<<<< هذا المستخدم غير موجود مؤقتاَ مغمى عليه من الفرحه


الهلالي ابوسارة يعود لكم من جديد .. وألف ألف ألف مبرووووك لكل من قال انا هلالي.

اللهم لك الحمد على نعمة الهلال .. نجوم في كل مركز .. أنصار في كل مكاااان ..

نهائيات متواليه .. كؤؤس لا تتوقف وفوق هذا كله ، رئيس لا مثيل له.. بالعربي:-

هذا الزعيم كالقطار الذي لايوجد به فرامل ----> توصيف عربجي


اللهم لك الحمد والشكر أنك عندما ابتليتنا بالتشجيع وحب الكرة .. ألهمتنا تشجيع الهلال وأبعدتنا عن أمراض السكر والظغط;) .. فاللهم لك الحمد وأدمها نعمة واحفظها من الزوال .

------------------------



المباراة :-

بدأت وانا خائف .. أعرف ان الفريق تعرض لهزة في الاسبوع الماضي:

نتيجه غير مطمئنه وتلويح بالاستقاله من ابوسلطان كانت كفيله أن تلحس مخي لمدة 48 ساعه متواصله فكيف باللاعبين ..

بدأت المباراة .. كان الهلال متحكماَ بها .. لم يسمح للوحداويين أن يدخلوا جو المباراة .

سيطروا .. ناوشوا .. وحتى أتى الهدف الأول الذي كان قصه لوحده ..

كماتشو بتمريرة ساحره يهدي كرة من طبق على ذهب لياسر وكأنه يقول:

خذ ياقناص وسجل وسلمني على ابوسارة اللي مستقعد لي من بداية الموسم :p ..

ياسر القحطاني بتحضين وثم كنترول وثم تنشين وتسديد في المرمى .. هدف لا أبالغ إن قلت:/

لايفعله حالياَ في ملاعبنا حالياَ إالا ياسر .. هدف مليء بالمهارات الكروية الرفيعه .

حاول الوحداويين بعدها الانتفاض على الهلال .. ولكن الجنرال تفاريس ورفاقه قالوا:

تبطون عظم يا حلوين:p . -----> وش هالدفاع الزاحف


انتهى الشوط الأول ولم نرى الشلهوب الذي يمر بظروف خاصه حجبت مستواه المعهود .

بدأ الشوط الثاني.. هاجم الوحداويين ولكن من سوء حظهم أن تفاريس والمفرج كانوا في يومهم..

الخثران كان متجلياَ بشكل جيد ... أما عزيز فـ جعلني أقول: ليت من يستنسخك مرتين: عزيز الظهير وعزيز المحور .

دخل التمياط بديلا للشلهوب.. وللحق فالتمياط في كل مباراة يتصاعد مستواه بشكل مبهر .. وبهذه المناسبه أحب أقول: تطمنوا نواف هلالي بإذن الله;) -----> قل قسم

المباراة تلفظ أنفاسها الاخيره والجمهور الأزرق يستعد للفرح ولكن حدث مالم يكن في الحسبان ..

مارسيلو بن كماتشو كان حالف إلا يحرج أبو سارة مع قراائه .. سدد فاول لم يراه عساف الا وهو يعسف شباكه عسفا فجعله معفوساَ لا حول له ولاقوة :p -----> يااخي من درسك تعبير؟

انتهت المباراة .. انتشى الجمهور .. وابتسم ابوسلطان واللاعبين .. وأعلنها الزعيم قائلاَ:

لو تحطون نهائي على قوطي صلصله .. لاعبه يعني لاعبه الله لايعوق بـ شر ----> مخربها الزعيم هاليومين


-----------------------------

هلاليات ابوسارة:-


** جمهور الغربيه أحرجني أنا وربعي أهل الرياض .. ليش كذا يا جمهور الغربيه ما اتفقنا..

أغضبنا أبو سلطان وراضيتوه أنتم .. يعني محد أحسن من حد ----> يحاول يقط معكم باللي هو به

ألف ألف ألف شكر لكم ماقصرتوا يا اهل الحجاز العزيز.



** في مباريات الاتحاد أو الأاهلي في الرياض لم نشاهدهم يملأون الملز أو حتى 10% من مقاعد استاد الملك فهد ..

لكن جمهور الهلال ( ترس ) ملعب جده أكثر من مرة .. واليوم في ملعب الشرائع ماتركوا فيه موطئ قدم .

بعد كل هذا .. من الشعبيه الأولى له يا إعلام الغفله؟ -----> للانصار .. عندك مانع



** لم أشاهد ملعب الشرائع ممتلأ عن آخره الا مرتين فقط:

في نهائي بطولة التضامن .. وفي مباراة اليوم ..

وفي كلا المباراتين كان القحطاني صاحب البصمه المميزه .. أقترح عليهم يغيرون اسمه إلى ملعب القناص أصرف من الشرائع



** مارسيلو يا ولد كماتشو من اللي ترجم لك مقالاتي ؟ من اللي علمك إني جالس ورى الكيبورد وأحشك ؟ ياالحبيب آسف والله ما اتعودها .. ألقمتني حجرا يارجل .. وآه ما أجمله من حجر..

صنع هدف وسجل الثاني وقال قولوا لأبوسارة ينثبر لا يجيه أكثر:p ---> ياخي منيب منثبر أبي مليون حجر من هالنوعيه;)


** كماتشو.. وش رايكم نغير اسمه الى: المنجنيق؟ يستاهل ابو الكمتش ..


** تفاريس أعتبر مباراة اليوم هي بداية الموسم لك ..والمفرج أفضل ما في المباراة ..

أعجبني التحول في مستوى البرقان والغنام .. وسلموني عليكم يا الهلاليه


** سادس نهائي أو خامس نهائي مدري ؟ بطولاتنا هل هي تجاوزت الاربعين أم الخمسين ؟ صدقوني هالهلال أتعبني وانا أحسب انجازاته..الله يرجك يا زعيم أتعبتنا في العد يبي لنا آلة حاسبه:p :p


** لا جديد.. الازرق حديد .. ويا حسود ألعب بعيد ... دربد دربد دديييييد;) -----> من الفرحه قام يشربك


**تدرون ليش القطوة تركض بسرعه ؟ سامعه ان المولد والمنتشري جايين مع يوردانيسكو للمباراة.. خافت يجيها انبراش يقطع ذنبها


-----------------------------

ترنيمه:-



يقول ابوسارة فراقك مصيبه .. قولوا لابوسلطان انا صرت محتاس

طاري الفراق ارجوك لا لاتجيبه .. عز الله انه صابني منه هوجااس

جمهور االازرق والله انك حبيبه .. يفداك ابوثامر وابو (جدر ملاّس ))

" الياقوت هو اللي قال جدر وملاس على فكره "



-------------------------


مسج اليوم :


دق جوالي نغمة رساله .. فتحتها وقريت الآتي :

أبو سارة تراك أبلشتني بالنقد .. استقعدت لي لين قلت بس .. كأني قاتل أبو جيرانكم ..

تمريرتي لياسر هديه لك وفوقها الفاول وأرجوك لا تتعودها ترى بأتوطااك وسط استراحتكم..

المرسل: مارسيلو آل كماتشو المنجنيقي

---------------------

قفله:


كلام نهائي .. هاتوا النهائي;) -----> الهلال اللي يتكلم مو أنا:p


آسف للاطاله وذيس اس ظغطه على نشر الموضوع .. تشاااو