السلام عليكم .....

دخل القائد الى غرفته بعد عناء تدريب شاق , و ارتمى على سريره و اخذ ينظر الى سقف الغرفه , و كأن شئ ما يكدر خاطره !!!

- هلا و غلا بالطش و الرش ...
- التفت القائد الى مصدر الصوت فاذا به من كرته المحببه الى قلبه , فقد اهديت له في مناسبة غاليه من احد الاطفال المعوقين في ليلة الوداعيه الشهيره و كتب عليها ....... نحبك يا سامي !!!!!

- سامي : هلا هلا
- الكره: افا وش السالفه ؟
- سامي : لا ما فيه شئ !؟!
- الكره: لا يا شيخ خش في عيني .... انا عارفتك و من يوم ما دخلت منتب زي العاده .
- سامي : لا بس تعبان من التدريب , تصدقين اليوم المدرب كرفنا كرف ... خلانا نطلع المدرجات ( رايح جاي ) عشر مرات !!!
- الكره: اقول خل عني المدرب انت منتب مضبوط ؟
- سامي : يعني ؟
- الكره: قلي وش مكدر خاطرك ... يمكن اريحك

نظر القائد الى سقف الغرفه مرة اخرى , و بدا و كأنه بركان يريد ان ينفجر بكل ما في مكنونه من هموم و احزان , احس انه يريد ان يصرخ صرخة مدويه ليسمعها لكل من له عقل و قلب و وطنيه
احس بالكلمات و قد انحشرت في حنجرته , و عيناه تحاول بكل ما اوتيت من قوه ان تحبس ...... دمعة قد سالت على خده ........
فقد اعتاد ان يبكي ( بضم الياء ) و لا يبكي , و لكنها لحظة خلوة مع النفس .!.!.!.!

- سامي : ( و قد اطلق زفرة عاليه) مليييييييييييت .
- الكره: عسى ما شر ..... الله يكفينا الشر و الوجيه الكشر
- سامي : من هالعالم الي غثوني ....
- الكره: اي عالم ؟
- سامي : الي يتكلمون باسم الوطنيه و هم ابعد ما يكونون عنها ...
- الكره: ايه ... قصدك المندسين ؟!؟ هذولي و الله منقهرين ...
- سامي : في الجرايد و الفضائيات و الملعب و الشارع حتى في الجوال !!!! ما خلوني في حالي ..
- الكره: يا ذيب عاد هذا جديد عليهم ؟ انت عارفهم من يوم ما طلعت على الكره و هم هذي طريقتهم .
- سامي : بس كثر الدق على الراس يوجع
- الكره: جعل الي يدق راسك ينفضخ راسه .....
- سامي : انا كل الي افكر فيه حاليآ .. المنتخب و بس , ما عمره صارت في تاريخ المنتخب منذ ان عرفناه انه صار فيه انشقاق و انقسام فاضح في جماهير المنتخب , كانوا كلهم يكونون يد واحده مع المنتخب حتى و هو يخسر بالسته و الخمسه , وش الي صار الحين ...
- الكره: عشانك انت القائد ؟
- سامي : طيب المفروض يوقفون معي مهوب ضدي .....
- الكره: هذا المفروض و الواقع شئ ثاني
- سامي : و الله مدري وش اسوي ؟ احترت مع هالعالم ؟
- الكره: لا تسوي و لا شئ .... استمر في طريقك و الله يسدد خطاك ... و بيجي يوم و ما يصح الا الصحيح .....
- سامي : بس انا مليت و انا اتحمل ...
- الكره: يا ذيب ..... انت ناجح و طريق النجاح لا بد ان يكون محفوف بالصعاب و العقبات , و لازم تعرف انك تحمل قيادة المنتخب و امل هالبلد متعلق فيك انت و زملائك من اجل الوصول الى الحلم العالمي , و اذا اشغلت بالك بهالتفاهات بتكون النتيجه عكسيه على الجميع .
و انت قدها ياذيب ... نسيت يوم ( الشباب ) نسيت يوم ( السوبر ) نسيت يوم ( النخبه ) نسيت يوم ( ايران 94) نسيت يوم ( كأس العالم ) ..
كل هذا اذا انت نسيته ترى هم ما و الله ينسونه .....
سامي : اخاف حتى اذا تأهلنا ( انشاء الله ) بيقولون .... واسطه
الكره: انت سمعت عن .. الكلاب تنبح و القافله تسير ...
سامي : ترى حنا نتكلم جد ؟؟؟
الكره: طيب سمعت عن .. باب يجيك منه الريح سده و استريح ...
سامي : هاه ... وش بلاك انتي ؟؟؟
الكره: طيب سمعت عن .. الي راح يصيد ارانب يوم قاله صديقه وشلون بتصيدهم قاله بسيطه .... اقلد صوت جزر ....
سامي : هههههههههههه الله يقطع بليسك و الله انك منسمه !!!!!
الكره: ايه اضحك يالذيب ... الله لا يحرمنا منك و من ضحتك الي تهبل ... و انشاء الله ربي بيحقق كل احلامك و نوصل كأس العالم ... جعل عيني ما تبكيك ...
سامي : انشاء الله
الكره: و الله يا حنا بنردح ردح يومها .. و هذوليك بتدورهم منتب لاقيهم
سامي : اقول خلك من الناس .. والا ترى ابوديك للبنشر !!!
الكره: لالالالا و الي يرحم والديك الا البنشر ... خلاص ابسكت
سامي : يله حبيبتي تصبحين على خير ...
الكره: طيب سمعت عن ....
سامي : ما قلت لك انك منسمه ...
الكره: