مفاجأة لرئيسنا ( الظاهرة ) محمد بن فيصل - صفحة رقم 6 - نادي الهلال السعودي - شبكة الزعيم

الشـلال الأزرق · #76 04/02/2006, 06:41 PM

يالحر ياللي له مضارب عطيـبة *** لك التحية ياسمي خيـرة الناس

محمد بن فيصل ما هي غريبة000جدك وابوك الطيب لك ساس من ساس
نادي الهلال انت الدواء له وطيبه000دخلت به واصبح يباري على الكاس
مواقفك يا الشهم والله رهيبة000 عساك ما شاهدت سو(ن) ولا باس

واذا بتتركنا ترااكبر مصيبة000وبعدك بيلحقنا المرض معه وسواس
يا واحد(ن) كل النواد اتحكيبه000فعلك يشرف عل ما شفت الاتعاس
قراركم يا الشهم محد(ن) رضيبه000واذا طلعت اعلامنا شهر نكاس

عاشق الزعيم للابد · #77 04/02/2006, 06:43 PM

يالحر ياللي له مضارب عطيـبة *** لك التحية ياسمي خيـرة الناس

المرجـلـــة والطيب ماهـي غريـبة ***وحنا معك يا ابيض الفعل والساس
مواقفك يابن فيصل ماهي غريبة*** علم ورثته من الساس للراس
يابوسلطان انا اشهد ان افعالك عظيمة.....مثلك ترى نادراً بين كل الناس
طلبتك يبو سلطان ولاهي صعيبه *** جانا الخبر مثل ضربة الفاس
جمهور الازرق بحاله مريبه *** ويصرخ تكفى يارئيس الالماس
فديتك لاتترك جمهوراً إنت حبيبه *** وابشر بسعدك ياراعي القلب والاحساس
إن رحت صدقني بنفقد الهيبة *** وحالنا من بعدك ذليل و محتاس
تبي حضور ! تبي جماهيراً مهيبة *** عز الله مانردك ياحفيد أغلى الناس

ترى فرقاك يبو سلطان مصبيه *** تترك القلب بحزن وهوجاس
نبيك بالغصب نبيك بالطيبه *** حبنا لك ميزان ماله قياس

aT3bNi al ShooQ · #78 04/02/2006, 06:50 PM

يالحر ياللي له مضارب عطيـبة *** لك التحية ياسمي خيـرة الناس

يامحمد رئيس الكتيبه العجيبه /// لاشك نحبك لايصيبك الوسواس

ماعرف للوزن اعذروني ..

تحت السطر · #79 04/02/2006, 06:59 PM

لولاك الزعيم ماقمتله قيامه....وبدونك فريق ماحاس ولاجاس

تحت السطر · #80 04/02/2006, 07:02 PM

ياذكرى الاجواد خبريني...بسماحة ابوسلطان اللي مالها قياس

أزرق بن أبيض · #81 04/02/2006, 07:13 PM

يا ويل من يا حر كفك تصيبه ــــــــــــ و يا حظ منهو رفيقك من الناس

يا عزنا وسط الليالي العصيببة ـــــــــــــ يامن وطى نعاله على روس الأنجاس >>>>>>>>الدب

وانتظر البقية أخي الكريم ( فطين ) فأبو سلطان لو كتبنا له ماكتبنا لم نفه ِ حقه .

أخوك ( أزرق بن أبيض ) .

فوفو الزعيم · #82 04/02/2006, 07:19 PM

ياخي يستاهل ابو سلطان اكبر من كذا

وانا لم يحضرني الان من الشعر شي

ويعطيك العافيه فطين

الهلالي المالكي · #83 04/02/2006, 07:54 PM

المعـــــذرة يا سيدي والسموحة قولك وامرك دوم على العين والراس

افعـــــال ابو سلطان ما هي غريبة مثل البحر ما حد يقيسة بمقياس

وحنـــــا هلاليين من دون ريبـــة نرجوك ثم نرجوك ياعذب الانفاس

لا تتـــرك النادي تـراها صعيبة خبر غيابك مثل تقطيع الامواس

لـــو تطلـــــــــب الفايت لعينك نجيبة بس المهم رضاك يا سيد هالناس

ياقــــاهر العذال ماهي عـــجـــيبة خليت خصمك وقت الازمات محتاس

ارجو المعذرة لاني والله قاعد ساعه كاملة ويادوب كتبت هالكلمتين وارجو ان الامير محمد بن فيصل ما يترك النادي لانة بالفعل الرئيس الذهبي للهلال واقولة يابو سلطان حنا مقصرين وانت كريم وحنا نستاهل

والعفو من شيم الرجال

جراح الهلالي · #84 04/02/2006, 08:32 PM

يستاهل أبو سلطــــــان

ويعطـــيكم العـــــــافيه

أصغر زعيم · #85 04/02/2006, 08:36 PM

انعتك وانخاك ياالحر العزوم
ساعة الضيقات يفرح من نصاك

هلالي حتى التجمد · #86 04/02/2006, 08:38 PM

ياليت من الاخ فطين يجمع الابيات ويخليها قصيدة ويكتبها في موضوع ثاني

كافي حزن · #87 04/02/2006, 08:51 PM

فرقاك يانجل النشاما صعيبه***انت الذهب وانت الجواهر والالماس
ياسعد من مثلك وزيك نصيبه***لك منزل عالي على قمة الراس
هلالنا يطلبك ويطلبك ذيبه*** ويطلبك من يلعب وتطلبك حراس
تبقى بجنبه لاتفكر تسيبه***بس انت تبقى ما نبي ناخذالكاس
يمرض يابو سلطان وانته طبيبه***اليا دخلته تنجلي غيمة الباس

هلالكو1 · #88 04/02/2006, 09:42 PM

بحضورك حقق الزعيم البطولات الخمس *** والله إنك تستاهل بوسه على الراس

الأمل البعيد · #89 04/02/2006, 09:47 PM

مشكور

افتخر بالزعيم · #90 04/02/2006, 10:06 PM

معك حنا في الرخا والمصيبة

لك غلا بقلوبناماله ابد مقياس

بك هلالنا ترى له قدر وهيبة

زعيم على اسمه يكتم الانفاس