#1  
قديم 05/02/2006, 06:13 PM
زعيــم نشيــط
تاريخ التسجيل: 31/07/2005
المكان: ميــت علــى قيـــد الحيـــاة
مشاركات: 910
أبوسلطاااان: (أذكروا لي شـيء واحــد يستحق أقعد عشـانه)؟؟

السلام عليكم ورحمة الله وبركاته













في البدايه أحب أهنيكم على مباراه الوحده اللي فزنا فيها والف مبروك وعقبال الكأس أنشاء الله..
ثانيا:موضوعي هذا بكلم فيه الجمهور وخاصه جمهور الرياض اللي بس يتشرط من وراء الشاشات ويحضر وينقد بالمقاهي..


يعني والله العظيم أبوسلطان ماقصر في شيء كل شيء نبغاه عطانا إياه وجابه لنا وأخرهم جيوفاني ماقصر في شيء أبد وكل هذا ويجي جمهور الرياض المفهي ويطير أبوسلطان من منصبه لايطلع واحد ويقول ماطيرناه الاطيرتوه ونص والدليل أن أبوسلطان كتب موضوع كامل فيكم ياجمهور الرياض ونزله..
.
.
شي يقهر اللي ماينقهر مباريات الهلال خارج أرضه تجد المدرجات تمتلى عن بكره أبيها قبل المغرب ومدرجات الرياض واللي فيها مبارايات الهلال الحاسمه خاويه على عروشها..
.
.
سؤال واحـــــــــــــد بسأله ليش ياجمهور الرياض كل هذا؟؟
يعني مليتو من الهلال والا مليتو من البطولات والا أسلوب نبغى اللاعب الفلاني يلعب عشان نحضر؟؟
وش علتكم وش اللي مانعكم من الحضور من بدايه الموسم وأنتم أعذار في أعذار وهالحين وش عذركم؟؟
.
.
أبوسلطان في كذا مناسبه يوجد لكم الاعذار وينتضر ولكن لاحياه لمن تنادي كذا مره لمح وقال جمهور الهلال خارج الرياض يوسع الصدر وأنتم صم بكم..
.
.
هالحين يعني عجبكم الوضع يوم أبوسلطان قاطع وأستقال؟؟
هالحين أرتحتوا يعني مدرب عالمي ولاعبيين دوليين ويصرف عليهم أموال طائله لاعب عالمي أداره تتحمل كل اللي قاعد يصير لها من الفريق الخماسي لأجل عيونكم طيب وأنتم وين؟؟وين مكانكم المقاهي؟؟
.
.
فرق السماء عن الارض بين فريق يحقق كل بطولات الموسم الماضي المحليه ويحصد أول البطولات الموسميه ويلعب على نصف نهائي الكأس الثاني وينافس على الصداره في الدوري وجمهوره ولاشيء في الحضور لكن ممتازين في النقد والطلب والاخذ..
وبين جمهور له سنوات ماحقق بطولات ومدربين رايحين جايين على النادي وأدارات مثلها ولاعبيين أجانب هدايا ومقالب ومصابيين ولاعبيين محليين غير قادرين على الركض وينافسون على الهبوط وجماهيرهم توسع الصدر وتملى المدرجات........
.
.
يزعل جمهور الهلال لما يسمع عن تصويت لأفضل شعبيه بأعتبار المنافسه محسومه له بشعبيته الجارفه طيب وين الجوارف..وين الشعب الهلالي..>>>>في المقاهي والقنوات المشفره..
.
.
وش اللي يصبر أبو سلطان بعد هذا أسألك بالله يامن تقراء لو كنت محله هل سترضى وتصبر..
تعمل وتتحمل الاذى وتترك دراستك وتحضر وتقطع أجازتك وتدعم وتنفق وبعدها تبغى الجمهور اللي تعمل علشانه تلقاه نايم في العسل والا في المقاهي..والله لو كنت محله ماأصبر ولادقيقه وأحمدوا ربكم اللي بيقعد الا نهايه الموسم..
.
.
في النهايه ياجمهور الهلال:
معانا فرصه الى نهايه الموسم لتحسين الصوره أحضروا وساندوا وشجعوا وأزروا فريقكم يمكن أبوسلطان لما يشوفكم يعدل عن رأيه ويرجع ويمكن تأثير الرقم الاصعب في تاريخ الزعيم يجبر أبوسلطان على البقاء لالشيء ولكن من أجل الزعيــم وعشاقه الاوفياء..
يلاااااا ياجمهور الهلال:
يالشعب الهلالي ســاندوا وأحضروا فرحيل أبوسلطان بين أيديكم فماذا أنتم فاعلون؟؟؟




( الغالي أبوسلطان)
شكــــــرا يالغالي على كل ماقدمت وستظل تقدمه لكن تكفى يالغالي لاتفكر بالرحيل الا بعد نهايه الاربع سنوات تكفى لاتقاطع المبارايات وأحضر فحضورك هو المهــــــــــــم والاهم يالغالي..
صدقني يابوسلطان أن أستقالتك كانت قرصه أذن لجمهور الهلال اللي بتشوفه وشلون يشجع ويأزر الفريق في القادم القريب وصدقني أن برحيلك سوف ترحل الجماهير فعلياً عن الملاعب وسوف تعود المدرجات لسابق عهدها..
.
.
وأذا أنت زعلان على جمهور الرياض زي ماقلت طالب بنقل المبارايات حقت الهلال خارج الرياض وبتشوف الجمهور الحقيقي والا أطلب من الرعايه تنقل أحدى النهائيات خارج الرياض عشان جمهور الرياض يعرف أنك عاتب وزعلان عليهم..
.
.
أبـــــــــــــــــــو سلطـــــــــــــــــــان لاترحل فالزعيـــــم لم يتعود على ضيـــاع البطولات من بين يديه وعدم عودتها للأبد وأنـــــــــــت البطوله الأعظــــــــــم..

جمهور الرياااااااااااااااااااااض
لاتزعلون علي لكن من جد تضيقون الخاطر بحضوركم وأنا لما شفت الجمهورالقليل اللي حاضر قلت خساره الفوز فينا..
.
.
اللي حضروا وساندوا وشجعوا شكرا من القلب واذا بيجلس أبوسلطان بيجلس عشان باقي جمهور وفي للهلال هو أنتــــــــــــــــــــــــــــــــم..
.
.
تقبلوا خالص تحياتي
أخوكم..
هلالي جبلاوي
اضافة رد مع اقتباس
  #2  
قديم 05/02/2006, 10:23 PM
زعيــم مميــز
تاريخ التسجيل: 22/09/2005
المكان: مملكة الهلال
مشاركات: 2,849
كلام جميل جدا جدا والله يعطيك العافيه وكلامك كله صحيح لكن لاحياة لمن تنادي

واتمنى ان تتحسن الصوره في المباريات القادمة
اضافة رد مع اقتباس
  #3  
قديم 05/02/2006, 10:58 PM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
يعطيك العافيه
اضافة رد مع اقتباس
  #4  
قديم 05/02/2006, 11:05 PM
زعيــم نشيــط
تاريخ التسجيل: 20/09/2005
المكان: أستاد الملك فهد
مشاركات: 628
اي الشرهه عليكم لو الحريم يدخلون الملعب كان مليييييييييييييييييييييييييييييييييييييييييييييييييييييييته
اضافة رد مع اقتباس
  #5  
قديم 05/02/2006, 11:06 PM
زعيــم نشيــط
تاريخ التسجيل: 20/09/2005
المكان: أستاد الملك فهد
مشاركات: 628
وشكرا لي لمساندتي لزعيمنا وفي كل مباراة ينبح صوتي من الصراخ والتشجيع ولو انو من صالة بيتنا
اضافة رد مع اقتباس
  #6  
قديم 05/02/2006, 11:53 PM
زعيــم نشيــط
تاريخ التسجيل: 26/10/2005
المكان: الريــــــــــــاض
مشاركات: 824
يعطيك العافيه

كلام جميل وكبير وحلـــــــــــــــــــــــــــــــــــــــــــــــــــــــــــــو

شفت جماهير الأهلي

هذا وهم لهم سنين ما أخذوا بطوله

والله لا يلام ابو سلطان

شكـــــــــــــــــــــــــــــــــــــــــــــــــــــــــــــــرا
اضافة رد مع اقتباس
  #7  
قديم 06/02/2006, 01:34 AM
زعيــم نشيــط
تاريخ التسجيل: 31/07/2005
المكان: ميــت علــى قيـــد الحيـــاة
مشاركات: 910
مشكورين على المرور وعواااااااااااااافي
اضافة رد مع اقتباس
  #8  
قديم 06/02/2006, 06:28 PM
زعيــم نشيــط
تاريخ التسجيل: 31/07/2005
المكان: ميــت علــى قيـــد الحيـــاة
مشاركات: 910
وشكرا لي لمساندتي لزعيمنا وفي كل مباراة ينبح صوتي من الصراخ والتشجيع ولو انو من صالة بيتنا


عوااافي على الصراخ بس انتبهي لاتتقطع احبالك الصوتيه ومانلقى من يصارخ بصالات البيوت هههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:06 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube