مرحبا بالجميع هذا الموضوع مهم مهم للغايه
(ويمكن أطول عليكم طولوا بالكم).
ودي أقول أنه ما في شئ كامل و الكامل وجه الله سبحانه و تعالى
معروف ما في منتخب ما يخسر و يفوز. و الفوز و الخساره و التعادل شئ عادي
في عالم الكوره , و لازم نذوق طعم الخساره مثل ما ذقنا طعم الفوز
و الحديث هنا عن المشاكل الي فينا : 1)الجماهير والصحافه .2)المدرب .
3) اللاعبين .4) الإعداد .
1)الجماهير و الصحافه :الصحافه هي صوت الجماهير و نقول إن الصحافه
مثل ما هي متقدمه عندنا و لله الحمد في جميع الشؤون إلا في شأن الرياضه وبالصراحه لاننا أول ما نتعاقد و يتفق إتحاد الكره مع مدرب للمنتخب تشوف جميع الصحف والصحفيين يسألونه وش رايك في المنتخب هذا صح بس الي مو(غير)صحيح إن الصحافه تضغط على المدرب في أسائله مالها أي طعم و لا منها فايده (ما علينا) و لازم على الصحافه أن تكون منفتحه و متطوره أكثر من كذا
2)المدرب : آآه من المدرب. الحمد لله إن الله رزقنا إتحاد مثل هذا تقولولي ليش أنا أقولكم لأنه من بدايات المنتخب إلى الوقت الحالي كل المدربين الي أشرفوا عليه قديرين ومرموقين ولهم صيتهم العالمي و مستوياتهم التدريبيه عاليه وكل واحد فيهم له وجهة نظر وطريقه لعب مختلفه . ومثل سلوبودان له بصمته الواضحه على المنتخب اليوغسلافي أنا ما أدافع عنه ودي أقول حرام علينا الظلم و الظلم هو إن المدرب و أقصد أي مدرب ثاني هو مو ساحر ولا كاهن يغيراللاعبين و اللعب و التكتيك وغيره وغيره, وغير كذا حنا نطالبه في كل هذه التغيرات في فتره قياسيه 3 شهور صعب والله صعب. والدول المتقدمه في الكوره مثل ألمانيا وغيرها من دول المدرب يجلس يدربهم سنه وسنتين ويمكن زياده و في هذه الفتره لازم تصير تضحيات وخسائر كثيره بس بعد هذه الفتره تشوف منتخب شي ثاني له وضعه وبصمت المدرب تبان وحنا نبي بـ3شهور نجني الثمار ولا ننسى أن للمباريات لها ظروف مثل ما شفنا البحرين وأما مباراة إيران حدث ولا حرج الحكم كان سـيد اللقاء هههه
3)اللاعبين:أما اللاعبين وبصراحه نستغرب منهم خاصة لاعبين منتخبنا يلعبون و بدون روح أبدا وشلون يجي الفوز بدون الروح . و يلعب بعضهم عادي و كأنهم مع فرقهم أو تدريب بس اللعب مع المنتخب غير وهو لازم تكون الروح أول شي في اللاعب قبل مهاراته و تاريخه هذه من وجهت نظري وحنا نشوف بعض المنتخبات المجاوره وشلون يلعبون بشكل ممتاز وهذا من الروح الي عندهم واذا نقصوا يزيد لعبهم وهنا نقول اذا غابت الروح راح المنتخب والنتيجه والله وبدون ظلم مو كل لاعبين المنتخب بدون روح تلاقي ثلاث لاعبين يلعبون بحماس وروح عاليه وقتاليه والباقي ولااااهم معاهم ..والحين الشي الأهم في الموضوع كله وهو
4)الإعداد:إعداد منتخبنا ضعيف فنيا ومهاريا ومستوى ولعبنا مع كوريا الشماليه وماليزيا وسنغافوره وين التطور المهاري والمستوى في هذه المنتخبات .لازم يكون الإعداد على أعلى مستوى فني تكتيكي ومهاري علشان نتأهل بكل سهوله وبدون خوف وهذا الي حنا كجماهير نعتب على الإتحاد الكروي وهو الإعداد وإن شاء الله ما أكون غلطان في كلامي لأني من جد حسيت فيه ولا أنا غلطان يا شباب ..وآسف على الأطاله
و دمــتــم
نواقص الجماهير..المدرب..الأخضر..؟!؟ 
يا مرحبا 
الوضع العادي
