الـــشاعــر ( أبو زياد ) يزف الزعماء الى النهائي بقصيدة رائعة ويقصف أعداء الزعامة شاعرنا الكبير ( أبو زياد ) عودنا دائما أن يكون مع الحدث أولا بأول ؛ وأبى الا أن يزف الأبطال الى النهائي الغالي بقصيدة رائعة لخّص فيها كذلك الأحداث السابقة ورمى بسهام القصيد الزرقاء كل من يحاول أن ينال من كيان الزعماء الرفيع ..... الـكـاس بـِيـد الـذَّيـب [poem font="Simplified Arabic,5,,normal,normal" bkcolor="transparent" bkimage="" border="none,6," type=0 line=0 align=center use=ex num="0,black"] صَفْحَه جديده للقلوب السَّعيدِه =الـلِّـي نِبَـتْ فيها الهلال السِّماوي فـي تـُرْبِـةٍ حُــرِّه ورُوحٍ جــديـــدِه=تـَنْـثُر عـلـى كَــفَّ الـثَّــريَّا تِـقَاوِي صَـرْحَ الـفَخَر والـعِز رَبـِّه يــزيـدِه=بَاصْعَب مـيَادينِه بـِعيد الـهـقاوي ابِـن سِعيدَ اْنَشا َبِقَلْبه قصيــدِه=بـالسَّـاحِـةَ الزَّرْقـا مـنَ اوَّل هَـواوي عـايـَش جماهيرٍ هـواهـا رِصـيـدِه=واَظْـهَـر نـجومٍ شـرِّفَـتْ كـل رَاوي جِـيـلٍ وَرا جـيـلٍ وسِيره حـمـيـدِه=من هِمِّةَ اعْضَاء الشَّرَف صار قاوي مانِحصِيَ اعْدَاد القلوب الـرِّشيـدِه=حـتـى رُمُـوز اهْـلَ الـبـَلَد بـالحَـراوي هـذا هِـلال الـعِـز والمـجدِ بـيـــدِه=غَصْبٍ على من عاش لاَجْلَ المِساوي حُبَّ المنَصَّات الـشَّهـيره عـقـيـدِه=بـالـنِّيـِّةَ الـزِّيـنـه بـقَـلْـبٍ رِجــاوي تَابَـع مـِسـيره بـالـعُروض الفريـدِه=فُـوِزه عـلـى الوحـده بـَداره يـِساوي رَغْــمَ التّــحِزِّب من جِهاتٍ عديـدِه=واَهْـلَ الـفَـشَل كِلٍّ بصُوته يــَواوي من كل جِانب يِحـْكِمُون المـكـيـدِه=وهــو يِحَــلــقِّ بــالخـضِيـرا نـِداوي حـيـاتــهــم قـِدَّام عِـزِّه زهــيــدِه=عـاشوا على تَنْظِيم بَلْوَى الـبَـلاوي والـيـوم يـَاهْلَ الـمُنْـتَدى والجريـدِه=هِــلالـِـنــا بـَـدْرٍ بمَــجْـده رَهـــاوي في ظلِّ من خُطْوَةْ مسيرهِ سـديـدِه=مْـحَمَّدَ الفِيصل قِليل الـشِّـكاوي اُبُـوه فـيصل والرِّياضه شـهـيـدِه=الـلـِّي بـدَعْـمِـه سـاعِـةٍ مـايـِراوي يـَبْـذِل ملايـِيـنـه على مـايــريـِـدِه=عِـزَّ الـهلال القَصْد ماهـو مَـنـاوي أُسْـرَةْ هِـلال المَجْد عندي نشـيــدِه=لاَجْلَ الإِدَاره والشَّرَف صِـرت هـَـاوي جمهورنا ومْشَاهَدَ الكاس عِـيــدِه=مـن كَـفِّ سُلطان القلوب المـداوي الـكاس بِيدَ الذِّيب مـاهي بعيـــدِه=الحُـب سَيـِّد واَسْوَدَ الـقلب ثـــاوي[/poem] أبـو زيـاد _ عـنـيـزه 8/1/1427هـ |
رَغْمَ التّحِزِّب مـن جِهـاتٍ عديـدِه - واَهْلَ الفَشَل كِـلٍّ بصُوتـه يَـواوي من كل جِانـب يِحْكِمُـون المكيـدِه - وهـو يِحَلـقِّ بالـخـضِيـرا نِــداوي يا سلاااام صح لسانه شكرًا لك اخوي F.M |
.. صـح لسـانك ولـسانه :D .. |
قصيده رائعه ,,, وصح لسانك |
هـذا هِـلال العِـز والمجـدِ بيـدِه = غَصْبٍ على من عاش لاَجْلَ المِساوي حُـبَّ المنَصَّـات الشَّهيـره عقيـدِه = بالنِّيِّـةَ الزِّينـه بقَـلْــبٍ رِجــاوي صح لسانه مليوووون والله اشكرك يالغالي على النقل والله يعطيك العافيه يارب الله يوفق الزعيم ان شاءالله سلاااااااااااااااااااام |
صح لساااانك قصيده جدا رائعه |
صح لسانه مليوووون ولا يوفون تحياتي |
صح لسانك والف شكر على القصيدة الرائعة |
صح لسانه ... ومشكوووووووور على النقل ... |
صح لسان ابو زياد مشكووووور اخوي fm |
صح لسانك يا بو سهيل :) قصدي يابو زياد :) |
ياشيخ ولا المغيولي الله يرحمه على هالنظم والدقة في الوصف وجزالة المعاني صح لسانك .. وبيّض الله وجهك .. وليتك تعطي العندليب يغني لك ;) |
صح لسانك يابو زياد وعاد نبي قصيده بعد الفوز بالكأس انشاء الله |
مبدع والله إنك مبدع وقصيدة رائعة جدا جدا |
صح لسانك اخي ابو زياد 1000 مبروك النهائي وعقبال الكاس بأذن الله |
الوقت المعتمد في المنتدى بتوقيت جرينتش +3.
الوقت الان » 06:17 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd