سبـــــــــــ (7) ـــــــــع هدايا مني لكم احبتي !؟
 

<p align="center">احبتي يسرني ان اجمع لكم اروع ماكتبته من القصائد وان اضعها كلها في موضوع واحد وذلك بناءً على طلب بعض الاخوة الاعضاء واتمنى ان تنال القليل من رضاكم</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://d1d.net/1/sport/olayansalh/ssss.jpg</p>

<p align="center">ميت الاحســـــــــــــاس

تجاهل حبنا يازين ؟ ولاّ ميت الاحســـــــــــــاس *** لزوم انك تراعي خاطري وتحس باحساســــي

احبك يانظر عيني ومن شانك نسيت النّـــــــاس *** نسيت الكون ومن بالكون مع انك دايمٍ قاسـي

احبك حب ياروحي ومعاليقي لكم يبّــــــــــــــاس *** وعروق القلب في جيتك تروى عقب الايباسي

وزولك لاختفى عني يدق بقلبي الهوجــــــــــاس *** خيالك دايمٍ فالبال لاداله ولاناســـــــــــــــــــــي

ترى حبك رسى بالقلب ثابت بانيٍ له ســــــــاس *** ولو طال الزمن ماينهدم من قوة الساســـــــي

غريقٍ في بحر حبك واخاف اصبح بدون انفاس *** تصير انت السبب في موتتي مع كتمة انفاسي

ترى حبي لفى يمك بلا حدٍ ولا مقيـــــــــــــــــاس *** ولو قسته تتعب ماوصلت لحد مقياســــــــــــي

ترى ماهو مجرد هرج ولاحبرٍ على قرطــــــاس *** هذا حبكم عشته وسجلته بقرطاســــــــــــــــي</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://d1d.net/1/sport/olayansalh/zzzzz.jpg</p>

<p align="center">عـــــــــــنود
سلامات ياعينٍ هوى الزين يبكيــــــها **** تهل العباير كل لحظة وسلهامــــــــــه
لها مدةٍ والنوم ماهوب ياتيـــــــــــــــها **** تنام الخلايق واسود الليل ماانامــــــه
ونفسٍ حزينة فايدتها تمنيــــــــــــــــــها **** على من حكم قلبي وانا طعت لاحكامه
حكمني هوى الغالي والاحكام راضيها **** مطيع لحكمه طاعة العبد لاعمامـــــه
واداري محبتها عن الناس واخفيـــــها **** وعند العرب كني خصمٍ من اخصامــه
وانا احبها واحب دارٍ ربت فيـــــــــــــها **** واحب المكان اللي مشت فوقه اقدامه
واحب المجال اللي يجي فيه طاريـــــها **** واحب المنام اللي تجيني فيه أحلامــه
انا اغليتها واغليت من كان يغليـــــــها **** ونفسي بحب الزين ماهيب منّلامــــــه
حسينة نبا بالبيض محدٍ يحاليـــــــــــــها **** شبيه الغزال اللي رعى هضبة تهامـه
(عنودٍ) تقود الصيد ماهيب تاليــــــــــها **** مليك الجمال وباقي البيض خدامـــــه
ولو طالت الفرقى مانيب ناسيــــــــــــها **** ولاينمحي حبٍ على العز مرسامــــــه</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://d1d.net/1/sport/olayansalh/mustqbali.jpg</p>

<p align="center">ضيعت مستقبلي

ضيعت مستقبلي جعلها والله تضيـــــــــــــــــــع ^^^^^ وحدةٍ فالبادية ضيعت مستقبــــــــــلي
الوظيفة والدراسة غدن مني جميــــــــــــــــــع ^^^^^ وباقي الحال النحيلة وروحي ياعـــلي
ياعلي من حبها ظاق بي نجد الوسيـــــــــــــــع ^^^^^ وديرتـه لاجيتها ياعلي راح زعلـــــي
ماحصل لي من دهر عمري ولو ساعة ربيـــع ^^^^^ في عناي ودمع عيني يفيض ويمتــلي
ياعلي يومك تسافر مع الخط السريـــــــــــــــع ^^^^^ من هموم او من محابيلهن منتب خلي
ياعلي من حبها للنصيحة مااطيــــــــــــــــــــــع ^^^^^ دايمٍ كبدي على شوفها تغلي غلــــــي
والله اني ياولد شمر ماعاد استطيــــــــــــــــــع ^^^^^ كان ماقلت لمجاهيم الليالي ارحــــلي</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://mypage.ayna.com/olayansalh/nar.GIF</p>

<p align="center">الفصيح اللي يصيح

احسب ان اللي تجود مايطيــــــــح ***** حافظٍ للوقت معلومة خطـــــــــــــاء
لين صرت اشابه الطير الجريــــح ***** وقمت اعيد الذاكرة عقب البطـــــاء
اتذكر والصدور فياض شيــــــــــح ***** الحمام اسراب واسراب القطــــــاء
محسب ان احدٍ لدمي يستبيـــــــــــح ***** كنت اظن ان الحياة اخذ وعطــــــاء
والتوجد حلّ من بعد المديـــــــــــح ***** بانت الاسرار وانزاح الغطــــــــــاء
عقب ماشفت الفصيح اللي يصيـح ***** وشفت سيف الغدر في قلبه سطــاء
يالله انك لاتحلّ ولاتبيـــــــــــــــــــح ***** من ربط سرج النميمـــــــةوامتطاء
شفت من هرجه عسل والقلب قيح ***** لو وطا فالنـــــــــــــــار ماكنه وطاء
الصحيح ان الخطاء اصبح صحيح ***** والصحيح ان الصحيح اصبح خطاء</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://d1d.net/1/sport/olayansalh/harb.jpg</p>

<p align="center">( حــــــــرب الاشاعــــة )

آخر الاخبار عن حرب الاشاعـة ***** انتصار افراق واستسلام لامـــــــا
العواذل صاغوا الشي ببراعــــة ***** باختيار الدور واخراج الدرامــــــا
إزرعوك اشواك ياحقل الزراعة ***** وتركوك تعيش لاساقي ولا مـــــــا
ليتهم عاد ازرعوا فيك الشجاعة ***** مثل تحفيز النشامــــا للنشامــــــــا
كنت قبلك ماتعلمت القطاعــــــــة ***** ولا دخلت بمعمعة حرب الكلامــــا
من خلقة الله زرع فيني مناعــــة ***** من خفافيش الطيور اللي ترامــــا
أكره التزييف واحب القناعــــــــة ***** بس معك اسرفت واخلفت النظاما
الله اكبر لو تعدا نصف ساعــــــة ***** اجتماعي بك على الدنيا السلامــا</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://d1d.net/1/sport/olayansalh/kaltan.jpg</p>

<p align="center">(غلطـــــــــان)

اهرج وانا لك مستمع ماتكلمــــت **** مادام توجد بالصدور الرحابــــــــة

وش فيك ياصرح الحقايق تحطمت **** وش بك تقول اليوم مابه غرابـــــة

وش بك تعلمني بعد ماتحلمــــــــــت **** ان التعاسة والسعادة تشابـــــــــــه

في ذمتك باي المدارس تعلمــــــت **** من وين اخذت اسلوب فن الخطابة

والله مطيعك بالخطاء لوتظلمـــــت **** انا نظامي لازم اقرا الكتابـــــــــــــة

يومك تجي في حشمتك ماتحشمـت **** إسمع بعد وقّفْ رشاش السحابــــة

غلطان ولك نبدل الصمت بالشمـت **** قدام تغلط خايف من الرقابـــــــــــة

واليوم اباصارحك ياللي تهجمــــت **** ونهبت قلبي دون مارضى نـــــهابة

قلبي بردّه لو بالاعيان سلهمــــــت **** ولو كان وسط حلوق شهب الذيـابة

لاعاد مني تطلبه لو تكرمــــــــــــت **** ارجوك مابيني وبينك قـــــــــــــرابة

حرّمت ماقرب مثل عشرتك حرمت **** لو انها ترجع حياتي خرابـــــــــــــة

والله لو اجلس طول الايام مانمــت **** احسن من اجلس معك مالي مهابـة</p>

<p align="center">=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+</p>

<p align="center">http://d1d.net/1/sport/olayansalh/ddd.jpg</p>

<p align="center">الدقيقة معك تسوى حياتي كلها

لوبغيت ارتاح عين الشقاوي ماتنــــــــــوم ***** قل لها ياخافق الريش قل لـــــــــــــــها

اتصبر عارف ان السعادة ماتــــــــــــــــدوم ***** واتقرب بين الامال واقابل لـــــــــــــها

اتخفى في لعل وعسى واجلس واقــــــــــوم ***** ليلة فيها رجا وصلها ما املـــــــــــــها

كنت اشوف الشمس واحيان تحجبها الغيوم ***** هي على سطح السحابة وانا في ظلها

هيه ياللي وسط قلبي معززّ ومحشـــــــــــوم ***** لوتساعدني جميع الرموز نحلّـــــــــها

في نجوم القايلة يالغضي مالي لــــــــــــزوم ***** دلني درب السعادة تراك تدلـــــــــــــها

يالطيف الروح قل لي تريح ومخـــــــــــــدوم ***** لاتغني للهواجس وتطبل لـــــــــــــــــها

التحالف يبتدي بالحقايق والحلــــــــــــــــوم ***** العقول الها سمها والقلوب ارضٍ لــها

اندماج ايام وشهور وتصير الهمـــــــــــــوم ***** بالتعاون مثل سـلّ السلوك نسلّـــــــــها

وش تساوي فرحتي معك يوم او نصف يوم ***** والدقيقة معك تسوى حياتي كلــــــــــها</p>

<p align="center">اتمنى ان اكون قدمت لكم مايعجبكم واعدكم بالمزيد</p>

الله اكبر
ماشاء الله عليك

كل واحدة احلى من الثانية
بس الكلمات شوي قوية
صدق....و الا اجمل الشعر اكذبه
لو الكلام هذا صحيح

باسميك قيس بن الملوح:D








صح لسانك
و دمتـــــــــــــــــــــــــــــــــــــــــــــــــــــــــــــــــــــــــــــــــــم,,

صح للسانك

عيني عليك بارده

@@ رساويآ انا اخشيني الويل اذا احببتني @@
@@ قلبـي قفـص دهـريآ يحرسـه رمح مخمليآ @@

مبدع ;)

رائع رائع رائع يالاسير والله لو عندي موهبة مثلك كان اجمعها في ديوان

روووووووعه

صح لسانك يالغالي

مشكورين احباب قلبي
 

مشكورين احباب قلبي على ردودكم ويسعدني ان تكون القصائد قد نالت قليييييييييييييل من رضاكم واستحسانكم واعدكم بالمزيد والافضل .

صح لسانك وانت مكانك
 

انا انسان يعشق الشعر................
واموت في واحد اسمه عبد الرحمن بن مساعد حقيقه ويكفينا فخر انه هلالي :)

لكن فيه بيت شعر يقول :
مليت من كلمه كيف حالك.......لاتنشدني

بس انت وشلون قلبك يا بعد......... حالي

الشاعر: محمدبن صلاح الحربي..........وشكراً

اللله يعطيك العافيه ان شالله

شكرا لكم احبابي
 

Rui Costa اشكرك على رايك واعتز فيه جدا .

فتى الذهب شكرا لك عزيزي على اطرائك ولك تحياتي

اشكركم من الاعماااااااق على تفاعلكم .