اه يادعيع > واعذرنا ياسمو الامير - نادي الهلال السعودي - شبكة الزعيم

احمد ربك انك هلالي · #1 03/02/2006, 11:55 AM

اول شئ الف مبروك على الفوز وعقبال الكأس والدوري

عميد لاعبين العالم محمد الدعيع من يوم ما جا للهلال ما صد ولا بلنتي اذا ماخانتني الذاكرة

ودايم ينط يسار وكل اللاعبين صارت مكشوفه لهم

ارجو من عميد لاعبي العالم ان يلتفت الى النقطة هذي

ثاني شئ عبدالعزيز الخثران انتبه على نفسك وخلي الثقة الزايدة

مستواك في انحدار قوي والبلنتي اللي تسببت فيه لا يتسبب فيه الا الصغار عديمي الخبرة اتمنى انك ترجع الى مستواك

سلطان البرقان اخطاء كثيرة في التمرير وعدم التمركز جيدا

لكنك صغير في السن وشد حيلك والى الامام كما اخذ غيرك الفرصة وابدع ستأخذها

ياسر القحطاني ؟؟؟؟؟؟؟؟؟؟؟؟؟؟

عزيز ابدع وقلل الخطورة من الكويكبي ولكن اتمنى ان يعود الى المحور ووضع عمر الغامدي على الظهير الايمن

او مشعل الموري في مباريات الدوري بعد ذهاب لاعبي المنتخب

شكرا سامي كماتشو الشلهوب التمياط الغنام وعزيز كل الشكر قدمتم مستوى رائع اليلة

على لسان الجمهور الهلالي : ولا تزعل ولا تتعب شعورك ياسمو الامير والاعتذار سيكون بطريقة الجمهور الهلالي وهي

امتلاء المدرجات في نهائي كأس سمو ولي العهد الامين

جحفاني · #2 03/02/2006, 01:32 PM

اهم شي رضا سمو الامير

juve1897 · #3 03/02/2006, 02:21 PM

معك حق امس الدعيع بغى يوهقنا
1 يناولها للمدافع بدال ما يوخرها
2 الكوره طالعه ضربه مرمى يروح يركض علشان ياخذها وبغى لاعبي الوحد يقطعونا بس الله ستر

NsSoOoR · #4 03/02/2006, 02:39 PM

المهم حققنا الفوز وعقبال الأياب والكأس

aljar7_هلالي · #5 03/02/2006, 02:46 PM

وانت صاادق في اللي قلتته

مشكوووووووور

عشقي تيماوي · #6 03/02/2006, 02:52 PM

ياخوي البلنتي 99 % هدف ولا يلام الحارس ابد
اما من يوم جا للهلال مارد ولا بلنتي؟
وين راح البلنتي اللي ضد الاتحاد باخر الدقايق؟؟؟؟

وبعدين الهدف الثاني يتحمله الدفاع الدعيع طلع الكوره من على راس لاعب الوحده بس كان فيه لاعب متابع واخذها والدفاع ماركز

على العموم الهجوم امس ماقصروا والدفاع يبيله شوي

أبو مريم ـ حائل · #7 03/02/2006, 03:05 PM

الدعيع لاعب كبير بدون شك
لكن والله أنك صادق دايم ينط يسار يا ليت ينتبه وينط يمين

وسامي أبدع أبدع أبدع

ادريانوا الهلال · #8 03/02/2006, 03:15 PM

يعطيك العافيه ومبروووك للزعيم
الخثران والبرقان ما كانوا في احسن حلاتهم يمكن السبب الارهاق ؟؟؟

احمد ربك انك هلالي · #9 03/02/2006, 03:40 PM

مشكور على الردود جميعا

لكن اخوي المغترب انا قلت اذا ما خانتني الذاكرة ماقلت ماقد صد ولا كورة وبعدين الدعيع من افضل الحراس في العالم والبلنتي صحيح 99 % هدف لكن انا اقول ان الدعيع دايم ينط يسار واللاعبين اكتشفوا ذلك وانا ما اتكلمت على الهدف الثاني اتمنى انك تركز في الكلام اللي كتبته عموما يعطيك العافية ومشكور على الرد واذا اختلفنا في وجهات النظر هذا لا يعني اننا لا نتفق في حب الهلال وشكرا