05/02/2006, 03:04 PM
|
| زعيــم نشيــط | | تاريخ التسجيل: 11/04/2005
مشاركات: 539
| |
قصيده مني اهداء للامير محمد بن فيصل
هذي قصيده كتبتها في الامير محمد بن فيصل بعد قراره ترك الرئاسه نهاية الموسم
واتمنى من قلبي انها توصله
قريت حروف ابن فيصل وشبت فالضماير نار ..... وثارت فيني ابياتي ونزفت حروف مرعوبه
وسرح فكري يجي ساعه مابين مصدق ومحتار ..... على كلمة ولد فيصل سرجت خيول مركوبه
كتبت حروفي بدمي محملها عتب واعذار ..... بوصلها ياكود البيت يوفّي شرحه اسلوبــه
ألا ياشيخـنـا محمد ألا يـاعزنا المدرار ..... ألا يامطوع العسرات حقيقه ماهي أكذوبه
نخيتك لاتخليـنا وترمينا بزمـن غـدار ..... نخيتـك لاتفارقنا وتطفي نـار مشبـوبه
نخيتك وأدري اني لانخيتك جيتني مطيـار ..... لانك شيـخ والشيخـه على يمنـاك منصوبه
طلبتك لاترد اللي يشوفك هيبه ومقدار ..... يشوفك عز وابن اعزاز وغير صار لعبـوبه
ألا يامحمد بكلمة جعلت قواي بي تنهار ..... ترى كلمة فمان اللـه منك عندي أعجـوبه
وغيرك لو يفـارقني ويصير الذيب ولد حوار ..... قسم بالله ما رده واشبه ثوبي بثوبـه
لانك باختصار اغلا بطولة مالها تكرار ..... يدور الوقت وأفعالك على الباقين محسوبـه
قسم باللي خلق آدم وسامع ماتقول أسرار ..... انك في صميم الذات من شرقه الى غروبه
وجودك فالهلال ادعى قلوب البايده تغتار ..... وصاروا في بقاك اشبه شبيه ديار منكوبه
طلبتك ياولد فيصـل واعيّدها عليك امرار ..... طلبتك لاتخلينا وتطـفي نار مشبوبه
تراك ألنا وحنا لك كما بيتـ(ن) عليه اسوار ..... يطوق حبك جيوشـ(ن) على شرواك مرغوبه
وجتك حروفي يامحمد عساها بيننا تذكار ..... عساها ترضي الخاطر وتصير اقهوتي مشروبه
وانا والله عجزت القى قصيدة توفي الاحرار ..... لان الشعر فمثالك يزيده طيب وعذوبه |
الوضع العادي
