جدار الطين : هلا وغلا بك .. شاكر لك مديحك يالغالي وهذا والله من ذوقك ..
يوم بعد يوم يثبتون هم وبالدليل القاطع تميز سامي وتفوقه وهم لا يشعرون .. هم يتجاهلون جميع اللاعبين في المنتخب الوطني ويتجهون لسامي وحده .. وهذا دليل منهم ان ( ما أحد غير سامي ينشره عليه) .. اما البقية فما عليهم شرهه !!
تحياتي لك ..
@@
Hilali From Canada : هلا بك يا مبدع .. حقيقة اعجبني موضوعك ( سامي والحلم العالمي ) .. موضوع ممتع وطريف وقبل كل شئ (هادف) .. ولي عودة للرد عليه باذن الله ..
صدقت والله في ايران لعب منتخبنا باعصاب هادئة .. وروح عالية .. على العكس عندما كان في ايران .. والسبب (صباح) حسبي الله عليها
تحياتي لك ..
@@@
عيون الصقر: هلا ومسهلا بك .. ياغالي المدمي كما قلت انت ان يأتي هلالي ليستكثر الدفاع والذود عن سامي .. بل ان البعض يقولها صريحة ( ازعجتونا بسامي) .. بل تجده يوجه النقد لنا تاركاً انتقاد من يستحق الانتقاد ..
والله يسمع منك .. ويشفي والدين سامي ان شاء الله ..
@@@
3boud: هلا بك ... والله وانا اخوك الغربان هم اللي ازعجونا بارائهم الغبية في سامي ..
تحياتي لك ..
@@@
نجم الصبح : هلا بك .. والله ياغالي انا ما اقصد شخص بعينه في كلامي .. انا اتكلم بشكل عام ..
امر اخر .. هو بعض الاعضاء الذين يغضبون من قراءة مواضيع الدفاع عن سامي وعن لاعبي الهلال .. أسالهم ما سبب وجودكم هنا أذن .. ؟؟
عموما اتمنى ياغالي وانت تعترف بكل شجاعة بانك مقصر بالدفاع عن سامي ان تتحفنا بموضوع ولك جزيل الشكر ..
=== ملاحظة====
هذا مثال بسيط يا عزيزي .. وازيدك من الشعر بيت .. قبل لقاء قطر الودي كان سامي في مستشفى دله من بعد العصر الى قبل اللقاء بقليل بسبب اصابة في ظهره .. لذلك غاب عن اللقاء .. ولكن (المرجفون) كان لهم رأي اخر .. فهو في نظرهم كان موقوف !!! ولا ادري كيف تستطيع ادارة المنتخب ايقاف اللاعب الواسطة ... حتى عندما يكذبون يفضحون التناقض في تفكيرهم !!
@@@
السيف الازرق : الله يرضى عليك ويبارك فيك .. ومشكور ياغالي ..
@@@
الاولاني : هلا بك ياغالي ..
سامي أكثر لاعب يستطيع ان يغير نتيجة المباراة .. وازيدك من الشعر بيت .. سامي خلال مشواره مع الهلال .. لم يخسر الهلال الا في 10 لقاءات ((تقريباً)) كان لسامي فرصة التسجيل فيها .. عاد تلك المباريات العشر .. كان سامي يسجل ليفوز الهلال .. وهذي نقطة مهمة ... عمر اهداف سامي ما كانت هامشية ... وعمرنا ما طلعنا من الملعب والهلال مهزوم و نقول (اهم شئ سامي سجل) .. سامي يسجل يعني الهلال يفوز .. واهداف سامي عمرها ما كانت هامشية بل اهداف حسم وتأهيل وبطولات ..
بالنسبة للمنتدى .. صدقت ..
ولا سمعنا منتدى خميس العويران في فترة المطالبة برفع الايقاف عنه .. ولا منتدى ارثر قبل اسبوعين ..
انت تقول (( والغريب ان من يطالب بايقاف الكتابة عن سامي تجد نصف مشاركاته عن سامي اما ضد سامي او يطالب بتوقف الكتابة عنه
طيب ابدأ بنفسك اولا ))
ياسلام عليك .. هذا يكفي ..
بالنسبة للاتصال .. خلها للظروف
.. صراحة هي على حسب عدد الزربات الركنية اذا هي واجده الواحد اقلها يتصل يهنئ مدني رحيمي
@@@
أبوذكرى : انعم الله عليك هههههههههههههههههه
من ينتقد سامي ويقلل منه وينزعج بسبب دفاعنا عنه يجعلنا نفكر الف مرة .. كيف ممكن يكون هلالي ... للجميع الحق في نقد سامي نقد موضوعي وهادف .. ولكن ما نقرأه شئ اقل ما يقال عنه انه ( قله حياء ) ..
تحياتي لك ..
ايه بالنسبة للي نفذ التهديد .. هذا (سوس) ينخر في جسد المنتدى .. نسأل الله العلي القدير ان يصلحه ويخلي مواضيعنا بدون حذف وتعديل
@@@
جنتل مان : هلا بك ياغالي ..
عزيزي .. اذا كنا نعرف ان سامي يتعرض لحملات هوجاء أليس من الواجب عن منتدى الزعيم الدفاع عنه ؟؟ ..حتى ولو اصبح المنتدى منتدى سامي ماذا يضر .. أليس هذا احد اهداف المنتدى ؟؟
اتذكر بعد قرار ايقاف الثنيان الصفحة الاولى حتى المواضيع الاخبارية كانت عن الثنيان وهذا شئ طبيعي وواجب علينا .. والسؤال هل خرج من قال (منتدى الثنيان) !!؟؟ ..
عزيزي .. شبكة الزعيم ومنتدياتها لم ولن تكون لنجم معين .. هي للهلال ولكل هلالي ..
بالنسبة للي على قولتك يبي الشهرة وينزل صورة لسامي .. عزيزي .. فيه اعضاء ما يمتلكون القدرة على الكتابة .. فتجدهم يبدعون بنشر الصور للنجوم وهذا حق من حقوقهم .. بالعكس والله احيانا نشوف ابداعات بالفلاشات والصور انها تغني عن 100 موضوع..
اخر نقطة (الحالمي) والله وانا اخوك اني ما ازور ذاك المنتدى الا نادراً وبسبب لنكات تصلني على الايميل فاذهب واقرأ واتحمد ربي .. بالنسبة للنك اللتي تقول والله ماهو عندي ياغالي .. ولا تتعب نفسك بخرابيطهم اعتقد اننا قلنا اللي فيه الكفاية عنهم ..
تحياتي لك ..
@@@
هزيم الرعد : هلا وغلا .. شاكر لك وما قصرت
@@@
مخاوي البطولات: هلا والله تو ما اسفرت وانورت .. وتسلم على هالمشاركة .. وبعدين وينك غاطس ماعاد قرينا لك شئ ؟؟
@@@
الغريب : هلا بك يا محللنا .. تراك موفر علينا جهد ومتابعه تحاليل المباريات بالصحف ..
والله بالعكس ما عصبت ولا هم يحزنون بس كتبت وانا متحمس شوي ..
@@@
الجن الازرق : هلا بك .. وجعلك تسلم يالغالي .. سامي يستحق ويستحق ويستحق اكثر من ما نكتب ..
تحياتي لك والله يشفي والديه ان شاء الله ..
@@@
الكف الازرق : الله يعافيك ويسلمك ياغالي ..
@@@
العالمي : هلا .. ما ادري نقول الحمد لله على السلامة والا بعد راعي طويلة
ياغالي المسألة ماهي مسألة (ابوهيا) المسألة وما فيها .. اذا عضو تعب وسجل هنا .. وبالاخير يمحط لي عشرين موضوع كلها نقد وشكاوي على المنتدى والمشرفين !!
زي ما قال الغريب ( وش حارق رزكم) .. لا تسجلون ولا تكتبون وخلونا ناخذ راحتنا ..
تحياتي لك ..
@@@
طلال : هلا ابو فيصل .. اسعد الله ايامك بكل خير .. والله سامي يستاهل نستاجر (الياهو) 99 سنة ونخليها عن سامي بس .. بالنسبة لموضوعك عن المحنط وسامي رائع ورد جميل على ابو الشباب ...!
والكتابة عن سامي في هذا الوقت بالذات واجبة علينا ... لان اللي يتعرض له سامي ماهو قليل ..
تحياتي لك ..
@@@
الذيب الازرق : هلا وغلا .. تسلم لي ..
@@@
أبو بدر : هلا والله بشايبنا وخبرة منتدانا
..
- الهجوم على سامي ليس له ما يبرره لذا تجد ان الظروف تختلف ويبقى الحال كما هو عليه .. فالهجوم على سامي مستمر حتى ولو غادر الملاعب وتذكر كلامي ..
- نقطة جيدة .. فنحن فعلاً انشغلنا بالمنتخب وهو واجب علينا .. فخلى الجوء للجهلة لبث سمومها ..
- من اروع النقاط .. انت تقول (( بشكل عام يعجبني أن يتوازع الأعضاء مهام الكتابة في هذا المنتدى فواحد يدافع والثاني يهاجم وثالث ينتقد بلين ورابع ينتقد بعنف وخامس إخباري وسادس فلاشي وسابع شاعر وثامن كاريكاتيري وهكذا ويصعب على كاتب أن يجمعها كلها أو جلها مهما بلغ إبداعاً ))
من الصعب جداً ان تجد منتدى يحتوي مثل هذة هذة النوعية من الكتابات والكتاب .. فما بالك بصعوبه اجتماعها في شخص واحد .. ولكن في منتدى الزعيم محظوظون بتواجد الكثير والكثير من المبدعين وفي مختلف الاتجاهات ..
- الدور القادم سيكون على من يعطي الهلال باخلاص وتفاني .. من يحترق من اجل جمهور الهلال .. ليس شرط ان يكون مهاري ومبدع .. الشرط الاساسي هو ((الاخلاص)) للهلال ..
- بالنسبة للابيات ما ودي اعلمك ..
.. بس يالله بالنسبة لـ ( يقولون الذي كاره ....) بيت سرقته من قصيدة للامير المبدع بدر بن عبدالمحسن ..
اما ( بعض الجروح ان جاء من اغراب عادي @@ الجرح موت الجرح لاجاء من احباب ) .. والله ما اذكر اسم الشاعر بس ابشر به .. اجيبه لك .. وبعدين مر على منتديات الشعر تلقى اشياء حلوة .. والمجال مفتوح للطش
تحياتي لك ..
@@@
اســ الهلال ــير: هلا بك وتسلم ياغالي ..
@@@
محمد المصربي : هلا وغلا .. ((((( سامي لاينقصه سوى ذرة من حظ وكثير من الانصاف )))))) صح كيبوردك والله
وشاكر لك ثناءك .. والله يبيض وجهك ..