استفتاء حول انضمام بشير بسم الله الرحمن الرحيم الاخوة الاعضاء السلام عليكم ورحمة الله وبركاته لقد قرات على شريط الاخبار في قناة art ان اندية سعودية كبيرة تفاوض اللاعب الاتفاقي صالح بشير ولقد فجعت من المنظر الذي ظهر 15مليون هل تصدقون ان الهلال يطلب هجوم (عادي) بخمسة عشر مليون وهنا السؤال هل الهلال بحاجة الى مهاجمين لماذا منع الصويلح من السفر اذاً لن نختلف على نجومية سامي والعنبر والصويلح وياسر القحطاني وهنا العائد الجمعان والنجوم الشابة : الموري والخراشي المبدع في لقاء اليوم وفيصل الجمعان والعبد السلام فهل الهلال بحاجة الى لاعب مهاجم بـ15 مليون ريال اتمنى ان تشاركوني برأيكم واعتقد ان 15 مليون ريال مادامها حصلة اتمنى تكون في مكانها وشكراً |
الله يكتب الي فيه الخير للهلال |
والله صالح بشير في نظري لاعب عادي جدا والهلال مو محتاج مهاجمين |
اللة يكتب الي فية الخير للهلال |
للاعب ممتاز |
على قـول أخوي تركي. والله صالح بشير في نظري لاعب عادي جدا والهلال مو محتاج مهاجمين.. |
وعععععع ... قسم بالله أنه لاعب داااااااااااج .. يسجل قول ويضيع 10 !!!! |
ايمن الدمام (لا تكون صالح بشير) اللاعب فاشل وبزوط وعندنا هجوم يكفون فريقين واذا نبي مهاجم في افضل منه واولهم المحياني وعلاء الكويكبي مشكورين على الردود يا زعماء |
مشكور ياخوي قريت الخبر في الشريط الأخباري حق ART والله ضاق صدري 15 مليون عسى ماااااااشر مافي أي لاعب يستاهل هالمبلغ ابدا عندنا حوالي ثمان لاعبين أفضل من بشير ذا تكفى يابو سلطان والله مناب في حاجته الي عندنا فيهم خير وبركه ومعدين وفيه ناس منهم مهوب طاقينها اذا نجحت الصفقه لو بمليون ريال فهاذي أفشل صفقه هلاليه |
صالح بشير مهاجم خطير لكنه لا يستاهل أكثر من خمسه مليون |
لا نبي صالح بشير .. وصدقوني مكسب اذا جاء واللي عندكم جيبوه اذا راحوا الدوليين .. مين موجود !! |
مليون كثيره عليه |
لا اعتقد ان الخبر صحيح لان الهلال ليس بحاجته ولو بريال واحد . الموجودين يكفون وشكرا لكم |
** محب النجوم ** الاخ العزيز اليوم لعب الخراشي وسامي الجمعان احتياط والعبد السلام موجود ويستطيع المدرب ان يلعب بمهاجم واحد كما كان يفعل باكيتا واعتقد ان الموري ايضاً موجود فإذا كان هنالك (في غياب الدوليين) 4لابين كلهم افضل من بشير يمكن العبد السلام شوي اقل خبرة لكن الباقي زي مانتا شايف وفي رجوع الدوليين لن يلعب الا واحد حارق نفسة في التمرين |
أعود و أكرر أن هذه الصفقات المبالغ جداً فيها ( ياسر و كامل و الأن صالح بشير ) سوف تؤثر و بشكل قوي جدا على الإدارة الهلالية حينما تريد تجديد عقود لاعبيها المهمين جداً ( نواف و عزيز و أحمد الصويلح و الخثران ) فإذا كان لاعبين أقل منهم ( كامل بإثنين مليون و بشير بـ 15 مليون ) فراح يطلبوا مبالغ كبيرة جداً و خصوصاً عزيز و نواف ( أتوقع أنهم راح يطلب كل واحد منهم 5 مليون كمقدم عقد ) أتمنى أن أرى تعليقات الجماهير حول هذا الموضوع و إبداء ارائهم |
ارجو تثبيت الموضوع لتتم الافادة فالامر يخص الهلال بأكمله |
لايستحق اللعب في الهلال مع كوكبة نجوم الهجوم المتواجدين |
بصراااحه 15 مليووووووووون ...نبي سنتر عالمي نبي قلب دفاااع كبير بصراااحه .. نبي ظهير ايمن فنااان .. |
اصلاا الهلال لا يحتاج مها جمين وبعدين السعر غالي محتاجين زكريا الهداف اكثر من الهجوم |
15 مليون على ايش خلو عنا الهبال الزايد ياحبيبي مهاجم دايم المشاكل مع ناديه يبون فيه 15 مليون خلونا نخلص من الجمعان ومشاكله عشان يكملها بشير بعدين بهذا المبلغ نجيب مهاجمين احسن وارخص مثل ماجبنا العنبر والصويلح ولاتنسون فيصل الجمعان اللي اتمنى له التوفيق |
لالالا بشيرمايستاهل ربع المبلغ ومحنا بحاجته واتمنى من الاداره اذاكان تناويه شراء الاعب التوقف وحفظ الفلوس عندنا عقود نبغا نجددها ابرك من بشير |
صالح بشير مهاجم هداف من طراز رائع لكن أبرز عيوبه عدم الإنضباط وعقليته اللي رايحها فيها وثقافته صفررررررررررر وزيادة على كذا مايصلح للزعيم يعني مواصفاته مع احترامي لا تليق بالزعيم بعدين أخبار أي أر تي لكم عليها ياشباب....!!!!!!! |
ابو سلطان .. ما اتوقع انه يبي صالح بشير اللي فيه يكفون وزود ولو انه التفت لأحد فإن شاء الله يا المحياني او الكويكبي مع اني افضل الكويكبي والله |
رئيس الاتفاق: صالح بشير لم ينتقل للهلال بـ 50 مليون ريال صالح بشير الدمام - مرشد الخالدي: أوضح عبدالعزيز الدوسري رئيس نادي الاتفاق عدم وجود أي مفاوضات هلالية لكسب توقيع المهاجم الدولي السابق صالح بشير هداف الفريق الكروي الاول بالنادي بنظام الانتقال النهائي أو بنظام الإعارة مؤقتاً حتى نهاية الموسم الرياضي الحالي ان ينتقل رسمياً ابتداءا من الموسم المقبل وقال: لا يمكن ان نفكر بأي عرض من أي ناد لانتقال صالح بشير الذي يعتبر المهاجم الاول في نادينا خاصة في ظل عدم قدرة اللاعبين الاجانب تقديم ما يرضي طموحات الجماهير الاتفاقية. وعن ما أشير يوم أمس في قناة ال art الرياضية حول اتمام نادي الهلال صفقة نقل خدمات صالح بشير مقابل خمسة عشر مليون ريال فقال لا أعلم من أين تم استقاء هذه المعلومة غير الصحيحة التي لا تعتمد لا من قريب أو بعيد على أي مفاوضات شفوية أو رسمية بهذا الخصوص مؤكداً ان العلاقة المتينة بين الاتفاق ومسؤولي الهلال متميزة ولا يوجد أي شيء يعطل الاتصالات خاصة في ظل الشفافية والوضوح بين الطرفين في العديد من النواحي التي يعود نفعها للطرفين. |
أنا أشوف أن الهلال ليس بحاجه إلى مهاجم الموجودين فيهم الخير والبركه |
الهلال عندة ما يكفية لاعبين هجوم |
اعتقد ان صالح لاعب عادي والهلال ليس بحاجه مهاجمين ابداً |
أتمنى من الأدارة الهلالية لو كان الخبر صحيح بأن توفر ال15 مليون لجلب ظهير أيمن أجنبي يحل المعضلة االهلالية المستديمة أو توفيرها لتجديد عقود التمياط والصويلح فذالك أفضل بكثير من هدرها في لاعب عادي جداً بل يصل لمرحلة السوء |
اللاعب صالح بشير لاعب جيد جداً ولاكن لاعب مزاجي ومغرور جداً ويلعب بتعالي على الكره ولسنا بحاجه الى لاعب بمستوى صالح بشير اذا كنا بحاجة لاعب فيجب ان يكون افضل من الموجودين بكثير ولا ارى لاعب سعودي حالياً يستحق ان يلعب للهلال فيجب على الإداره اذا ارادت احظار لاعب ان يكون اجنبي وبما ان الأجانب اكتملوا في الهلال اذاً لسنا بحاجة لا صالح بشير ولا غيره مع تمنياتي للزعيم بمزيداً من التقدم s13s s13s s13s s13s s13s s13s |
لاعب ممتاز جدااااا بس عندنا زحمة في الهجوم |
ليييييييش يتعاقدون معه اصلاااا الفريق أكثره مهاجمين ياسر و سامي والعنبر والصويلح والجمعان والخراشي والظاهر اني نسيت مهاجمين بعد فلا أعتقد انه له داعي يتعاقدون مع بشير بشير أقل مستوى من الموجودين فنادي الهلال ليييييش ناخذه ونخليه بدكه الاحتياط |
ان شاء الله يجي للهلال |
لو يجي بلاش مانيبيه لأنه بيضيع الفرصه على ناس افضل منه وهجوم الهلال كلهم افضل منه |
والله مايسواهل هالمبلغ |
مشكورين على الردود واللاعب ما نقول فيه شيء الا انه اقل من مستوا الزعيم |
الله يكتب الي فيه الخير للهلال |
انا هنا اطرح استفتاء فاما ان تؤيد واما ان ترفض وكلمة الله يكتب اللي فيه الخير موهاذا محلها احنا مو في صلاة التهجد والا قاعدين نكتب موضوع الدعاء للهلال بل رأي اعطني رأيك اما الردود التي نختبأ ورائها لزيادة عدد المشاركات اتمنى ان لا نراها اللي يقول لك مشكور واللي يقول لك الله يكتب اللي فيه الخير انا هنا طالب رأيك مؤيد والا معارض وبس واقول لمن يكتب بهذه الطريقة مبروووووووووووووووووووووك زادة لك مشاركة |
انا متاكد لو صار الخبر صحيح ان ابو سلطان له وجهة نظر في الموضوع تخفى علينا كلنا وبتوفيق للهلال |
احنا عندنا زحمه فالهجوم مو ناقصنا شي |
اخوي هلالي يموت في القناص كلنا قد لعبنا كرة القدم ونعرف اللعب وقريبين من الهلال عن طريق متابعة اخبارة في المنتدى ولا اعتقد ان هذا الامر فيه خفايا والكلاام هذا خلونا من الفلسفة الفاضية تلاى كثير من اللاعبين يتمنون الهلال يعني كل ما نط واحد وقال انا هلالي نقوم ناخذة هذا انا هلالي وراى ما تعاقدوا معي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ههههههههههههههههههههههههههههههههههههههههههههههههههههههههههههههههههههههههههههه اتمنى ان نترك اللاعب هذا لمن يريدة و15 مليون مو كثيرة الا خرافية فيه وفي اي لاعب سعودي واحنا نعاني من بعض المراكز اتمنى تدعيمها وهذا افضل من جلب مهاجم اخر ليكتم انفاس المهاجمين الهلاليين |
هو لاعب مميز بس ما يستاهل هالمبلغ ،،، |
يمكن انه لاعب لديه مهارات لكن 15 مليون فيه كبييييييييييييييييييييره 15 مليون نجيبها 3لاعبين على الاقل يكونون ضهير ايمن هذا المركز الي مخوفني خاصة واننا بنلعب في بطولة اسيا مع احترامي للكابتن صالح بشير الاانه لاعب عادي جدا |
صالح بشير لاعب رائع و 15 مليون سعر مناسب بالنسبة لي اسعار الاعبين هذه الايام على الرغم من ذلك فأن لا اتمنى انتقاله إلى الهلال لي سببين أولاً الهلال مليان هجوم و ثانياً الاعب مزاجي |
اقول حله يستريح مع فريقه ازين له الهلال عني بنجومه ولو مايبقا الا بشير ماخذه الهلال |
أنا أشوف ان الهلال ماهب بحاجه بشير حتى لوكان بشير ممتاز لان الموجودين يكفون وفيهم الخير والبركه ومشكورين وهاذا رأيي |
بصراحه مانبيه |
مشكورين على الردود |
الوقت المعتمد في المنتدى بتوقيت جرينتش +3.
الوقت الان » 03:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd