريات الشباب والنصر والاتحاد وبالمربع الذهبي

$السكب$ · #9 21/02/2006, 12:27 PM

كل الشكر لمن ساهم في طرح رأيه في هذا الموضوع وبالتوفيق للجميع

هلال؟ · #10 21/02/2006, 12:49 PM

كلام سليم وأنا واحد من ألي يحضرون وإذا رجعت المنتدى سفًلوا في جمهور الرياض نرجوا عدم التعميم ......

هلالي توب · #11 21/02/2006, 02:01 PM

الله يعطيكم العافيه لكل من حضر وساند الزعيم وماهي غريبه على عشاق الزعيم هذي المسانده

وايضا الاخوه اللي ماحضروا ربي يحفظهم وان شاء الله نشوفهم في المباريات القادمه

والمهم عدم ظلم الذين حضروا وساندوا الفريق في ظل خذلان فئه كبيره من الجمهور في الرياض وعدم حضورها

ولكن الان وقت الحسم وان شاء الله نشوووووف الوقفه الصادقه من الجمييييييييييع

الصقر الهلالي · #12 21/02/2006, 02:08 PM

الله يعطيكم العافيه لكل من حضر وساند الزعيم وماهي غريبه على عشاق الزعيم هذي المسانده

وايضا الاخوه اللي ماحضروا ربي يحفظهم وان شاء الله نشوفهم في المباريات القادمه

والمهم عدم ظلم الذين حضروا وساندوا الفريق في ظل خذلان فئه كبيره من الجمهور في الرياض وعدم حضورها

ولكن الان وقت الحسم وان شاء الله نشوووووف الوقفه الصادقه من الجمييييييييييع