هذا جمهور الرياض طالبوووو معي بنقل مباريات الهلال للشرقيه - نادي الهلال السعودي - شبكة الزعيم

@ابو مطلق@ · #1 04/02/2006, 04:42 PM

السلام عليكم ورحمة الله وبركاته

هذا جمهور الرياض الي تسمونه الداعم للهلال

لو ان ابو سلطان ناقل المباراه للشرقيه كان مازعل لكن وش نقول الرياااااااااااض كل واحد منسدح قدام التلفزيون ويقول ليه مافازو بكثر ياخي رح رح عشانننننننن يفوزون بكثر

صدقوووووني وطالبوووووووووووووووو معي مباراة النهائي اذا تئهلنا جيبوووووهااااااااااااا الشرقيه موب بس النهائي كل المبارايات

تحت السطر · #2 04/02/2006, 05:04 PM

صدقت والله
خييير وش تبي يالأخو؟؟؟
تتأمر على الناس وأنت مانتب في طولها ولا في عرضها؟؟؟
تعال واحضر بعدين قل قدامهم فوزوا بأكثر؟؟؟
والله العظيم انك صاادق بكل حرف
الرياض ماتصلح ماتقدر كنزها

M3aNeD_B7r · #3 04/02/2006, 05:10 PM

أي والله جيبوها للشرقية...

أنا في بريطانيا الان لدواعي الدراسة..(حلوة لدواعي)..

وأول فرصة جتني جيت للسعودية وحضرت الهلال والقادسيه في المباراة اللي الجمهور الهلالي في الشرقية أذهل الجميع وأولهم ابو سلطان

كانت ليلة ولاأروع....

علما انه انا ومجموعة شباب لم نتخلف عن أي مباراة للهلال في المنطقة الشرقيه من أيام ملعب الراكة القديم...

عموما أبصم بالعشرة على كلامك .... جمهور الرياض ماهو مقدر النعمة اللي هو فيها..

لو أن الهلال في الدمام .. كان شاهي العصر أشربه في مدرج النادي وانا اتابع التمرين

يوسف العسيس - بريطانيا

@ابو مطلق@ · #4 04/02/2006, 05:12 PM

مشكورين على المرور

M3aNeD_B7r · #5 04/02/2006, 05:15 PM

مبروك المشاركة الألف اخوي العشق السامي للأبد..

على فكرة وانا اكتب ردي كان عدد مشاركاتك 999 شكلك كنت تسوي كوبي سكرين..

عموما ألف مبروك..ولا تحرمنا قلمك المميز

أخوك...

يوسف العسيس - بريطانيا

@ابو مطلق@ · #6 04/02/2006, 05:25 PM

إقتباس


	مبروك المشاركة الألف اخوي العشق السامي للأبد.. على فكرة وانا اكتب ردي كان عدد مشاركاتك 999 شكلك كنت تسوي كوبي سكرين.. عموما ألف مبروك..ولا تحرمنا قلمك المميز أخوك... يوسف العسيس - بريطانيا

احرجتني والله الله يبارك فيك .

الأمل البعيد · #7 04/02/2006, 06:04 PM

شباب

شفيكم على جمهور الرياض................!!!

مو هو نفسهـ اللي لو جاا النهائي يفلل الملعب........واللي براا الملعب كثر اللي داخلهـ....في استاد الملكـ فهد

بـ الهون يااجماعهـ...........

M3aNeD_B7r · #8 04/02/2006, 06:21 PM

أخوي الأمل البعيد..

خلنا نعاتب يمكن العتاب يحرك المشاعر شوية ونشوف الجمهور في المباراة الجاية للهلال في الرياض وانشاء الله

النهائي....

هذا كله عتب واحنا كلنا هلاليين أحباب وعتاب الحبيب مثل....

نختلف....بس نتفق على حب الهلال.....(أبو لما)

أخوك

بدر · #9 04/02/2006, 06:31 PM

صدقوني ياجماعه الخير لاجا وقت الجد والمباريات المصيريه القويه بتشوفون ستاد الملك فهد شلون يمتلي وجمهور الرياض معروف بمواقفه مع الزعيم ولا احد ينسى مباراه الترجي

الهلال فوق الجميع · #10 04/02/2006, 06:32 PM

الهلال خرج من الرياض وسيبقى في الرياض ..
اللي من الشرقية و يبي المباريات في ديرته يشجع الاتفاق ولا القادسية ..
لا تكثرون حكي .. جمهور الرياض ما يقصر واثبت هالكلام في محافل عديدة ومباريات كثيرة .. ولا أذكركم ؟؟؟
بعدين تقارن ملعب 82 الف متفرج بملعب مدري كم متفرج
لو تجيب الجمهور اللي حضر في المباراة السابقة وتحطهم في ملعب الدمام امتلى و بقى عالم برا ..
المباراة كان متوقع فيها الحضور القليل لأنك تلعب قدام الوحدة .. و الوحدة فريق ما بيننا وبينه تنافس او امور تخلي الجمهور يتحمس للحضور .. اسألكم بالله كم شخص وحداوي تعرفونه ؟ لو فاز الهلال على الوحدة بتروح تقهر مين بالضبط ؟
أنا فعلا استغربت تصريحات ابو سلطان قبل المباراة وتوقعه بان الجمهور بيملى الملعب .. كان امر واضح جدا ان الجمهور بيكون قليل .. لو اننا ساكتين و ما قلنا شي احسن .. الحين العالم تتشمت فينا ان الجمهور قليل ..
انا الوم كل من شاهد المباراة في بيته او في قهوة .. واشكر كل الاخوان اللي حضروا المباراة .. واشكر اثنين من الشباب الله يستر علينا وعليهم

جبتهم معي بالقوة .. ولا كانوا ناوينها في البيت ..

M3aNeD_B7r · #11 04/02/2006, 06:32 PM

وش مصيرية أكثر من نصف نهائي كأس ولي العهد؟!؟!؟!؟!

أبو سلطان...الله يلوم اللي يلومك

صعــــــــــــب · #12 04/02/2006, 07:51 PM

انا بصراحة من الشرقية وجيت الرياض عشان مباراة الهلال والوحدة واتمنى تكون مباريات الهلال الجاية في الشرقية لان في ناس من الشرقية متعطشه للهلال.........

صعــــــــــــب · #13 04/02/2006, 07:53 PM

إقتباس

الرسالة الأصلية كتبت بواسطة الهلال فوق الجميع


	الهلال خرج من الرياض وسيبقى في الرياض .. اللي من الشرقية و يبي المباريات في ديرته يشجع الاتفاق ولا القادسية .. لا تكثرون حكي .. جمهور الرياض ما يقصر واثبت هالكلام في محافل عديدة ومباريات كثيرة .. ولا أذكركم ؟؟؟ بعدين تقارن ملعب 82 الف متفرج بملعب مدري كم متفرج لو تجيب الجمهور اللي حضر في المباراة السابقة وتحطهم في ملعب الدمام امتلى و بقى عالم برا .. المباراة كان متوقع فيها الحضور القليل لأنك تلعب قدام الوحدة .. و الوحدة فريق ما بيننا وبينه تنافس او امور تخلي الجمهور يتحمس للحضور .. اسألكم بالله كم شخص وحداوي تعرفونه ؟ لو فاز الهلال على الوحدة بتروح تقهر مين بالضبط ؟ أنا فعلا استغربت تصريحات ابو سلطان قبل المباراة وتوقعه بان الجمهور بيملى الملعب .. كان امر واضح جدا ان الجمهور بيكون قليل .. لو اننا ساكتين و ما قلنا شي احسن .. الحين العالم تتشمت فينا ان الجمهور قليل .. انا الوم كل من شاهد المباراة في بيته او في قهوة .. واشكر كل الاخوان اللي حضروا المباراة .. واشكر اثنين من الشباب الله يستر علينا وعليهم جبتهم معي بالقوة .. ولا كانوا ناوينها في البيت ..

ياخي مهب على كيفك تحدد من نشجع ومن مانشجع !!

Rossi 999 · #14 04/02/2006, 07:54 PM

اي و الله

لو جابووها عندنا بالشرقيه كان و الله نشجع صح و نحضر صح

و اهل الريااض كلن متسدح بيبتهم و مسوي لي محلل مع وجهه

انقلوووووووووها و شوفوا الحضور على اصله

Rossi 999 · #15 04/02/2006, 07:57 PM

جمهور الرياض للنهائيات فقط اما الشرقيه في كل مباراة يحضر

و الدليل مباراة فنلندا و السعوديه وديه غطينا الملعب

و مباراة الهلال و القادسيه عبينا الجهة حقتنا

مباراة السعوديه و العراق الاولمبي غطينا الملعب و انتو مباراة الهلال مو قادرين عليه

لا تقولي الملعب صغير و الا الملعب كبير لالا الهللا جمهوره كبير في اي منطقة و خصوصا الرياااض

لو كان الملعب يسع 200000 يقدر يغطيه لكن .. انتو ما ادري شفيكم

و بالتوفيق للهلال