#1  
قديم 05/02/2006, 03:43 PM
زعيــم نشيــط
تاريخ التسجيل: 28/09/2005
المكان: هولندا
مشاركات: 538
..:..لكــ يابو سلطانــ ...::..


هذه الأبيات لأعضاء المنتدى ....

قمت بترتيبها وتنظيمها واضافة بعض الابيات لها ...

لتصبح قصيدة جاهزة لإهدائها لأبو سلطان ....

( سمو الأمير محمد بن فيصل )




يالحر ياللي له مضارب عطيـبة *** لك التحية ياسمي خيـرة الناس

المرجـلـــة والطيب ماهـي غريـبة ***وحنا معك يا ابيض الفعل والساس

مواقفك يابن فيصل ماهي غريبة*** علم ورثته من الساس للراس

طلبتك يبو سلطان ولاهي صعيبه *** جانا الخبر مثل ضربة الفاس

جمهور الازرق بحاله مريبه *** ويصرخ تكفى يارئيس الالماس

فديتك لاتترك جمهوراً إنتا حبيبه *** وابشر بسعدك ياراعي القلب الحساس

إن رحت صدقني بنفقد الهيبة *** وحالنا من بعدك بيصير محتاس

تبي حضور ! تبي جماهيراً مهيبة ** عز الله مانردك ياحفيد أغلى الناس

تبي وقوفاً خلف فرقتنا الرهيبة ** ابشر بدعماً ماله حدود ومقياس ...

يابوسلطان انا اشهد ان افعالك عظيمة.....مثلك ترى نادراً بين كل الاجناس

القلب مايقوى مفارق حبيبه .. لا تطري الفرقى ترى صرت محتاس

طاري الفراق ارجوك لا لا تجيبه .. يفداك أبو ثامر وابو جدر ملاس

ابو سلطان انت بطولتنا الحبيبة*** اعزك ومقدارك على العين الراس

يا ذيب وش عليك من ناس قليلة*** انت اغلى من الذهب والالماس

والله ثم والله ثم والله انت اكبر بطوله **ترضى علينا ننحرم من رفعت الكاس

القلب والروح من بعدك سقيمه***هلال بلاك جسم بلا روح ينقاد للياس

قلبي توجع راح ينشد طبيبه ... قال : البلا قلبك يماريه وسواس

قلبك طعونه مثل طعن الحريبه ... يبي له مطوع ومن خيرة الناس

يقرا عليه يشوف وش ذالمصيبه ... الين يشفى قلبك اللي به افلاس

جيت للهلال بعد حاله صعيبه.... ورجعت له هيبته وبريق الماس

الطيّب اللي للعرب بان طيبه.... من يعرفه يبشر بعزٍ و نوماس

فرقاك يا زبن المجنّى مصيبه .... جعله فدا راسك رديٍ و بلاّس

من زعلك ياشيخ ربي حسيبه .... ياللي غلاك يزيد مع همس الانفاس

ياللي زعلت اليوم هذي ضريبه .... لا صرت من لبس الأجواد لباس

هذا هلالك عز نمره وذيبه ..... خلا حسودك في الهماليل غطاس

دنياك تاخذ كل شي(ن) تجيبه .... والقلب يكفخ لا نبت فيه الاحساس

ياللي عيوني من فراقه قريبه .... لا تطعن عروق الوصل يا اطيب الناس

هلالنا بوقتك عجزنا نعيبه ... وجيراننا مبطين ما شموا الكاس

انت اللي لانويت الكأس تجيبه .... انت معدنك نادر وألماس

أنت الأفضل بلا شك ولا ريبة.... لا تترك الساحة لبعض الأنجاس

ياللي تروم المجد باطرافه وتجيبه ... لاتولم الربطه قبل فلقه الراس

هلالنا سيل وحنا شعيبه ... والمطر كاس نكتم به انفاس

تراك أنتا دواء القلب وانتا طبيبه *** ارحم بحالي و ألطفه به عن الناس

قالوا : مصيبه ياكبرها من مصيبه *** خبر على قلبي سنني سن الامواس

قالوا : محمد بيستقيل بلحظه عصيبه *** وصفقت باليدين وامسكت بالراس

ترى المصيبه لارحلتوا مصيبه...ماله طعم في غيبتك رفعة الكاس

كاس البطوله باذن ربي نجيبه...بحضور جمهور ينومسك نوماس

يابو سلطان اطلب.... والله نجيبه ...... انت الحبيب وانت عالعين والراس

محمد بن فيصل ما هي غريبة000جدك وابوك الطيب لك ساس من ساس

نادي الهلال انت الدواء له وطيبه000دخلت به واصبح يباري على الكاس

مواقفك يا الشهم والله رهيبة000 عساك ما شاهدت سو(ن) ولا باس

واذا بتتركنا ترااكبر مصيبة000وبعدك بيلحقنا المرض معه وسواس

يا واحد(ن) كل النواد اتحكيبه000فعلك يشرف عل ما شفت الاتعاس

قراركم يا الشهم محد(ن) رضيبه000واذا طلعت اعلامنا شهر نكاس

يامير فرقاكم علينا صعيبة ...... ومن عقبكم والقلب بالحيل محتاس

إنهض بجنحانِ تهـز الخصيبـة ....ويطيح جدْرِ من رفيفك مع الساس

تشوف صيداتِ تشوقـك مهيبـه.... الحر مثلك بالسمينات لـه بـاس

تكفى يابن فيصل تراها صعيبـه ... الجوع شينِ والهلايـم للاتعـاس

الجرح شفيته وانت صرت طبيبه **** فديتك لا تخليه زي ما كان يئاس

فرقاك يانجل النشاما صعيبه***انت الذهب وانت الجواهر والالماس

ياسعد من مثلك وزيك نصيبه***لك منزل عالي على قمة الراس

هلالنا يطلبك ويطلبك ذيبه*** ويطلبك من يلعب وتطلبك حراس

تبقى بجنبه لاتفكر تسيبه***بس انت تبقى ما نبي ناخذالكاس

يمرض يابو سلطان وانته طبيبه***اليا دخلته تنجلي غيمة الباس

فرقاك يانجل النشاما صعيبه***انت الذهب وانت الجواهر والالماس

يابخت من مثلك وزيك نصيبه***لك منزل (ن ) عالي على قمة الراس

هلالنا يطلبك ويطلبك ذيبه***ويطلبك من يلعب وتطلبك حراس

تبقى بجنبه لاتفكر تسيبه***بس انت تبقى مانبي ناخذ الكاس

يالله يارحمن طلبناك الفرج تجيبه **** وتجعل ابو سلطان دايم لنا نبراس

الصقر نظرته في النايفات مصيبه**** يرقى بعلوم المرجله وهي له نوماس

وله في معادن الناس نظره لبيبه**** رافع نفسه عن دروب وهوى الادناس

والبطولات تجي له جيت خطيبه**** تزينت للفرح بازين واحلى الالباس

رحيلك عنا بلوى ومصيبه ------ والنادي من بعدك جسد بلا راس

انت ونعم والبلوي والخيبة ... بوجودك ياكثر مانرفع الكاس

ابو سلطان مايتخلى عن حبيبه ... بك الهلال مايعرف الياس
اضافة رد مع اقتباس
  #2  
قديم 05/02/2006, 03:45 PM
موقوف
تاريخ التسجيل: 08/09/2005
مشاركات: 172
صح لسانك
اضافة رد مع اقتباس
  #3  
قديم 05/02/2006, 05:49 PM
زعيــم مميــز
تاريخ التسجيل: 22/09/2005
المكان: مملكة الهلال
مشاركات: 2,849
صح لسااااااااااااانك والله ثم والله انها قووووووووويه وكل حرف فيها يعبر عن اللي بداخلنا واتمنى من كل قلبي انها توصل لابو سلطان باللي هي به

الله يعطيك العافيه اخوي والله ماقصرت وجبتها على الجرح
اضافة رد مع اقتباس
  #4  
قديم 05/02/2006, 06:09 PM
الصورة الرمزية الخاصة بـ عاشقه الزعيــم
زعيــم مميــز
تاريخ التسجيل: 21/07/2004
مشاركات: 12,730
صــح لســانك..

مشكور على القصيــدة الروعــه..
اضافة رد مع اقتباس
  #5  
قديم 05/02/2006, 11:37 PM
زعيــم نشيــط
تاريخ التسجيل: 28/09/2005
المكان: هولندا
مشاركات: 538
صح ابدانكم وللأمانه الأبيات هذي مكتوبه من اعضاء المنتدى

وانا مالي الا اخر بيتين فقط
اضافة رد مع اقتباس
  #6  
قديم 13/02/2006, 11:25 AM
زعيــم نشيــط
تاريخ التسجيل: 28/09/2005
المكان: هولندا
مشاركات: 538
يسلمكم ربي على المرووووووور حبايبي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:05 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube