أود في هذا الموضوع أن أحكي لكم حكاية طريفة لأحد أقاربي وهو (عبدالله)

خوينا هذا عبدالله قبل حوالي ثلاث سنوات كان رايح أبو الشباب للبنك عنده أربع أسهم بيروح يبيعها
والله ويروح للبنك قال لهم ابي ابيع اسهم عندي ويطالع الموظف فيه ويحس أنه مقرش (لأن الولد شخصية )
قال الموظف : تفضل طال عمرك نخدمك بعيوننا (خوينا عجبته خدمة البنك على غير العادة)
المهم قال الموظف: كم عندك سهم طال عمرك ؟
قال عبدالله : عندي أربعة أسهم (شكله مبسوط وهو يقولها )
والله لا يوريك وجه الموظف وهو يقول أربعة فقط ؟
قال عبدالله : ايوه .
قال الموظف : أقول روح للأخوان فوق يخدموك احنا هنا صرافي ن.
المهم ويروح عبدالله للأسهم بالدور العلوي ويلقى باب عنده لوحة ذهبية مكتوب عليها بالأسود للعملاء الذين لديهم من المليون وما فوق
والله وأبو الشباب يزر الياقة ويزين الشماغ ويتشجع ويدخل علما أنه فيه باب ثاني لطفرانين لكن قال خلنا نحس أننا أصحاب ملايين لو لمدة دقيقة
ويدخل الا الخدمات والكلام الزين وذا اللبنانية اللي الواحد فيهم بسمته من الأذن للأذن ويجي ويجلس بجانب واحد هامور ما بعد شاف الشمس في حياته
ويقعد خوينايتابع الشاشة ويطالع ويشوف الشركات الصاعدة والهابطة (مسوي أنه فاهم:p )
المهم والهامور اللي بجنبه يدقه , وخوينا يختبص قال الحين بيسألني عن رصيدي ؟
قال الهامور: يا أبو الشباب ترى السوق ما بعد فتح ؟؟؟!!!

يصلح طاش ما طاش

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

ههههههههههههههههههههههههههههههههههههههههه