#1  
قديم 03/02/2006, 04:35 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
خلنا واقعيين ياابو سلطان : الجمهور تغير وماراح يرجع

بسم الله الرحمن الرحيم


استغربت مثل مااستغرب اكثر من حظر مباراة امس او من تابعها في التلفزيون الحظور الجماهيري الاقل من المتوسط

وصراحة انا وصلت المغرب توقعت اني ماراح القى مكان الا ورى الباب

ولكن جيت ولقيت الاماكن اكثرها فاضية


وصراحة ضاق صدري على ابو سلطان لاني حاس انه راح يطلع عن اللي بداخلة تجاه الحظور الجماهيري في يوم من الايام

وماخاب ظني وكلنا شفنا ابو سلطان وشلون كان متنرفز بعد المباراة وكذلك الموضوع اللي كتبة في شبكة الزعيم

وشبكة الهلال

المهم ماعلينا نرجع لسالفة حظور مباراة امس

صراحة لو تقعد تفكر شوي طلعت بعدة اسباب لقلة الحظور الجماهيري في كل المباريات وليس مباراة امس فقط

وخلونا نتذكر ابرزها

اولا : وجود القنوات الفضائية اللي تغنيك عن الحظور وزيادة مثلا انا حظرت المباراة وشفت الاعادة اليوم على الاي ار تي كانت صراحة مباراة ثانية يعني فرق السما عن الارض

ثانيا : ابتعاد اكثر الشباب من سن ( 15 - 24) عن تشجيع النوادي السعودية واذا كان يشجع تلقاه يشجع ( بالاسم ) فقط يعني تراني انا هلالي بالاسم او نصراوي بالاسم ولو سالتة عن تشيكلة الفريق الاساسية ماذكر لك الا سامي والدعيع والشلهوب والتهائهم باشياء ثانية مثل ( الدوران ) و( السربتة ) في هالشوراع او اقامة المعسكرات في ( المقاهي )او الهث ورى بنات خلق الله او اما ستار اكاديمي وسوبر ستار وصار اخر همهم كرة القدم

ثالثا : وجود بعض من يسمون انفسهم عاشقي برشلونة والريال والارسنال ويقعد يبلش مخك رونالدينو سو وزيدان فعل وانتوا ودوريكم هالخايس وهلالكم الفاشل ولو تسالة عن ترتيب فريقة المفضل في الدوري تغير لون وجهه والله يخلي البلوتوث اللي عرفهم بهالفرق ولا هم وين والكورة وين

رابعا : عدم وجود المواصلات خاصة للفئات السنية اللي مابعد استلموا سيارات فلذلك تلقاهم يجون بليموزين رايح جاي غير تذاكر الدخول غير العشا فلذلك تلقاهم يفضلون مشاهدتها في التلفزيون

خامسا : غلاء التذاكر وسوء الخدمات في الملعب فالاسعار ( مدبله ) والموية ( حارة ) والبيبسي ( غسال بيبسي ) ومافيه الا بيسي موية ساندويتش جبن اي خدمات واي بطيخ

سادسا : رجال الامن والسكيورتية اللي في الملعب اللي تشوف خشته كنه شام ريحة ( فطيس ) ويقعد يكلمك بطرف خشمة ويرفع صوته وينافخ على ايش ياسعادة اللواء


سابعا : انشغال اغلب من عمرة فوق (25 -- مالا نهاية ) في الاسهم وفي معارض السيارات وفي اشغالهم الاخرى يعني قليل تلقى الحين ناس فاضية ولا ننسى موظفين الدوام المسائي وغيرهم


ثامنا : عدم وجود شاشات في الملعب تشتغل على طول وماادري ليش ( مانين ) علينا بشاشتهم هالخايسة وليش مايشغلونها طول المباراة

وبعد هذا كله اشوف ان حظور امس كان معقول وجيد واما اللي يحظرون المباريات النهائية فاتوقع انهم في ذاك الوقت يقدمون المباراة على اشغالهم اما في المباريات الاقل اهمية يقدمون اشغالهم على المباراة

وبالنسبة لابو سلطان انت ياابو سلطان ماقصرت معنا ومع الهلال اعطيتنا كل شئ وبخل عليك بعض جمهور الهلال بالحظور الى الملعب ولكن هذا هو الواقع ياابو سلطان وعلينا ان نرضى به الجمهور تغير ورجعته صعبه

وبعد هذا كله اقول للجمهور اللي حظر امس


يعطيكم العافية على حظوركم والله يبيض وجيهكم


معليش شباب عندي سؤال محيرني

مدافعين الوحدة يوم هدف سامي الثاني وين كانوا رايحين له ؟؟؟؟

اخر تعديل كان بواسطة » FhOoOoO في يوم » 03/02/2006 عند الساعة » 07:22 PM
اضافة رد مع اقتباس
  #2  
قديم 03/02/2006, 05:05 PM
زعيــم متألــق
تاريخ التسجيل: 06/05/2004
المكان: القصيم بريده
مشاركات: 1,475
مع احترامتى لارئيك بس الحضور الجماهيري سئ فقط في اكبر مدينة بالسعودية وهي الرياض لاكن اذا كان مبارة الهلال خارج ارضة فأن الوضع مختلف تمام
واكبر دليل لكلامي سوف تشاهدة في مبارة الهلال والوحدة القادمة
وشكراً
اضافة رد مع اقتباس
  #3  
قديم 03/02/2006, 05:21 PM
زعيــم مميــز
تاريخ التسجيل: 02/01/2006
المكان: خارج المملكـة
مشاركات: 5,143
وانا اوافقك الرأي اخوي
اضافة رد مع اقتباس
  #4  
قديم 03/02/2006, 05:32 PM
زعيــم متواصــل
تاريخ التسجيل: 01/12/2005
مشاركات: 188
صـــــــــــــــــــــــــــــــــــــــــــــــــــــــــــــــــــــــــدقــــــــــــــــــــــــ ــــــــــــــــــــــــــــــــــت
اضافة رد مع اقتباس
  #5  
قديم 03/02/2006, 06:13 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
اسف اسف اسف ياشباب الموضوع نزلته يوم فتحته مرة ثانية بعد مدة لقيته ناقص اكثر من النص

بس ماادري الغلط من عندي ولا من نفس المنتدى فلذلك تم التعديل
اضافة رد مع اقتباس
  #6  
قديم 03/02/2006, 06:28 PM
موقوف
تاريخ التسجيل: 08/09/2005
مشاركات: 172
مشكور على موضوعك الرائع والى الامام دائما يافهوووووووو
اضافة رد مع اقتباس
  #7  
قديم 03/02/2006, 06:35 PM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926

-



مع اني اشد من يلوم جمهور الرياض

الا ان كلامك فيه شي من الصحه ..

لكن ولو مع هذه الاعذار الجمهور قليل واقل من المتوقع



اضافة رد مع اقتباس
  #8  
قديم 03/02/2006, 06:51 PM
الصورة الرمزية الخاصة بـ هلالي و مانشستراوي
مشرف سابق في اللجنه الإعلامية
تاريخ التسجيل: 21/04/2005
مشاركات: 8,134
لصراحه كلام سليم 100%
اضافة رد مع اقتباس
  #9  
قديم 03/02/2006, 06:57 PM
زعيــم متألــق
تاريخ التسجيل: 01/03/2005
المكان: الرياض
مشاركات: 1,100
كلام سليم
اضافة رد مع اقتباس
  #10  
قديم 03/02/2006, 07:34 PM
زعيــم مميــز
تاريخ التسجيل: 16/09/2004
المكان: MED-US
مشاركات: 2,871
والله اني صدمت يوم شفت هالعدد
صراحه ابو سلطان يستاهل الي يحضر كل المباريات عشانه
والله الرجال قدم الغالي والنفيس عشان هذا الكيان وارضاء هذا الجمهور
يعني انا بسأل الان هم راضين على زعل ابو سلطان وابتعاده عن الحضور مع الفريق

واتمنى من ابو سلطان يعذرنا هالمره ونوعده بأننا بنبيض وجهه
بس لايبتعد عن الفريق فليس لنا غنا عنه وهو بطولتنا الاغلى
وشكراً
اضافة رد مع اقتباس
  #11  
قديم 03/02/2006, 10:37 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
يعطيكم العافية شباب على مروركم
اضافة رد مع اقتباس
  #12  
قديم 03/02/2006, 10:52 PM
زعيــم فعــال
تاريخ التسجيل: 25/08/2005
المكان: الرياض
مشاركات: 249
[QUOTE=FhOoOoO][SIZE="5"][COLOR="DarkSlateBlue"][COLOR="Purple"]بسم الله الرحمن الرحيم سادسا : رجال الامن والسكيورتية اللي في الملعب اللي تشوف خشته كنه شام ريحة ( فطيس ) ويقعد يكلمك بطرف خشمة ويرفع صوته وينافخ على ايش ياسعادة اللواء [

انت ياابو سلطان ماقصرت معنا ومع الهلال اعطيتنا كل شئ وبخل عليك بعض جمهور الهلال بالحظور الى الملعب

آآآآآآآآآآآآآآآآآآآآآآآآآآآآآآآآآآآآآآآآآآه والله ماقهرني الا زعلة ابو سلطان
ليييييييي كذا ياجمهور الهلال
قلتوا نبي ياسر جابه لكم
قلتوا نبي لاعب عالمي جابه لكم
قلتوا نبي ونبي وماقصر حقق اللي تبون
وهو يبي الحضور فالملعب وتبخلون عليه بساعة ونص والله عيييييييييييييييييييييب
ارجوا ان المباريات القادمه نكون كلنا متواجدين
اضافة رد مع اقتباس
  #13  
قديم 03/02/2006, 10:58 PM
في انتظار تفعيل البريد من قبل العضو
تاريخ التسجيل: 23/04/2005
المكان: جـدة غيير ..!
مشاركات: 5,001
الله يسامحكم الا زعل الغالي
اضافة رد مع اقتباس
  #14  
قديم 04/02/2006, 12:39 AM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
J @ M @ L

رحيم المنشاوي

شكرا لكم على مروركم
اضافة رد مع اقتباس
  #15  
قديم 04/02/2006, 11:31 AM
زعيــم مميــز
تاريخ التسجيل: 15/10/2005
المكان: الرياض
مشاركات: 2,565
إقتباس
الرسالة الأصلية كتبت بواسطة FhOoOoO
خامسا : غلاء التذاكر وسوء الخدمات في الملعب فالاسعار ( مدبله ) والموية ( حارة ) والبيبسي ( غسال بيبسي ) ومافيه الا بيسي موية ساندويتش جبن اي خدمات واي بطيخ

سادسا : رجال الامن والسكيورتية اللي في الملعب اللي تشوف خشته كنه شام ريحة ( فطيس ) ويقعد يكلمك بطرف خشمة ويرفع صوته وينافخ على ايش ياسعادة اللواء

ثامنا : عدم وجود شاشات في الملعب تشتغل على طول وماادري ليش ( مانين ) علينا بشاشتهم هالخايسة وليش مايشغلونها طول المباراة

بصراحة أتفق معك تماما في هالثلاث نقاط ......


بس أعجبتني هذي
إقتباس
الرسالة الأصلية كتبت بواسطة FhOoOoO
معليش شباب عندي سؤال محيرني مدافعين الوحدة يوم هدف سامي الثاني وين كانوا رايحين له ؟؟؟؟

اللي أعرفه أنهم كانو ساحبين جلنطات بسبب المدعو سامي الجابر ،،،
مع العلم أنه تم التبليغ عليهم ،،، وسيتم وضع مطبات في هذه المنطقة في المرات القادمة ،،، شكراً

موضوع ممتاز أخوي ،،،، بس أختلف معك في أن الحضور الجماهيري المفروض يكون أكثر من كذا بكثير ،، بس أتوقع العملية كانت تواكل ،، يعني كل واحد يقول أكيد بيصير زحمة وش يوديني ،، وهذا اللي سبب عدم الحضور .....

سلام
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:39 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube