هلا اخواني وحبايبي الأعضاء اللي تهبلووووون ووش زينكم زيناه بعد..

طبعا الواحد في حياته جلس مع مئات الأشخاص..وكل شخص يسولف عن شيء...كل اللي ابيه انكم تكتبون أقوى نصبه (صاروخ) سمعتها من اللي جلست معه...والا قريتها بأي مكان
والهدف من الموضوع....الفكاهة أولاً..والحذر ثانيا من أخوان الأرانب

وانا بكتب النصبات اللي سمعتها بس بعد شوي..


تكفوووووون....افضحوا اخوياكم النصابين

اقوى شي سمعته من ولد جيراننا النصراوي يقول
ان النصر يبي يجيب باجيو مايعرف يفقش من جد

هلا اخوي ولهان الليل ....
الصاروخ هذا قاريه بجريدة الرياضيه (الله يكرمك) وهذا يدل على ان ولد جيرانكم على نياته ولا يدري وش الطبخه...
سو فيه خير وقل له يشجع الزعيــــــم


مشكور على المشاركه

هذا عندنا واحد ومتاثر بالاجهزه الكنود مسمي نداه دجاالليل

مره قالي انه حط الانتل الستيشن على الدش
فجأه بدا يراسل حقين الرياض ويغطي عليهم
وكان حاط قناة المستقبل وانقطع صوت القناة وصار يطلع صوته اذا ظغط الريشه
وبعد مارفع الريشه قالت رولا يا دجا لوسمحت طف النور

هلا بالغالين:-

تصدقووون اكبر نصبه يقولون اني رهيب
-------
لا تبي النصبه الصح ترى موضوعك بينمسح
-------
اقوووول وش فيك تراها نصبه:p

اقوى فقشة سمعتها من واحد لقبة ابو راس يقول اني يوم كنت صغير كنت عايش فوق
الكعبة !!!!!!!!!!! فقشة ميب صاحية

يقولك مرة اثنين يمشون مع بعض وواحد منهم نصااااااااااب مرة
قال النصاب تصدق انا ابوي عنده قدر ( يعني صفرية )اللي يطبخون فيها الاكل .
المهم قال ابوي عنده قدر من كبره يشتغلون فيه خمس عمال جالسين بوسطه وكل واحد من العمال مايسمع خويه الثاني بوسط القدر من كبره .

قال هذاك انا ابوي عنده خروف من كبره اذا مشى بين جبلين ينشب بينهم من كبره .
قال هذاك ياااااااااااااااااااوك يلعن ام النصبة هذا وش يطبخه هذا ؟
قال ذاك يطبخه قدر ابوك هههههههههههههههههه
اعتقد هذي اكبر نصبة بالتاااااريخ كله ؟

أكبر النصبات:
ولد جيراننا المخفة يقول ان عندهم روز رايز!!!!!!!!!
لاويقول انه قد طار!!!!!!!!!!!!!!!قوووووووويييييييية شوي

ويقول انه قد طب من فوق الطيارة اللي أسرع من الصوت
(الله يهديه)

اقوى نصبه سمعتها في حياتي

واحد في حارتنا يقول انه معه كابرس تسعاوي وكان ماشي في البر وكان يمشي 180 ورجل على البنزين ورجل على الدركسون وكان مطلع يدينه مع الدريشه معه شوزن يبي يصيد غزال وتوه بيطلق ولا شاف جنب الغزال ولدها ورحمها وطلق فوق وطاحت عليه قميريه

قسم بالله هذا كلامه،،،،،،،

واخر نصبه سمعتها قبل اسبوع في مكه من واحد من احد دول الخليج يقول انه جايب في الثعبان في جوال نوكيا 7000

الله لايبلانا

ياحليلكم والله.....فقعتوا بطني من الضحك..!!؟؟

الحاير :الله يفكنا شر جهاز خويك

زعيمـ آسيا*: من اللي قال انك رهيب؟؟؟
انت ارهب واحد في العالم <=== تعود ينصب

صمام الأمان: لالالا ماكذب ابو راس...انا كنت مستاجر الدور الأرضي هناك

الاسير الهلالي: بصراحه....احلى رد بالموضوع ،ولله ياعليهم صواريخ..أرض-جو

بوعبدالله الهلالي: روز رايز ويطير؟؟ ياخي ولد جيرانكم ملحوس عقله من افلام الكرتون...سلمني عليه تكف.

مجنون الفن الهلالي: احس انه طاح عليه ارنب موب قميري...بس شكله شافك على نياتك قعد يعطيك من الرخيص:p :p


نأسف على تأخر الرد لظروف مقاضي الدراسه

اكبر نصبه سمعتها بحياتي مع اني تمنيت انها حقيقه

انهم بيفتحون خط بين الشرقيه والرياض مدته نص ساعه؟؟؟؟؟؟؟؟؟؟؟؟؟؟؟


فيه ناس يشلخون صح؟

واحد من أصحابي زمان كان يقول إن عندهم في البيت زر إذا ضغطه ينقلب بيتهم مصنع مرسيدس
وسيارته عليها أنتل طويل إذا مر من تحت كوبري الملك خالد يدق الأنتل في الكوبري وكان يحلف لنا.. وأصحابي يقولون من جد؟! يقول والله العظيم إني صادق.. نقول له أجل أكيد أنتوا أغنياء.. قال: اوهوه

هاهاهاهاهاهاهاهاهاهاها كل ما أتذكره أقعد أضحك

وما ينتهي اليوم إلا وصار راسه قد برج التلفزيون:p

ارفع راسك انت هلالي: بالله اسأل اللي قالوا لك..من اي دائري نطلع على ذا الخط...وق لهم ياليت بعد لو يحطون لنا جسر من البيت للجامعه..عشان مانتأخر ولا دقيقه.


عمر العمري: حنا في بيتنا زر اذا ضغطناه تجي طياره وتلبق في السور.بس ترانا موب اغنياء مثل خويك.

مشكوووورين على المشاركه....يعطيكم العافيه اخواني

@@ بصراحة اكبر نصبه قريتها ماسمعتهاوهي من الاخ الحنووون :: يقول اخونا....انه مستأجر الدور الأرضي في الكعبة الله يسامحه بس ....

هلا والله اخوي حبي تيماوي:
اولا مشكور على المشاركه..
ثانياً..احس انك خذت الموضوع بجديه شوي...وفهمت قصدي خطا لما قلت اني مستأجر الدور الأرضي من الكعبه،،انا مو قصدي اشلخ عليكم بس قصدي أتتريق على ابو راس اللي يقول اني كنت عايش فوق الكعبه;) ;)

مشكور مرة ثانيه على المشاركه...ونورت الموضوع