ليه كذا يا رجال الامن ...!!!!!! - نادي الهلال السعودي - شبكة الزعيم

صعبه أتغلى عليك · #1 03/02/2006, 01:11 AM

السلام عليكم ورحمه الله وبركاته

مبرووك الفوز ومبروك الف على عوده ذئب الملاعب لهز الشباك ,,.

وصراحه اليوم الفريق لعب اداء حلو ,,.

من الحارس للمدافع لكن عندي سؤال..؟.

ليه رجال الامن في استاد الملك فهد كذا يعاملون الجمهور الهلالي ,,...؟

من بدايه نهائي كأس الملك السنه اللي راحت ورجال الامن مشاكل مع جمهور الزعيم,,.

في مباراه الهلال والشباب النهائي جاء ظابط وما ترك احد يدخل للمدرجات اللي فوق

بحجه انها مليانه والساعه خمس ونص

واقسم بالله نطق بهذي الكلمه اقـُص يدي إذا احد دخل من هذي البوابه

والمشكله جو ناس المغرب وجلسو فـُوق

.
ومباراه الهلال وفالنسيا الاسباني مافتـًحـو البوابات لين حاول الجمهور كسـر البوابه....؟؟

اليوم من الساعه ثلاث وحنا مسنترين عند البوابه وما فتحو البوابه الا الساعه اربع وعشرين دقيقه

بعد مافتحوه حنا كسرنا القفل ودخلنا غصب

والله ذبحنا الحر .

وهذي قلنا تهون هذي لعيون الزعيم

وبوابه المدرجات اللي فوق مافتحوها ولا شىء

وكان الجمهور الهلالي حاط اعلام للاعبين الاجانب تفاريس وكوماتشو وجيوفاني بالانقليزي

جو ويشيلونها
.
بأي حق يشيلونها ..؟؟؟..

وليه في مباراه الهلال والاتحاد بالمربع الذهبي كان جمهور الاتحاد جايب اعلام رومانيا وغيره ولا شالو الاعلام

والا عشان هذا الهلال.,,.؟,,,..

برافيت حقوي الله يعطيك العافيه

وخصوصا يوم تقول تفاريس جنرال تعجبني

باكيتا الصغير · #2 03/02/2006, 01:14 AM

الشجرة المثمرة دائما ترمي ..لا عليك فالهلال بطل في كل الاحوال .

^^ فهد ^^ · #3 03/02/2006, 01:18 AM

لا والي قهرني زيادة شالو علم البرازيل

والله القهر ..!

بس الحمدلله اهم شي الفووز ..

صعبه أتغلى عليك · #4 03/02/2006, 01:19 AM

صدقت والله

مشكور على مرورك

SUPER HAMOODY · #5 03/02/2006, 01:20 AM

الزعيم السامي · #6 03/02/2006, 01:20 AM

تدري ليش ؟؟؟ الصورة اللي في التوقيع ذابحتهم عندنا سامي وماعندهم سامي اااه يازين الاسامي

سعد بن ناصر · #7 03/02/2006, 01:21 AM

اي والله انه ارتفع ضغطي من شيلة الاعلام

حتى في علم حولنا مكتوب على رغبه شالوه واللي حوله بغوا يشيلونه

مادري وش قصة الامن مع الهلال

صعبه أتغلى عليك · #8 03/02/2006, 01:24 AM

مشكورين على مروركم

ايه شفت العلم اللي مكتوب عليه رغبه وبكل زاويه رقم الذيب سامي

هامور البورصه · #9 03/02/2006, 01:27 AM

يشباب لا تشكون في نزاهة رجل الامن يمكن مطلوب منه انتو وش يدريكم وش مسوين فيه الي اكبر منه رتب والله يسامحه على كل حال

khalid999 · #10 03/02/2006, 01:32 AM

المشكله الكبرى والاهم اذامنعونا من الخروج للصلاه

والله قهر

صعبه أتغلى عليك · #11 03/02/2006, 01:37 AM

حسبي الله عليهم

مـن نـظـرة حـبـيـتـك · #12 03/02/2006, 01:44 AM

حسبي الله عليهم والله اليوم مافتحوا البوابات حقت المدرجات اللي فوق إلا بعد العشا الله لا يوفقهم

صعبه أتغلى عليك · #13 03/02/2006, 01:47 AM

كلامك عسل

برافيت من نظره هاه هضمت الاكل زين

El3zi · #14 03/02/2006, 02:04 AM

حسبي الله عليهم مافتحوا المدرجات اللي فووق الا قبل المباره بشوي ومخلينا من المغرب ننتظر

الأسير الأزرق · #15 03/02/2006, 02:09 AM

إقتباس

الرسالة الأصلية كتبت بواسطة باكيتا الصغير


	الشجرة المثمرة دائما ترمي ..لا عليك فالهلال بطل في كل الاحوال .

اذكر انا يوم اعتزال الثنيان الساعة خمس تماماً اغلقوا البوابة للدخول الى الدرجة الثانية ؟؟؟؟؟؟؟؟؟؟؟؟

الا بعد ان اقتحمنا البوابة وفكوا الشرطة الباب بالغصب