لماذ1 محمد الدعيع يفعل هذ1 - نادي الهلال السعودي - شبكة الزعيم

الروماني · #1 04/02/2006, 03:37 PM

السلام عليكم ورحمة الله وبركاتة

سؤال يحيرني دائما لماذ1 الاخطبوط الدعيع اذ1 كان هناك ضربة جزاء يروح لزاوية اليسرى دائما
اتمنى من الاعضاء المتواجدين بالعاصمة تذكير محمد به النقطة حتى ان الاعبين عرفو اين محمد يسقط بأي اتجاة

alzaeem69 · #2 04/02/2006, 03:50 PM

والله صح وكمان من زمان الدعيع ما يسد بلنتي

هلالي بحرة · #3 04/02/2006, 03:55 PM

الدعيع من يوم انتقل للهلال ما صد ولا بنلتي وبعدين طلعاته اللي مالها لزوم وأخرها مباراة الوحدة في أخر دقيقة من المباراة

الأمل البعيد · #4 04/02/2006, 04:19 PM

الدعيع حارس القرن

ولكل لاعب غلطاات

ولكن يبقى

سيد الحراس

تحياتي

الروماني · #5 04/02/2006, 04:37 PM

مشكورين على المرور
ويااخي الامل البعيد الدعيع مايختلف علية اثنين بس الي اطلبة منكم يااعضاء المتواجدين بالعاصمة تذكيرة بان يغير الزاوية الي يتجة له

جحفاني · #6 04/02/2006, 04:43 PM

الله يهديك بس
هذاحارس القرن

المسك الذهبي · #7 04/02/2006, 04:43 PM

الدعيع اخطبوط اسيا وسيد الحراس وعميد لاعبين العالم والأكيد انه انسان والانسان لازم يغلط هو قدم اللي عليه وماقصر ونطمح للأفضل في المستقبل انشاء الله

@ابو مطلق@ · #8 04/02/2006, 04:45 PM

ياخي تذكر يوم صد البلنتي ذد الاتحاد عام 1420 شاته حمزه ادريس وصده وكانت المباراه في جده عشان ماتقولون ولاعمره صد بلنتي

الروماني · #9 04/02/2006, 04:46 PM

مشكورين على المرور
بس كم مرة اقول افهمو الي انا قايلة محمد ماغلط ومحمد لو دائم يغلط مارايح ينسنى ماسواة سواء مع الزعيم او المنتخب بعدين محمد نجمد ماايختلف علية اثنان

عزوز الأزرق · #10 04/02/2006, 04:49 PM

إقتباس

الرسالة الأصلية كتبت بواسطة هلالي بحرة


	الدعيع من يوم انتقل للهلال ما صد ولا بنلتي وبعدين طلعاته اللي مالها لزوم وأخرها مباراة الوحدة في أخر دقيقة من المباراة

ضربات جزاء صد ياحبيبي بس شكلك ؟؟؟؟؟؟؟؟؟

اما طلعته فاظنها صحيحه .. وربك ستر ..لكن انا اللي بسالك ...
ليه مافي احد يكمل برا المنطقه ؟؟؟؟؟؟
هو جزاه الله الف خير ماقصر وابعدها وكمان ابعدها جهة اليسار يعني مو مواجهه للمرمى لكن مكانت بعيده مرررررره ...والحمدلله على اللي سار..

ثم الشيء الثاني .. لييه انتم تاخذون الناس باخطاهم وتتصيدونها؟؟؟
نسيتم كم كوره طلع ؟؟؟ يعني سلبيات بس ؟؟؟؟

بس اعذركم من الحماس الزايد ...
وكل اللي اتمناه عدم الضغط على اللاعبين اكثر من اللازم .. وتشتتون ذهنهم..

سلملم ..

مهد كــ القدم ــرة · #11 04/02/2006, 04:53 PM

الدعيع صد بلنتيات حتى مع المنتخب و مباراة الهلال مع الإتحاد في أول ظهور لمبروك زايد نهائي ولي العهد

والحراس لا يقيمون بركلات الجزاء و مشكور الروماني

M3aNeD_B7r · #12 04/02/2006, 04:54 PM

يا شين بعض السواليف اللي ما منها فايدة...

فاتح موضوع كامل تنتقد حارس القرن...

ما شاء الله....كثروا النقاد الرياضيين..

ورا ما تروح تعد برنامج مع تركي العجمة..

ولا مبسوط انه راد عليك اثنين مأيدينك...

على فكرة دام عقليتك الكروية فذة بهالطريقة وعندك بعد نظر أغفل ابداع الدعيع في مباراة كاملة وركز على هدف

الدعيع خلص رأسية قبلة..

أقول دام عندك هالعقلية...

تدل نادي الهلال بالعريجا ترى عندهم مشكلة مع مدرب الحراس شكلهم بيغيرونه.. ورا ما تروح تقدم ..ترى الدعيع يستنى توجيهاتك..

أقول الله يرحم والدين اللي قال خلوا منتديات الزعيم بأشتراك نصف سنوي...

والله متى ربي يفكنا من بعض اليوزرات اللي تكتب لمجرد الكتابة..

أجل الدعيع ما ينقز الا يسار هاه..

لا وجاك الثاني خويه (طمبحها) مطفي النور يقول الدعيع ما يصد بلنتيات...

ههههه سبحان مقسم العقول...

عموما يا ابو الشباب مبروك الفوز وعندي لك نصيحة..لا تتخيل نفسك محلل وخبير رياضي ترى عندنا في الدوري محللين

وااااااااجد وأكثرهم يدبل التسبد..وعلى فكرة ترى لو تروح لمكة تاخذ عمرة وتحضر المباراة أزين من البربسة....

يوسف العسيس - بريطانيا

الروماني · #13 04/02/2006, 04:54 PM

مشكور اخوي عزوز على مرورك وتعليقك
محمد ماشاء الله علية نجم ومهمى طال الزمن او قصر محمد نجم ويظل نجم
بس ملاحظتي ان محمد بس ينط للجهه اليسرى
بضرباة الجزاء دائم انا ابيكم تذكرونة واتمنى من الاخطبوط قراءة موضوعي هذ1

سافيو · #14 04/02/2006, 04:56 PM

والله ثم والله ان الشمري اللي انتقل للهلال من الظائي اصرف من الدعيع مليون مررره

M3aNeD_B7r · #15 04/02/2006, 05:00 PM

ما شاء الله صاروا الخبراء الرياضيين أربعة بعد انضمام الأخ اللطيف سافيو ابو عيون جريئه

ما شاء الله عليك حتى صورتك حاطها..

يابو...

هذا منتدى الزعيم..مش منتديات همسات..

على فكرة هيئتك تدل على وجود قدرات مذيع تلفزيوني..

وبعدين يا بابا مو لازم تحلف وتقسم..ترى فهد الشمري قال انه تحققت له امنية باللعب الى جوار الدعيع..

ترى الدعيع بالنسبة للحراس زي الأخ ابو سارة الهلالي (مثلا) لنا