انا من وجهة نظري المتواضعه جدا الهلال امس فرط في الفوز بنتيجه كبيره رغم ان الوحده قدم مباراه حلوه وراح يتعبونا في الاياب .انشالله نفوز في الاياب

الرجال توه في ثاني مباراه ،،،،،،

اصبر عليه ياخوي ////

الموضوع اخذ اكبر من حجمه الحين الرجال يقول رأيه
واحترام الرأي واجب علينا كلام مندس ومندس وما ادري كيف
هذا كلام فاضي
انا كلامه سليمه من ناحية خالد عزيز
ولو لحظتم ان الهلال لما يعتمد ابدا على الاظهره خالد عزيز ما سوى شي بالنواحي الهجوميه بس نفع بالدفاعيه
الخثران لا الدفاعيه ولا الهجوميه لازم يقعد ويشوف المباراه ورجال صراحه حريف كوره بس المباراه هذي
ما سوى شي
اتمنى يرجع لمستواه
البرقان احس انه مرتبك وكان بعيد عن لاعبين الهلاليين كان يحاول يعدي اكثر من مره ويمرر كرات خطأ
اتوقع عمر الغامدي ظهير ايمن في المباراه القادمه والغنام وعزيز بالمحاور هذا التغيير بالتشكيله
بالخطه لازم ينبه على المحاور التمركز الصح والرقابه الجيده والتمرير الصح
وارجو ان مانشاهد خطوط متباعده حتى المحاور يقمون بالدورهم على اكمل وجه
القحطاني اسواء مباراه له من اول ما جاء للهلال
اتمنى له التوفيق في المباراه القادمه
شكرا اخواني وعلى فكره كل شخص يكتب وجهة نظره مو شرط فقط التعليق على كلام الكاتب

تـرى كـانديـنيـو يـعاقب أليـاس والعصـفور لأستـهـتـارهـم مـع الطـائـي.

ههههههه وين راح الي بيعلمنا بقوانين الكورة

بلاتر الغفلة

قايل لك غاسل يدي منك من يوم سمعت الهدف بهدفين

إقتباس الرسالة الأصلية كتبت بواسطة s_a666 الزعيم سوى مباراة كبيرة ومشرفة بغض النظر عن النتيجة وترانا فايزين اذا كنت ماتدري لماذا لاتتكلم عن ابداع سامي ورفاقه وتقديم المتعة وعلى فكرة خالد عزيز مبدع مبدع مبدع وكلامك عنه دليل على افلاسك الفكري وأنصحك وأنصح كل دخيل على الشبكة الذهاب الى مواقع تناسبة وتناسب فكره الضحل أتحداك تكتب أي شي عن الزعيم بعد الفوز في الاياب والتأهل ان شاء الله للنهائي وأراهن على أنك دخيل على الشبكة والمشرف بيني وبينك.... ....ز

بسم الله الرحمن الرحيم
يأخوان لي طلبين الاول
موب كل من خاف على فريقه و قال سلبيه او وجهة نظر صار مندس او دخيل ارجوا الرقي شوي
ثانيا : المدرب وضع عزيز بالمكان المناسب لأن ما عنده وقت يجرب الاعبين لأن المباراة ما يستهان فيها وسبب وضع عزيز هناك قال المدرب ان اعرف ان الاعب علاء الكويكبي لاعب سريع ومشاكس وكنت احتاج لأحد يمسكه وفعلا قام عزيز بالدور
وشكرا

مستوى الهلال البارح مايطمئن ،،

للوصول للنهائي او الفوز بالكاس ،،

وفي البطوله الاسيويه راح تكون صعبه ،،

الله يوفق الهلال في المباراة الجايه

لعبنا مباره مع الوحده رائعه رائعه من زمان ما شفنا مستوى مثل كذا

الي انتقد كندنيو على التشكيله والطريقه عرفنا انه من جنبها

اتوقع الاخطاء الي صارت بتتعالج والهلال فرط بفوز كبير

بعون الله تعالى

الزعيم الى النهائي

ياناس وراكم على كندينيو .. ؟؟ ترى هذي ثاني مباراة له إذا ماكنتوا تدرون .. !!
وتتذكرون باكيتا السنه إللي راحت أول ماجا كان الهلال مهزوز وكم مباراة خسرها .. !!
لكن جاب لكم 4 بطولات بسنة وحده .. وبطولة كأس الأمير فيصل السنة ذي .. !!!

(( الصبر مفتاح الفرج ))

وبالنسبة لعزيز .. كان افضل لاعب بالمباراة مع إنه هذا مو مركزه
ياسر الياس شااااارع .. !

وراكم شبيتو على الرجال

قال وجهه نظر .. وكلامه مو قران عشان يكون صح ..

هذى وجهه نظرة يا غالين

بس اختلف معك ..

ان خالد عزيز قبل موسمين .. كان يلعب ظهير يمن ...

ومثل المنتخب الاولمبى ظهير يمين في بعض المباريات ..

يعنى قال نجرب .. وخاصه عندهم علاء الكويكبى بالجهه هذى ..

وياسر لاعب مجتهد ..بس مو عند تطلعت الهلال ..

يعنى ياليت يشوفو ظهير ثانى يكون عند المستوى


وجهه نظر


روى كوستا

الله يعطيكم العافيه اللي ردوا واللي ابدو وجهة نظرهم بكل ادب واحترام


وحبيت اوضح ان المشكله اللي حبيت اوصلها ان عزيز سبب ثقب في محاور الهلال


ودور الظهير ياجماعه يطلع في الهجمه ويرجع وعزيز طلع في كذا هجمة بس كلها خاطئه


يعني لو كان محور راح يؤدي اكثر بكثير من اللي شفناه وهو ظهير ويمنع الخطوره اللي سببها الشمراني


عالعموم انا كتبت هذا الموضوع من حبي لنادينا وخوفي عليه وهذا عتب عالمدرب


وانا اتمنى ان كندينو يستمر بس يقنعنا بخططه ومستوى الفريق


مو بعد مانخرج نقول كله من المدرب ..... من بدري نبي نصحح اخطائنا


بعدين اللي هاجموني وقالوا يادخيل ويامندس وانقلع ومدري وشو <<< حسيت شوي ويقولون ياارهابي


ترا ياجماعه مثل منتم هلاليه انا هلالي بس اتكلم من باب الواقع اللي منتو راضيين تتقبلونه للاسف


ووجهات النظر المفروض كلنا نحترمها


وبالتوفيق للازرق يارب


<<< عشان تصدقون اني هلالي

اذا صارت معلوماتك صحيحه تعال اكتب موضوع