السلام عليكم ورحمة الله وبركاته
قبل ثلاث سنين تقريبا . توني متخرج من كليتي . والحماس ثلاثه مليون ابي احصل وظيفه. و الحمد لله حصلت على وظيفه باحدى الشركات لكن الصدمه يوم قالوا لي وظيفتك بمنطقه جيزان !!!!!!!!!!!!!!!!!!!!!!!!!!!!!!!
المهم عطوني فرصه يومين افكر. وانا عاد انلحست ما اعرف اي شى عن جيزان ولا اعرف اي احد بجيزان
الله هداني وقلت ياولد اروح هناك شهر والا شهرين و يشفولي مكان ثاني
جلست هناك تقريبا ثمانيه شهور. وتعرفت وشفت بعيني احدى اجمل مناطق مملكتنا الحبيبه . صحيح الجو لك عليه لكن والله منطقه من جد روعه
وانا مستغرب كيف هيئه العليا لتطوير السياحه ما اهتموا بجيزان
و زرت هناك جبل فيفا . سبحان الله ماتصورت فيه منطقه بالسعوديه بهذا الجمال وهذي الطبيعه.
المانجو الموز الرمان البرتقال . و فواكه كثير مزروعه بفيفا .
خضره خلابه . واجواء ربيعيه معظم اوقات السنه (كما فهمت من احد سكان المنطقه)
وديان تجري معظم ايام السنه
و ارجع و اسال سؤالي الى الهيئه العليا لطوير السياحه . اين انتم من فيفا؟؟؟؟؟؟؟؟؟؟؟؟؟؟؟
اسال الاعلام اين انتم من فيفا؟؟؟؟؟؟؟؟؟؟؟؟؟؟؟؟؟؟؟؟
هناك مناطق جميله كثيره بجيزان . ولكن مافيه ادنى اهتمام فيها!!!!!!!!!!!!!!!!!
اتمنى من الاخوه والاخوات اللي عنده صور او موجود بمنطقه فيفا انه يتفضل ويضعها بالمنتدى . من يفزع لنا بالصور
اتمنى منكم المشاركه
وسلامتكم