نادي الهلال السعودي - شبكة الزعيم - الموقع الرسمي

- منتدى الجمهور الهلالي (http://vb.alhilal.com/forumdisplay.php?f=28)

- - بتقولون >> قالها خالد !!!! (http://vb.alhilal.com/showthread.php?t=276939)

بتقولون >> قالها خالد !!!!

هذه الرسالة موجهة الى امير العز عاشق الهلال الغيور الأمير محمد بن فيصل والى أعضاء منتدى الزعيم والى كل مشجع هلالي في العالم.

السلام عليكم ورحمة الله وبركاته:

الف مبروك تأهل (الزعيم) الهلالي الى نهائي كأس سيدي ولي العهد لملاقاة الأهلي (العنيد) بعد تخطية نادي الوحدة.
ولكن !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! :confused: :confused:

قد تستغربون من كتابتي لهذا الموضوع لاني وبكل صراحة من الاعضاء المقلين (بضم الميم) في الكتابة في المنتدى وذلك لظروف الدراسة الجامعية ولكن هذا لايمنعني من معرفة اخبار عشقي الكبير ((نادي القرن)) من خلال تصفحي شبكة الزعيم او الاشتراك في خدمة الجوال الجديدة (5111) لهذا ومن باب غيرتي على الزعيم حبيت اني اكتب لكم هذه النقاط المهمة:-

• الجميع شاهد مبارة الهلال مع الوحدة (ذهاب – اياب) والتي شهدت تأهل الهلال لنهائي كأس ولي العهد
و صحيح ان الهلال فاز في جميع المباراتين ولكن ماهذا المستوى يازعيم ماهذا التخبط يازعيم اتوقع ان الجميع شاهد الفرق بين (هلال باكيتا المبدع) و(هلال كاندينيو المتخبط) ياجماعة الهلال راح يطيح اذا كمل كاندينيو مع الهلال!!
واذا لاسمح الله وان شاء الله اخذ الهلال البطوله ((مااتوقع)) راح يكون بسبب الاعبين مو بمجهودك يامدربنا الفاشل.

• مشكلة الظهير الايمن : لو تلاحظون في عهد باكيتا ماكان عندنا مشكلة في الظهير الايمن (عندنا الياس والعصفور) ماسكين الجهه اليمنى ((صحيح ان مستوى الياس والعصفور مو ممتاز)) ولكن احسن من ان تجيب لي لاعب ارتكاز ((خالد عزيز)) وتحطه ظهير ايمن ((ليش؟؟؟؟؟؟؟؟؟؟؟؟؟؟؟؟؟)) ياجماعة خالد عزيز يضحك في الجهه اليمنى مو عارف يوقف صح كل ماجته كورة طيرها ((يصيد حمام)) ارجعوا لشريط المباراتين وشوفوا كم عرضية (Over) لعبها خالد عزيز. وش اللي حادك على كذا ياكاندينيو.

• مشكلة البرقان: انا اتمنى من الجميع انهم مايزعلون مني ((لاني بقول ان البرقان افشل لاعب هلالي في النادي هذا الموسم)) البرقان لاعب بارد (مايمشي كورة) وتمريراته اغلبها ضائعه. انا من رائيي ان مدرب الغفلة يرجع خالد عزيز مع الغنام (محاور) ويحط البرقان احتياط.

• تفاريس وكماتشو: احب ان اوجه رسالة لجميع الحاقدين على نادي الهلال ( زي نادي مهمد نور) اللي دائم يحاولون انهم يحطمون الجماهير الهلاليه بلاعبيها المحترفين ((صحيح ان كالون اشهر من كماتشو)) ولكن شوفوا المستوى ياجماعة الخير (ليش اغلبكم على الريحه) انا اقولها وبكل فخر كماتشو احسن لاعب محترف في الدوري السعودي والجميع يتمناه. تفاريس وما ادراك ماتفاريس ياجماعة الخير خلوا الرجال في حاله صحيح انه لاعب مشاكس ( كروته كثيره) ولكن انا بسألكم سؤال ياللي تطالبون برحيله؟
وش الاحسن لاعب من بدايه الدوري الى نهايته مااخذ ولا كرت (بس المستوى الله بالخير) ولا لاعب يأخذ كروت (يحرث الارض حرث) الله يرحم والديكم فكونا من الكلام اللي ماله سنع !!!!!!!
وعلى فكرة ترى تفاريس حاله نفس حال (ليتانا) المدافع الزامبي اللي في كل موسم لازم يطرد خمس مرات بس شوفوا كيف كان مستواه؟؟؟

• انا احب ان ابين بعض الاسباب التي جعلت كاندينيو يتخبط ويلعب في التشكيلة انا اتوقع واجزم ان بعضكم يعرف طريقة المدربين البرازليين في التدريب. مافيه احد يطيق الثاني (يعني يحاول يغير من طريقة باكيتا على شان مايقولون المدرب ماسوى شي، التشكيلة نفسها اللي مع باكيتا) ولو تلاحظون اكبر المتظررين الهلال !

• وهذي رسالة خاصة الى الامير محمد بن فيصل : انا اتمنى من سموكم عدم ترك الهلال يغرق بهذه الطريقة ، الجميع قراء تصريحك في الصحف بأنك سوف ترحل عن الهلال لأن المستوى مو عاجبك وووو الخ. ياطويل العمر المشكلة في المدرب. ومن ناحية الجماهير، انا من جماهير الهلال في المنطقة الشرقيه وصدقني جماهير المنطقة ماتصدق ان الهلال يجيها وانا اوعدك شخصيا (نيابة عن جماهير الهلال في الدمام) بالحضور للملعب في كل مبارة.

تحياتي الحارة للجميع واسمحولوا اذا غلطت على احد. ولكن صدقوني من غيرتي على الزعيم. اتمنى من الجميع التكاتف مع هلالنا لانه مقبل على مباريات قويه ( النهائي مع الاهلي) (مباراه الاتحاد في الدوري) (مباراه العين في البطولة الاسيوية)

خاطرة:

فيني خلايا تنزف الحزن والهم (ياهلال)
وفيني طلاسم ماحدن قد قراها
فيني هموم تذرف دموعها دم
وأنت الحروف الباقية عن سواها
لك خافقي رحب وهلا وسلم
ولك العيون تعيش لأقصى مداها

وشكراااااااااااااااااااااااااااااااااااااااااااااااااااااااااااااااااااااااااااااااااااااااااا

اخوكم: خالد المنطقة الشرقية - الظهران

.. حيـاك ..

إقتباس:

و صحيح ان الهلال فاز في جميع المباراتين ولكن ماهذا المستوى يازعيم ماهذا التخبط يازعيم اتوقع ان الجميع شاهد الفرق بين (هلال باكيتا المبدع) و(هلال كاندينيو المتخبط) ياجماعة الهلال راح يطيح اذا كمل كاندينيو مع الهلال!!

مـدرب لـم يمـضي عـلى تـعيينه اسـبوعين .. هـل تتـوقع انـه راح يـقدم شـيء مـع الفـريق ؟؟ كاندينيو قـدم ومن ثـاني مبـارة وصـل الهـلال للنـهائي ..

كـاندينيو حـالياً في حـالة نـقل الـفريق مـن طريـقة بـاكيتا الـى طريقـته .. فـلازم تـواجهه مشـاكل لانه يـتعامل مـع بشـر وليـس الاات مـبرمجة ..

يـعني اصـبر عـليه ليـن يـفرض طـريقته ..

إقتباس:

مشكلة الظهير الايمن : لو تلاحظون في عهد باكيتا ماكان عندنا مشكلة في الظهير الايمن (عندنا الياس والعصفور) ماسكين الجهه اليمنى ((صحيح ان مستوى الياس والعصفور مو ممتاز)) ولكن احسن من ان تجيب لي لاعب ارتكاز ((خالد عزيز)) وتحطه ظهير ايمن ((ليش؟؟؟؟؟؟؟؟؟؟؟؟؟؟؟؟؟)) ياجماعة خالد عزيز يضحك في الجهه اليمنى مو عارف يوقف صح كل ماجته كورة طيرها ((يصيد حمام)) ارجعوا لشريط المباراتين وشوفوا كم عرضية (Over) لعبها خالد عزيز. وش اللي حادك على كذا ياكاندينيو.

اعـتقد انـك تتـابع الاخـبار ولا ؟

كـاندينيو صـرح ان سـبب وضـعه فـي خـانة الظهـير هـو الحـد باقـصى قـدر ممـكن من خطورة علاء الكـويكبي !! واعـتقد عزيز نجح فـي هذه المـهمه ..

يعـني ماهـو مطـلوب منـه يهـاجم انما يحـد من خطـورة لاعـب مـعين ..

واعـقد كاندينيو سبـق وانـه قـاد الهـلال لانجـازات كـما انه درب الهـلال فـي فتـرات مخـتلفه .. وش المـانع من نجـاحه الحـين مـع الـفريق مره ثالـثه ؟!؟!

ياعمي لا تسويلي فيهاا فاهم

المدرب توه هذي ثالث مباراه له

وتقولي الياس والعصفور ماسكين الظهير الايمن صح

بس انا ما قريت البااقي لاني ادري انك ما عندك سالفه

إقتباس:

الرسالة الأصلية كتبت بواسطة الـذيـب

.. حيـاك ..

مـدرب لـم يمـضي عـلى تـعيينه اسـبوعين .. هـل تتـوقع انـه راح يـقدم شـيء مـع الفـريق ؟؟ كاندينيو قـدم ومن ثـاني مبـارة وصـل الهـلال للنـهائي ..

كـاندينيو حـالياً في حـالة نـقل الـفريق مـن طريـقة بـاكيتا الـى طريقـته .. فـلازم تـواجهه مشـاكل لانه يـتعامل مـع بشـر وليـس الاات مـبرمجة ..

يـعني اصـبر عـليه ليـن يـفرض طـريقته ..

اعـتقد انـك تتـابع الاخـبار ولا ؟

كـاندينيو صـرح ان سـبب وضـعه فـي خـانة الظهـير هـو الحـد باقـصى قـدر ممـكن من خطورة علاء الكـويكبي !! واعـتقد عزيز نجح فـي هذه المـهمه ..

يعـني ماهـو مطـلوب منـه يهـاجم انما يحـد من خطـورة لاعـب مـعين ..

واعـقد كاندينيو سبـق وانـه قـاد الهـلال لانجـازات كـما انه درب الهـلال فـي فتـرات مخـتلفه .. وش المـانع من نجـاحه الحـين مـع الـفريق مره ثالـثه ؟!؟!

:thumbup: :thumbup: :thumbup: :thumbup: :thumbup:

المدرب توه جديد ولازم نعطيه الحريه في كل شي حتى تبأن لنا الفلسفه اللي يمشي عليها
وبعدين طريقة المدرب حلووه انه يلعب 2 مهاجمين ويمكن هل الشي هو اللي بين للكل مدى الضعف الكبير في الاظهره
وربما نعذر باكيتا فالسابق عندما يلعب بمهاجم واحد + ترسانه كبيره فالوسط

لانه انذاك بخطة المهاجم الواحد كان يغطي ضعف الاطراف

واتمنى له التووفيق مع الزعيييييم وانتظروا مشاركة جيوفاني راح يكون لها سحرها الخاص مع كاندينيو

باذن الله القادم احلىىىى مع الزعييييييم

ياناس ياعالم المدرب جديد وشفيكم..

بالعكس والله انا اشووف انه مدرب قوي وشفنا كيف يلعب الهلااال بلمسه وحده ولعب جمااعي وبتشوووف بالمبارياات المقبله وش بيسووي...........

إقتباس:

الرسالة الأصلية كتبت بواسطة بيرلوا

واذا لاسمح الله وان شاء الله اخذ الهلال البطوله ((مااتوقع)) راح يكون بسبب الاعبين مو بمجهودك يامدربنا الفاشل.

•

ياخي وضح ذا النقطه !!

قعدت أقرا فيها 20 مرة ولا فهمت شي

ياناس ياعالم المدرب جديد وشفيكم

مباراة الوحده شفنا انضباط في الوسط لم نرى اللاعبين بهذا الانضباط من زمن

بالعكس اشوف كندينو يسير بشكل رائع والله يوفقه

بالنسبه لعزيز بالعكس قدم مستوى حلو في الظهير بس اكيد مركزه المحور ويبدع فيه اكثر

البرقان امس قدم وحده من اروع المباريات وحرام نجحده

الفريق امس قدم مباراة تكتيكيه رائعه

فريق باكيتا الرائع اخوي صحيح كنا نفوز مع باكيتا بس بالنتيجه المستوى ما فيه امل اعتقد ما يمديك تنسى يكفيك نهائي كاس الامير فيصل لا تقولي اول مباره لباكيتا انا ما اقول باكيتا غير جيد بالعكس واتوقع ينجح في المنتخب اكثر من الهلال بس مع كندنيو صدقني الهلال غير مباره الذهاب افضل مباره من ناحيه التكتيك طوال الموسم اتوقع كاندنيو مع الهلال بيسوي الهوايل والايام بيننا بس من هنا الين هناك اتمنى من المشرفين حذف المواضيع المسيئه لكندنيو هذي ليس حريه راي يجب ان يكون هناك انصاف وراي فني مو سواليف الكلام الاخير مو موجه لموضوعك بس للجميع

كلامك سليم من ناحيه تفاري وكماتشو

اما من ناحيه باكيتا وكندينيو انا اخالفك

وانشاء الكاس والدوري للهلال