#1  
قديم 14/02/2006, 11:34 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
قلتها يوم المباراة ...

السلام عليكم ورحمة الله وبركاته

هلا وغلا بكل الزملاء الزعماء ..

قلتها أمس .. ثقة زايدة بالفوز ... كل الأعضاء يتكلمون وكأن الفوز بيديهم ...

قلت أمس التشكيلة تخوف .. الحراسة والدفاع ...

أخطاء مباراة الأمس من الحارس والظهير الأيمن ... والحكم طبعا

تعادل غير عادل رغم إنهم كتبوا وحللوا وقالوا وهلوسوا وكل شي ... إلا إنه غير عادل

فرصتين أو ثلاث اتحادية .. جاء من الهدفين ..

ضربة جزاء بصراحة شفتها .. ماشفت احتكاك مع حمزة ؟؟ .. والحارس طالع عالكورة .. ولا لمس حمزة .. هذا اللي شفته

خشونة من فريق الاتحاد .. اكواع و التحامات ... والخراشي والمفرج شواهد ..




تركي الصويلح ..

معليش ياجماعة .. اللاعب ماقتنعت فيه بعز شبابه .. كيف الحين !!

الياس على فقره الكروي .. والعصفور رغم انه يصلح فقط لألعاب القوى وخاصة 400 م تتابع ..

الا إنهم أفضل من الصويلح ... مع احترامي للصويلح كلاعب خدم الهلال .. أو خدمه الهلال




جيوفاني ..

قدم لمحات جيدة .. من خلال التمريرات فقط

بالنسبة لتحركاته .. تحس إنه يقول ماله داعي أركض وأتعب عمري

بس يمكن ابتعاده عن اللعب فترة هو السبب .. ويبقى جيوفاني لاعب عالمي وكبير .. وننتظر منه الأفضل ..



بدر الخراشي ..

نجم .. والذهب لا يصدأ ... بصراحة قدم الخراشي مستوى ممتاز بالنسبة للاعب راجع من إصابة ..

راوغ وأزعج الدفاع الاتحادي ... مكسب هلالي هاللاعب ..

وراح يفيد الهلال بالآسيوية بإذن الله ..



تفاريز ..

جزار .. قصاب ... راعي ملحمة ... اللي بيقولونه يقولونه ...

تفاريز سيبقى ياولدي ... أحلى الأقدار الدفاعية

إلى الأمام يالامبراطور ... وكيدهم وإن قدرت تزيدهم زيدهم ...

الدفاع بدونك ولاشي ...




المفرج ...

أنت لاعب فدائي .. حماسي .. قتالي على الكرة ...

لكنك تحتاج إلى تفكير إذا صرت تلعب .. اللعب العشوائي والثقة اللي مالها داعي ومو وقتها ماتصلح ...

أرفق على عمرك يافهد .. قسم ماتمر مباراة إلا منشق راسك أو منكسر بك عظم ...

ياحبي لك قسم أحبك لعدة أسباب أهمها حبك للزعيم .. واللعب باخلاص .. وأخلاقك العالية ..

لكن تحتاج لتركيز شوي ..





كامل الموسى ..

أراهن وأقول .. وجود هاللاعب بالهلال راح يخلي الخثران يغير مركزه من ظهير أيسر لظهير أيمن أو وسط أيسر ...

هاللاعب ضالة الهلال في الظهير الأيسر ...

لاعب لياقته ماشاء الله ..

يدافع ويهاجم ... سريع ... صاحب عرضيات خطيرة .. لاعب لمسة وحدة ..

أتمنى من كل قلبي التعاقد مع هاللاعب حتى لو كلف الخزينة كم مليون .. لأنه بصراحة يستاهل



عمر الغامدي ..

لاعب جوكر .. مظلوم جماهيريا بصراحة ... جندي مجهول ..

تلعبه أي مركز بالوسط وراح يقدم اللي عليه ..

بالتوفيق ياعمر ... واصل على هالمستوى ...

وماعليك من بعض الجماهير اللي تشجع اللاعب وليس النادي ..



البرقان ..

إلى الآن ... ماقتنعت بما يقدم هاللاعب ..!!

لا جسمه ولا لياقته ولا تمريراته تأهله يلعب محور ...



كماتشو ..

منذ قدومه للهلال .. إلى الآن ... وكماتشو يقدم مستويات حلوة مع الهلال ...

الله عليك ياكماتشو ...

تحركاته ولمساته وتمريراته وتسجيله للأهداف .. تخليه لاعب مايستغنى عنه في الهلال ...

أتمنى من الإدارة التعاقد معه لأربع سنوات دامه صغير ...

لايغريه دوري ثاني يهتم بأخذ اللاعبين دون الاستفادة منهم .. مثل دوري قطر .. دوري البرابيس ..




سامي ..

يكفي وجودك داخل الملعب ... يكفي 2 أو 3 ينشغلون بمراقبتك ...

سامي .. أنت الأخطر لو تشارك بالمباراة بالمدرجات ...

سامي يقولون نايم في المباراة .. ونسوا أن تألق الخراشي سببه بعد الله .. سامي

سامي ريّح الخراشي .. والخراشي ماقصر ..



فهد مبارك ...

لاعب سريع ومراوغ .. يمرر بسرعة وياخذ موقع بسرعة ..

لكن يحتاج لأكثر من هالكلام بغض النظر عن الهدف ..

لو واصل على تطوير مستواه واللعب بمثل مباراة أمس وأفضل راح يضمن اللعب أساسي



الهليل ..

ياليت طولك على سنع .. !!!




بدر الشمري ..

على كثر الكلام عنه .. إلى إنه أمس اختبر مرتين فقط .. وفشل

مافيه أي كورة خطير صدها عشان نقول إنه قدم مستوى ..

لأن الاتحاد أمس كان ضايع وفاشل والحظ خدمه فقط ..

تحياتي لحسن العتيبي ..



أحمد خليل ...

لاعب مستواه ثابت .. لكنه متوسط ..







شي أخير .. قبل مارسل الموضوع

كندينيو أمس ماقصر .. رغم إنه عليه بعض الأخطاء

مثل لعبه بالصويلح المبتعد في مباراة هامة للهلال .. وهامة أقصد بها من ناحية الثلاث نقاط والصدارة .. والتنافس اللي بين الهلال والاتحاد

مثل ابقاءه على الجمعان احتياط ..



إلا إنه قدم خطة وتكتيك طيب بصراحة ..

يعني جيوفاني ضيع ثلاثة أهداف محققه ..

الأول اللي على الطاير وكان مواجه للحارس ..

والثاني اللي سحب بتيسير النتيف وانكشف له المرمى

والثالث اللي تباطأ فيها جيوفاني وهي تمريره بينيه من سامي ..


الغامدي ضيع فرصة بعد محققه اللي كان بيشوت الكورة عالطاير .. بس ماجت على رجله


وكم فرصة لكم لاعب ضاعت ..

وكل هالفرص كندينيو ماله دخل فيها انها تضيع ...



وعلى فكرة أهداف الاتحاد أخطاء لاعبين ... موب أخطأ مدرب ...



كندينيو غلطته بالصويلح والجمعان ...



عالعموم الهلال ماقصروا أمس .. قدموا مستوى وخسروا النتيجة بتعادل غير عادل ..


وان شاء الله يكسب المباريات الجاية بما فيها كاس ولي العهد ..

وننسى هالمباراة ووعدنا مباراة الرياض ياتحاد ...

دام ربي رحمكم بجدة .. بالرياض راح تكون ملحمة كروية أبطالها لاعبي الزعيم وجمهوره ...



والله ثم والله ... إلى الآن كلي حزن على المباراة .. لكن الشكوى لله .. قدر الله وماشاء فعل ..

تحياتي لكم

أبوساري
اضافة رد مع اقتباس
  #2  
قديم 14/02/2006, 11:49 AM
زعيــم جديــد
تاريخ التسجيل: 04/07/2005
مشاركات: 46
الاخ ابوساري

انا معك ان الثقة الزايده وازيد عليها بعض اعضاء المنتدى هم اسباب هزيمتنا من الادهاد بالتعادل

وانا معك في كل المديح الذي مدحت به لاعبين الزعيم

ولكن اختلف معك في تركي الصويلح وبدر الخراشي

تركي الصويلح : لاعب كبير وافضل من لعب في خانة الظهير الايمن ولكن بعد ظهور الدوكي اختفا هذا اللاعب وكأنه


بفعل فاعل وعلى فكرة قدم للصويلح عروض من اندية اخرى ولكن لم يرغب في اي نادي غير الزعيم يعني تقدر تقول

انه من اللاعبين المخلصين مثل فيصل ابو اثنين وخالد التيماوي

وبالنسبة لبدر الخراشي ماذا قدم امس لم يقدم اي شي ولو لعب الجمعان مكانه رح يكون افضل
اضافة رد مع اقتباس
  #3  
قديم 14/02/2006, 11:57 AM
الصورة الرمزية الخاصة بـ ياسر التمياط
زعيــم فعــال
تاريخ التسجيل: 24/01/2006
مشاركات: 429
تركي الصويلح

الخراشي

الشمري

كاندينو

عمر الغامدي :yes
:
اضافة رد مع اقتباس
  #4  
قديم 14/02/2006, 12:02 PM
الصورة الرمزية الخاصة بـ عاشق ومجنون توتي
زعيــم متألــق
تاريخ التسجيل: 30/01/2005
المكان: جــــــــــــــــــــــــده
مشاركات: 1,391
مشكور وماقصرت
اضافة رد مع اقتباس
  #5  
قديم 14/02/2006, 12:03 PM
زعيــم مميــز
تاريخ التسجيل: 30/08/2003
مشاركات: 6,074
أما سامي يشارك من المدرجات ،،، كثر منها ،،،

سامي السن له احكامه واعتقد شوط واحد اكثر من كفايه لسامي ،، وشفناه أمس في الشوط الثاني كأن الهلال يلعب ناقص واحد وفرصه ضيعها ماتضيع والتحام مع المدافعين يكاد يكون معدوم فمابالك مع منتشري وتكر وفلاته !!!


تحياتي
اضافة رد مع اقتباس
  #6  
قديم 14/02/2006, 12:15 PM
موقوف
تاريخ التسجيل: 14/08/2005
المكان: جــــدة عـــروس الـــبحر
مشاركات: 1,107
كلام سليم 100 %
اضافة رد مع اقتباس
  #7  
قديم 14/02/2006, 09:18 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
يعطيكم ألف عافية على المرور ..

ماقصرتوا ..

ابوساري
اضافة رد مع اقتباس
  #8  
قديم 14/02/2006, 10:54 PM
زعيــم مميــز
تاريخ التسجيل: 02/01/2006
المكان: خارج المملكـة
مشاركات: 5,143
كلام سليم 100 %

وانا معك في كل نقطة قلتها
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube