السلام عليكم

كيفكم عساكم بخير اول شي احب ابارك للهلال على هذا الفوز الي حققوه ضد الوحدة وابارك لرئيس الهلال الامير محمد بن فيصل والى كل مشجع هلالي حبيت ابين شي للمدرب وشي يحير والله انا اشوف المدرب ما غير يبدل الهليل كل مباراة ويلعبه ياناس اقسم بالله الهليل بيجيب فينا العيد امس ما ادري وش جايه كانه يلعب وهو مسرح بشي ومهوب لم المباراه وثاني شي زاد الطينه بله وحاط تركي الصويلح بدل ياسر الياس ياناس هل يعقل الصويلح الي له فتره طويله ما شفناه يدخل اساسي وياسر الياس ما ندري وين اراضيه بالله هل فيه مقارنه بين ياسر الياس وتركي الصويلح المدرب هذا شكله بيجنني شباب انا اتمنى يكون فيه اصرار من الجمهور الهلالي ان المدرب ما يدخل ابد الهليل لين يعدل من نفسه ويعدل من مستواه وثاني شي نبي مطالبه من الجمهور الهلالي ان ياسر الياس يرجع اساسي للعب مع فريق الهلال الاول والله اشتقنا للعبه الاعب هذا قدم معنا اشياء كثيره وحبيناه واخر شي يجي مدرب ويخرب كل شي ترا مو شرط الفوز وخلاص احنا كنادي مثل الهلال نبي نطلع المواهب عشان المستقبل لنادينا وامس الشباب ما قصرو معنا ابد اجتهدو وقدمو مستوى حلو كان معنا الاساسيين ضد الوحده وتوهقنا معهم وبعدين راحو الاساسيين للمنتخب والهلال فاز على الوحده بدون اساسيين ابد 4/0 هالشي يبين ان رئيس الهلال الامير محمد بن فيصل الله يخليه لنا جميعا يارب طلع لنا مواهب وفريق اساسي ثاني ما نقول عنه اولمبي ولا فريق ثاني ابد نقول منتخب والله انا كل الي اطلبه منكم يا اعضاء وجماهير الهلال انكم تصرون على ياسر الياس وتصرون ان الهليل ما يلعب لين يتحسن مستواه وين الهليل اول ووين الهليل الحين صار الرجال من جد يرتبك من اللعب ولاحضتو هالشي امس واكيد برضو بالمباراه الي قبلها ماراح اطول عليكم بس اتمنى من الاداره انها تشوف هالوضع هذا وتغيره باسرع وقت بدل ما نجيب العيد بعدين ولا تنسون ان الهلال قدامه مباراة قويه يوم الخميس ضد الاهلي ولازم نهتم بهالمباراة لان ثلاث نقاط بتفيدنا كثير ومايصلح نتهاون من هالاشياء ابد


قبل ما انتهي انتمنى منكم يا جماهير الهلال تشوفون حال عبدالله سليمان وكل هلالي يتخيل لو انه بمكانه وبموقفه وش كان حاله وتفكيره خاصه بعد ما توفى ابوه الله يرحمه شدو حيلكم ووقفو مع هالشخص الي وقف مع المنتخب ومع فريقنا فريق الهلال ونبي فزعت رجال وكلكم يا هلاليين رجال وعيال رجال .