لاعب ما أوفيتوه حقــه - نادي الهلال السعودي - شبكة الزعيم

هلالي و مانشستراوي · #1 03/02/2006, 06:39 PM

بســــــم الله الرحمـــــن الرحيــــم[Unload]تعال وين الرد[/Unload]

لاعب يقدم احسن مستوياته خاصة في آخر المباريات تقريبا من بداية الدور الثاني لدوري خادم الحرمين الشريفين
لاعب تسبب بأغلب أهداف الهلال وآخرها امس بعد ماجعل سامي قدام المرمى بس طقها وجاب هدف
لاعب جدد عقده خمس سنوات مقابل 500 ألف ولا طلب شئ رغم ان عمره يوم كان يجدد 23 سنه(اذا ماخانتني الذاكره) وكان بعز لعبه حتى الآن ... اللي يلعب حب للفريق مو مثل بعض الناس اللي يلعب للفلوس وماطل بالهلال وعمره 30 سنه
لاعب من يوم عرفناه ماكد سمعنا انه تغيب عن التمارين بدون عذر
لاعب من يوم عرفناه ماكد دخل بمشاكل او صرح بشئ غير لائق
لاعب من يوم عرفناه وكل اداري ورئيس ولاعب يحبه ويمدحه ولا عمر احد اشتكى منه
لاعب مستواه من احسن لاحسن سواء في الهلال او المنتخب
لاعب لو اكتب عنه مليون موضوع ماأوفيت حقه

اعتقد عرفتوا من هو اللاعب
هو اللاعب الموهوب

₪‏₪ محمــــــــــــــــد الشلهـــــــــ10ــــــــوب ₪₪

بالامس بعد ماجاء الهدف الأول وانا بالملعب كلهم يقولون آآه يالذيب الذيب والذيب وانا طبعا ماأنسى خبرة الذيب وفنيته
لكن نسوا وش سوى الشلهوب
اللي جعل سامي بس يطقها براسه هدف
نسوا اللي اهلهم للدور هذا هو الموهوب
بعد ماسوا نفس سيناريو امس لكن برأس جيلسون
وبعد ماسجل بالقادسيه وكان نجم المباراة
ومع هذا انه لاعب مهضوم حقه لاني اشوف نص الهلالين والمنتدى بس سامي وياسر
والدليل بمباراة الحزم يوم قال حقوي آه ياشلهوب ياأوبها قال الجمهور ايييييه
ويوم قال ياسر قالوا ايييييييييه
ويوم قال سامي قالوا اييييييييييييييييييه
وأمس يوم قال دخل اللاعب نواف التمياط قالوا اييييييييه وخرج اللاعب محمد الشلهوب قالوا ايييييه
ومافي شك انا ماقولكم انكم ماتحبونه لكن ماتعطونه ولا نص حقه وانا ما اقولكم اني ماحب لا ياسر ولا سامي الا احبهم واعزهم وكل لاعبين الفريق مع هذا شوفوا ياسر ماقدم ربع مستواه اللي مع المنتخب والقادسية ومستواه هذي السنه مايجي ولا نص مستوى الموهوب وياسر ما له ستة شهور مع الهلال بعكس الشلهوب اللي من كان عمره 18 سنه وهو مع الهلال
وكل هالموضوع عشان اقول لكم شئ واحد بس قدروا الشلهوب مثل ماتقدرون ياسر

ولاتفهموني غلط اني اسب سامي او ياسر لكن بقولكم عن الشلهوب الموهوب اللي أغلب الجمهور مايوفونه حقه

وسلام من الله عليكم ورحمة منه وبركاته

اخوكم ومحبكم/ هلالي و مانشستراوي

azizsms · #2 03/02/2006, 06:42 PM

الله يهديك

FhOoOoO · #3 03/02/2006, 06:48 PM

محد نساه حبيب قلبي

الشلهوب احسن لاعب سعودي في الوقت الحاضر وبدون اي منازع

ويعطيك العافية على الموضوع

المسك الذهبي · #4 03/02/2006, 06:57 PM

ااااافااااااااااااااااااااااااااااااااااااااااااااااااااااااااااااا احد ينسى الشلهوب الموهوب

مجودي الهلالي · #5 03/02/2006, 07:15 PM

اخوي الله يصلحك الشعب الهلالي يموت ولا ينسى الكبير محمد

BoOoBoOo · #6 03/02/2006, 07:37 PM

من قال انا ناسين الموهوب

[moveo=right]افضل لاعب وسط ايسر في المملكة[/moveo]
في الخليج
في الوطن العربي
في اسيا

BoOoBoOo · #7 03/02/2006, 07:41 PM

من قال انا ناسين الموهوب

افضل لاعب وسط ايسر في المملكة
في الخليج
في الوطن العربي
في اسيا

الذيب2006 · #8 03/02/2006, 08:00 PM

انا يوم شفت القول قلت القول هذا بأسم سامي لكنه للشلهوب

مافي احد مقلل من قدر الشلهوب في المنتدى الكل يحبه ويعرف مستواه الفني الاكثر من رائع

مثل قول كماتشو اللعبه كلها من التمياط

صدوق الود · #9 03/02/2006, 08:02 PM

يبقـــا الشــلــهـووووب من أفضــل الــلاعبين السـعـودييـن حــاليــا .. "

فتى الوزية · #10 03/02/2006, 08:28 PM

واللة ما نسيناة

مجنووون سااام6 · #11 03/02/2006, 08:29 PM

اه ياالشلهوب

البارح صدقوني انه لعب حتى وهو مصاب وضاغط على نفسه
الله يحميه

مجنووون سااام6 · #12 03/02/2006, 08:31 PM

اه يالشلهوب
صدقوني انه البارحة
قاعد يلعب وهو مصاب بس ضاغط على نفسه
الله يحميه ويخليه لاهله

هلالي يهز الارض · #13 03/02/2006, 08:37 PM

الشلهوب الموهوب مبدع سواء ذكرانه او ماذكرنه
سيبقى مبدع وافضل لاعب وسط في العالم .

& عاشق الازرق & · #14 03/02/2006, 08:46 PM

10 موضوع يكتبون عنه (( والله ماننساه ))

مـيـلانـيـللـو · #15 03/02/2006, 10:05 PM

اي والله صدقت بكل كلمه قلتها عن الشلهوب

مهو مثل الفقاعه ياسر ( والف علامة استفهام عليه ) ؟؟!!!!

فعلا اللاعب اللي يعطي حنا بنعطيه

هنا مانجامل احد علشاننا كلنا ندور مصلحة فريقنا ( هذا شعارنا ) واسمحولنا ياللي كنتوا تكتبون مواضيع عن ياسر

حتى كتبتوا عن لون الاثاث اللي بيأثث بيته فيه شوفوا وش النتيجه !! عرفتوا الحين ؟

ياحبي لك يالشلهوب رح الله يوفقك دنيا وآخره ويسعدك يارب وين ماكنت ,,,,