نادي الهلال السعودي - شبكة الزعيم - الموقع الرسمي - ملخصي الشخصي لمباراة الهلال والوحدة

السلام عليكم اليوم بلخص لكم مباراة زعيمنا الحبيب الهلال مع نظيره الوحدة اليوم الخميس ضمن نهائي كأس ولي العهد مباراة الذهاب الشوط الاول ........

1- من اول المباراة بدأ زعيم نصف الكرة الارضية بالفن حيث شهدنا فاصل مهاري جماعي أمتعنا فيه لاعبون بمناولات من لمسة وحدة وسريعه وفنية (( يا سلام يا زعيم )) وبعدها تسحديدة كادت ان تعانق الشباك من قدم الموهوب محمد الشلهوب ولكن أبعدها الحارس ..
2- هجمه ثنائية رهيبة من بطولة قناصنا الحبيب ياسر وذيب الهلال والسعودية سامي بعد ان مرر سامي الكرة لياسر ولكن اللي منعها من انها تكون قول هو وقوع ياسر في منطقة الجزاء (( لكن ما احتسبت لنا ضربة جزاء ))
3- وعلى طول في الدقيقة 10 من زمن الشوط الاول للمباراة ضربة جزاء للوحدة تسبب فيها الاعب الهلالي عبدالعزيز الخثران وسجلها في مرما الدعيع الوحداوي عيسى المحياني << يا هو لاعب رهيب
4- في الدقيقة 12 << احس صجيتكم بالدقايق خخخ
كانت ركلة زاوية للهلال وتعرفون احيانا لمن تشوفون في التلفزيون تحسون الكورة دخلت المرمى انا صار لي نفس الشي حسبت الكورة دخلت قعدت انطط (( قول قول قوووووووول نصرنا ربي هييييييي نصرنا ربي على الحكم الظالم )) ههههههه وفي النهاية يوم اكتشفت انو مو قول بغيت اصيع ..
5- في الدقيقة 17 الاعب الوحداوي ناصر الشمراني عمل مرتدة رهيييييبة وصلت لتسديدة منه لكن تصدى لها عميد حراس العالم محمد الدعيع <<<< آآآآآآه يا الدعيع انت احسن حارس في العالم <<وهنا انا عتبي على لاعبين الهلال وينكم وين الدفاع ؟؟؟؟؟
6- في الدقيقة 21 الشلهوب سحب تسحيبه رائئئئئئئعععه << انا الشلهوب قدوتي في التسحيب مرة قعدت اتقرج على مباراة وسجلتها علشان كل ما جا الشلهوب ادقق في رجله واسوي زيه لكن للاسف احولت عيني وما قدرت اسوي الا وحدة ...<<زين مني
7- في الدقيقة 26 راسية سامي تهدينا الهدف الثمين هدف التعادل لزعيمنا الحبيب لاغلى ما في الوجود عن طريق احلى تمريرة من مفتاح الاهداف اللي مستحيل تجي الاهداف اذا حرمنا من تمريراته محمد الشلهوب ..
8- ثلاث تسديدات هلالية متتالية ورهييييييييبة من ياسر وكماتشو وسامي ..
9- الدقيقية 38 يؤكد الذيب سامي تميزه بمجهود فردي ينتج عنه أحلى هدف بعد أن اسقط الدفاع الوحداوي ولا أستطيع ان اقول سوى (( ياسلام يا سامي ))

وإنتهى الشوط الاول .......

نبدأ الآن مع مجريات الشوط الثاني ....

1- في الدقيقة 49 تسديدة للوحدة لكن هيهيات بوجود عميد وزعيم وبطل الحراس (( محمد الدعيع )) ولا هدف ممكن يدخل ...
2- تتبعها في الدقيققة 53 ضربة زاوية هلالية نتج عنها راسية تفاريس التي كادت ان تعانق الشباك وبعدها بثلاث دقائق سدد الشلهوب تسديدة ماهرة جدا (( يا سلام يا شلهوب ))
3- ثلاث هجمات ممتالية كادت ان تكون اقوال مؤكدة ولكن الله يهديك يا سامي << بكيفك ظيع اللي تبيه يا ذيبنا العزيز
4- في الدقيقة 66 اصيب خالد عزيز من الاعب الوحداوي << يقهرر داس على رقبة خالد بس الحمدلله قام بعد الطيحة
5- في الدقيقة 69 قول لذيبنا ما يحسبه الحكم بحجة التسلل
6- في هاذي الدقيقة ويا ويل اللي ينساها احلى دقيقة دخل الشيخ دخل المهذب دخل الفتى الذهبي دخل مهجد الحراس والملاعب و الدفاع (( نواف التمياط )) اللي أنا مقهوووووووووورة لي ما دخل من بداية المباراة بس القهر هو انو دخل بدل مين الشلهوب !!!! اللي قدم احسن أداء <<< بس انا بعدين عرفت انو ركبة الشلهوب انصابت علشان كذا طلع يعني اللي عصبوا زيي لا تعصبون
7- بعد مرور أكثر من رائع وفنان كسب التمياط ضربة زاوية كانت اكثر من رائعة ولكن للأسف ما باليد حيلة وكالعادة ((ضاعت ))
8- في الدقيقة 77 يدخل الاعب << يا هو ذالاعب له مستقبل رهييييييييب وفنان . احمد الصويلح بدل قناصنا اللي مسكين محد قاعد يناول له اليوم ياسر القحطاني
9- الدقيقة 79 قول لكماتشو من تمريرة حلووووووووة من التمياط اللي ترك الانانية وناولها (( يا سلام يا التمياط والله فنان من أول ما دخلت امتعتنا بهاللعب ))
10- يدخل الجمعان في الدقيقة 81 بدل الذيب سامي بعد ان ارهق ..
11- في الدقيقة 90 بطاقة صفراء على تفاريس <<< الله يخسه ذالحكم
12- في الدقيقة 92 ضربة زاوية للوحدة صدها الدعيع وبعدها عادت الكرة مرة اخرى ودخلت في شباكنا الهلالية <<< معليش يا الدعيع خطأ الدفاع مو خطأك ...

وبذلك انتهت المباراة بفوز الهلال (( 3-2 )) ولكن آآآآآآآآه بلغة الاهداف الوحدة هو اللي فايز لانو المباراة عندنا في ارضنا وجابوا قولين وقولهم باثنين .....

ملاحظات :
1- لكل اللي كانوا مقهورين من انو التمياط دخل بلنهاية تراه كان مصاب
2- بصراحة في ضربه جزاء هلالية مو محسوبه
3- آآآآآآآآآآآه كنا نقدر نجيب أهداف اكثر بكثيييييييييييير بس يا خسارة

شكرا اختكم هدافة الهلال :d