مسوي زعلان يا أبو سلطان؟؟ - نادي الهلال السعودي - شبكة الزعيم

الـــواقـــعـــي!! · #1 18/02/2006, 03:00 PM

السلام عليكم ورحمه الله وبركاته،،شدني في عدد البارح من صحيفة الرياض خبر بخصوص نادي الهلال وفي أخر الخبر ذكر المحرر أن رئيس الهلال الامير محمد بن فيصل ينوي عدم حضور مباراه الغد امام الوحده احتجاجاً على عدم تواجد جماهير النادي بمدينه الرياض للمباريات بكثافه!!!
هنا لي تسأول : وش سويت لنا يا ابو سلطان حتى جمهور الهلال يأتي؟؟

عشانك دفعت من جيبك الخاص الملايين وجلبت افضل اللاعبين تبغى الجمهور يجي؟؟

عشانك حققت لنا الخماسيه تبغى الجمهور يجي؟؟

عشانك جددت عقود النجوم وخيرك وصل للانديه الثانيه وساعدت لاعبين محتاجين تبغى الجمهور يجي؟؟

عشانك رددت الصفعه صفعتين لرئيس نادي الاتحاد ورجعت هيبه الزعيم تبغى الجمهور يجي؟؟

ترى كل هالتضحيات مهيب شي امام المتشدقين بعشق الزعيم ولاهي شي عند اللي مسوين عاشقين الزعيم ،، تبغى أذكرك يا ابو سلطان بتضحياتهم؟؟

ترى جماهيرنا اكثر ناس ترسل رسائل لقناه الكأس القطريه!!

ترى منتدى الزعيم اكثر منتدى اعضاء في العالم!!

ترى اكثر من يسوي تصاميم وتواقيع لعدم ذهابك هو جمهور الانترنت!!

لا تنسى بعد ترى جمهور الهلال بالتصويت خلوك افضل رئيس نادي في استفتاء وخلو ياسر القحطاني افضل نجم واعد!!

للاسف هذي تضحيات جمهورك للاسف هذا عشقهم لناديهم للاسف انهم اكبر عشاق للهلال بالانترنت ..

ابو سلطان ياكثر ماعاتبت جمهورنا وياكثر ماقالو بنجي لكن وينهم وينهم وينهم؟؟

اموت بحبك يالزعيم · #2 18/02/2006, 03:04 PM

الله يرحم الجمهور بس

سـ ـامـ ـي · #3 18/02/2006, 03:17 PM

اخوي الواقعي والله ماأدري انت تدافع عن الجمهور ولا ابو سلطان

ابو سلطان

لَكٌ حَقٍ ُتٍزَعُلَ وٍلٌكُ حٌقِ نُرٌضَيٍٍكِ

sam 6 sam · #4 18/02/2006, 03:22 PM

أقل ياصبر أبو سلطان على هالجمهور اللي مايجي الا بالترجي والطلايب

الـــواقـــعـــي!! · #5 18/02/2006, 03:33 PM

أموت بحبك يالزعيم >>>> ان شاء الله الجمهور يحس وبحضر

سـامي >>>> انا مع الرئيس لكن بأسلوب ساخر أقول أن جمهور الزعيم يضحي

سام 6 >>> للاسف جمهورنا صار يبغى من يترجاه

الهــ(زعيمهم)ــلال · #6 18/02/2006, 03:35 PM

يا شباب اليوم المباراة خل عننا الكلام وهالله هالله بالحضور .........

ابو سلطان مو مقصر في شي ....... وجمهور الهلال جمهور وفي ... الله يوفق الزعيم

عاشـــــــ سامي ـــق · #7 18/02/2006, 03:38 PM

والله معه حق

مسك الهلال · #8 18/02/2006, 03:43 PM

والله أبو سلطان مايقصر ومعليش أقولك انت مو هلالي

مُـوجے · #9 18/02/2006, 03:56 PM

اخوي كاتب الموضوع

موضوعك جيد .. لاكن عنوان موضوعك ماله داعي اتمنى انك تغيره لان فيه استهتار بقائد المسيره الهلاليه ابو سلطان
وشكرا

AMJADG · #10 18/02/2006, 03:59 PM

شكرا اخوووووي

كـ العرب اكا · #11 18/02/2006, 04:42 PM

لوووووووووووووسمحت غير أسم المممممممممممموضوع

ولا تبي عدد زوار ولا تدري وش تسوي

سور الهلال العظيم · #12 18/02/2006, 04:54 PM

اقول غير الموضوع احسلك بس ولاتطاول بعدين ماعمرنا راح نشوف واحد زيه واذا مو عاجبك هو ترى عاجبنا

هلالي في كندا · #13 18/02/2006, 04:55 PM

اتركوه في حاله

صدوق الود · #14 18/02/2006, 05:05 PM

أنشالله يـحـضـر الجـمـهـور لأن مبـــاريـات الحــسـمــ .. قــربـت .."

dayem · #15 18/02/2006, 05:22 PM

صراحة انا تفاجأت بدرجة فهم بعض الردود وهل نحن في هذا المستوى من عدم استيعاب الموضوع