سامي و الحلم العالمي ........
 

السلام عليكم .....

دخل القائد الى غرفته بعد عناء تدريب شاق , و ارتمى على سريره و اخذ ينظر الى سقف الغرفه , و كأن شئ ما يكدر خاطره !!!

- هلا و غلا بالطش و الرش ...
- التفت القائد الى مصدر الصوت فاذا به من كرته المحببه الى قلبه , فقد اهديت له في مناسبة غاليه من احد الاطفال المعوقين في ليلة الوداعيه الشهيره و كتب عليها ....... نحبك يا سامي !!!!!

- سامي : هلا هلا
- الكره: افا وش السالفه ؟
- سامي : لا ما فيه شئ !؟!
- الكره: لا يا شيخ خش في عيني .... انا عارفتك و من يوم ما دخلت منتب زي العاده .
- سامي : لا بس تعبان من التدريب , تصدقين اليوم المدرب كرفنا كرف ... خلانا نطلع المدرجات ( رايح جاي ) عشر مرات !!!
- الكره: اقول خل عني المدرب انت منتب مضبوط ؟
- سامي : يعني ؟
- الكره: قلي وش مكدر خاطرك ... يمكن اريحك

نظر القائد الى سقف الغرفه مرة اخرى , و بدا و كأنه بركان يريد ان ينفجر بكل ما في مكنونه من هموم و احزان , احس انه يريد ان يصرخ صرخة مدويه ليسمعها لكل من له عقل و قلب و وطنيه
احس بالكلمات و قد انحشرت في حنجرته , و عيناه تحاول بكل ما اوتيت من قوه ان تحبس ...... دمعة قد سالت على خده ........
فقد اعتاد ان يبكي ( بضم الياء ) و لا يبكي , و لكنها لحظة خلوة مع النفس .!.!.!.!

- سامي : ( و قد اطلق زفرة عاليه) مليييييييييييت .
- الكره: عسى ما شر ..... الله يكفينا الشر و الوجيه الكشر
- سامي : من هالعالم الي غثوني ....
- الكره: اي عالم ؟
- سامي : الي يتكلمون باسم الوطنيه و هم ابعد ما يكونون عنها ...
- الكره: ايه ... قصدك المندسين ؟!؟ هذولي و الله منقهرين ...
- سامي : في الجرايد و الفضائيات و الملعب و الشارع حتى في الجوال !!!! ما خلوني في حالي ..
- الكره: يا ذيب عاد هذا جديد عليهم ؟ انت عارفهم من يوم ما طلعت على الكره و هم هذي طريقتهم .
- سامي : بس كثر الدق على الراس يوجع
- الكره: جعل الي يدق راسك ينفضخ راسه .....
- سامي : انا كل الي افكر فيه حاليآ .. المنتخب و بس , ما عمره صارت في تاريخ المنتخب منذ ان عرفناه انه صار فيه انشقاق و انقسام فاضح في جماهير المنتخب , كانوا كلهم يكونون يد واحده مع المنتخب حتى و هو يخسر بالسته و الخمسه , وش الي صار الحين ...
- الكره: عشانك انت القائد ؟
- سامي : طيب المفروض يوقفون معي مهوب ضدي .....
- الكره: هذا المفروض و الواقع شئ ثاني
- سامي : و الله مدري وش اسوي ؟ احترت مع هالعالم ؟
- الكره: لا تسوي و لا شئ .... استمر في طريقك و الله يسدد خطاك ... و بيجي يوم و ما يصح الا الصحيح .....
- سامي : بس انا مليت و انا اتحمل ...
- الكره: يا ذيب ..... انت ناجح و طريق النجاح لا بد ان يكون محفوف بالصعاب و العقبات , و لازم تعرف انك تحمل قيادة المنتخب و امل هالبلد متعلق فيك انت و زملائك من اجل الوصول الى الحلم العالمي , و اذا اشغلت بالك بهالتفاهات بتكون النتيجه عكسيه على الجميع .
و انت قدها ياذيب ... نسيت يوم ( الشباب ) نسيت يوم ( السوبر ) نسيت يوم ( النخبه ) نسيت يوم ( ايران 94) نسيت يوم ( كأس العالم ) ..
كل هذا اذا انت نسيته ترى هم ما و الله ينسونه .....
سامي : اخاف حتى اذا تأهلنا ( انشاء الله ) بيقولون .... واسطه
الكره: انت سمعت عن .. الكلاب تنبح و القافله تسير ...
سامي : ترى حنا نتكلم جد ؟؟؟
الكره: طيب سمعت عن .. باب يجيك منه الريح سده و استريح ...
سامي : هاه ... وش بلاك انتي ؟؟؟
الكره: طيب سمعت عن .. الي راح يصيد ارانب يوم قاله صديقه وشلون بتصيدهم قاله بسيطه .... اقلد صوت جزر .... :D :D :D
سامي : هههههههههههه الله يقطع بليسك و الله انك منسمه !!!!!
الكره: ايه اضحك يالذيب ... الله لا يحرمنا منك و من ضحتك الي تهبل ... و انشاء الله ربي بيحقق كل احلامك و نوصل كأس العالم ... جعل عيني ما تبكيك ...
سامي : انشاء الله
الكره: و الله يا حنا بنردح ردح يومها .. و هذوليك بتدورهم منتب لاقيهم
سامي : اقول خلك من الناس .. والا ترى ابوديك للبنشر !!!
الكره: لالالالا و الي يرحم والديك الا البنشر ... خلاص ابسكت :( :(
سامي : يله حبيبتي تصبحين على خير ...
الكره: طيب سمعت عن ....
سامي : ما قلت لك انك منسمه ...
الكره::D :D :D :D :D :D :D

هلا بالمبـدع دائما هـلالي من كنــدا ..

سـامي ليس أي لاعـب .. سامي ليس اي رياضـي .. سامي من الصعب ايجاد مثيل له .. يمر بمرحله تشكيكه وغير جديده عليه فمن قدوم سامي للملاعب وهو محـارب بجميع الانواع والأشكال .. ولم يلتفت الى إليها ..

سامي انت قادر على الابداع .. قادر على قيادة المنتخب .. قادر على بث روح الحماس في لاعبي المنتخب .. وطبعا قبل كل هذا بتوفيق الله عز وجل ..

تحياتي و حوار اكثر من رائع ..

Hilali From canada :
 

اولا : مشكور على جهدك اللي بذلته على هالموضوع .

ثانيا : بصراحة وبدون مجاملة هذا افضل موضوع قريته ( عن سامي ) من يوم عرفت
المنتدى .

هلا والله

والله موضوووووووووووووع مره مررررررررررررررررره روووووعه


اما حكايه سامي والحاقدين ، تبي تغطي على حكايه الف ليله وليله


والله يخليك يارب

هلا والله باهل كندا موضوع رائع ويعطيك الف عافية



http://www.mohammed-abdu.net/cards/i...nantee_jpg.jpg

شكرا لك يا (Hilali From Canada) على هذا الحوار الجميل جدا
وكانك قراءة احاسيس الكابتن سامي وما يمر به من تجريح ومضايقات على كل الاصعده
ولكن نقول الله معك يالذيب

## هلا والله باخي هلالي من كندا والحوار شيق ورائع وكعادتك مبدع دائمآ ..

## اما سامي فسيبقى باذن الله نجمآ مبدعآ وسيندم الحاقدون ..

هلا أخوي هلالي من كندا
 

يعطيك العافية على هالحوار الشيق والسيناريو الرائع مع عملاق الكرة السعودية الذيب سامي;)
ومحاربتهم للذيب سامي أكبر دليل على نجاحه وما على الذيب من ............. صباح جار القمر:D
ولا تهون الكرة اللي تبادل سامي الحب:D

Hilali From Canada
 

اخوي
ترى سامي دايم مايقول

لو انى التفات لكل نبح......................لفهمت لغت الكلاب

حوار اكثر من رااااااائع وابداع تعودنا عليه
وتسلم ايدك
تدري اني شكيت انك عايش مع سامي :D

الاخ العالمي ....
عزيزي الف تحيه و شكرآ لك يا غالي
وترى الي جاء سامي مهوب بسيط .....

الاخ هلالي لوس انجلوس ....
يا بعد حيي و جعلك تسلم ....

الاخوه السام سامي / صمام الامان / مجنون الزعيم / حبي تيماوي /اسير الهلال
يعطيكم العافيه يا اخوان و ما قصرتوا على الكلام الحلو ...
و انشاء الله بنفرح كلنا مع سامي بالتأهل الى كأس العالم ( قولو امين)

الاخ جاكم الذيب ...
مشكور يا حبيبي ... و ترى الكره تسلم عليك :D :D :D

الاخت هلاليه بالفطره ...
لو اني عايش مع سامي كانت قد انجنيت من زمان :( :D بس ما نقول الا الله يكون في عونه انشاء الله ...



تحياتي ,

قاهرهم ياسامي العرب
 

هلا والله بكاتب هذا الموضوع وتسلم يمينك
والله الموضوع مافي احسن منه (بدون مجامله ترى:p :p :p )
ومقدر اقول ياقهرهم ياسامي(ساميو;) جابر عثرات الهلال;) سام6)
وشكراااااااااااااااااا
اخوك \خيال الهلال:cool: :cool: :cool: :cool: :cool: :cool: :cool:

والله ما اعتقد ان سامي كذا سامي كل الكلام الي ضده يرجمه وراه سر يا ذئبنا ونحنو وراك نساندك ونعينك سر ولا تلتفت لهولاء

الله يعطيك الف الف الف عافية أخوي ........

و نشوف الذيب كيف نفسيته من خلال اللقاء الي راح ينشر قريباً بإذن الله .... :)

الاخوه خيال الهلال / فتى نجد / ابو فيصل ......

مشكورين يا اخوان و ما قصرتوا و الله يعطيكم العافيه


تحياتي ,

الله على الرومانسيه
 

خيال ولا اروع وتسلم على ها المقال الجميل الرائع والله يرجعك با السلامه للي يحبونك ولنا سالم وغانم .. والسلام




أخوك /// أبويزيد (راعي شعيب الشمس)

سامي لاعب كبير غصب عن الي يرضى والي ما يرضى ولكن الضروف أحيانا لا تخدمه.....



أما بالنسبه للحاقدين عليه فياكثرهم( يالله لا تكثرهم) و يا ليت أبو عبدالله ما يعطيهم وجه لأنهم (والحق يقال) ما في راسهم كوره والكوره بوادي وهم في وادي كل ما يعرفونه هو فريقهم ولا عبهم الذي يريدون رفعه وأسقاط سامي لأجله.....



ولكن الكبير كبير يا سامي و في النهايه لا يصح الا الصحيح.....

تسلم يمناك ياغالي
 

صراحه قمه الروعه وحسبي الله على من ضيق خلق سامي .

الحبيب جنتل مان ..... راعي الشعيب :D :D :D
مشكور حبيبي و يعطيك العافيه , و تراني احتري (الكبسه) حقتك :( :(



اخوي مخاوي نجد ....
و الله صدقت بكل الي قلته , يعطيك العافيه :) :)


ارفع راسك انت هلالي ...
تكلم مين و الا مين .... ما عندك احد :mad: :mad:
بس انشاء الله تعالى ان الرد بيكون بتأهلنا الى كاس العالم
قل امين ,


تحياتي ,

والله انك خطير...

تسلم يمناك....


والله مع سامي ان شاء الله..

الاخ د . زعيم .....

و الله انت الخطير !!!! الف شكر يالحبيب

لا انا بس اتحرى باذن الله اذا تأهلنا لكاس العالم ( انشاء الله )
ابشوف خششهم وشلون شكلها , و الا وش بيقولون , والا وش بيصير لهم
:D :D :D

تحياتي ,