#1  
قديم 01/02/2006, 02:17 AM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
إخلع قناعك يا ......

السلام عليكم أيها الزعماء

حبيت أشارككم بموقف جرى لي قبل فترة، والصراحة ما قدرت أكتبه بعد حدوثه مباشرة بسبب انشغالي بالإختبارات النهائية وتسليم مشاريع..

القصة تبدأ بزيارتي لأحد الأصدقاء (والرجّال أهلاوي) وكان معه خويه إللي ما كنت أعرف ميوله لأني أول مرة ألقي فيه..

الزبدة بديت أهبل بخويي الأهلاوي - على الرغم من إن الأهلي يعجبني - وقمت أذب عليه..

وتطور النقاش إلين ما وصل إلى الذيب سامي الجابر (وأخوكم أبو صقر متعصب سامي) قمت أمدح بسامي، وذكرت خويي باختياره لمباراة أصدقاء زيدان ورونالدو..

رد علي إن اختياره للمباراة كان بتدبير من الإتحاد السعودي<<<<<<<< لا تعليق

قلت له يا شاطر اختاروه لأنه سفير النوايا الحسنة‘ وهذي الجائزة من الأمم المتحدة يعني لا تقول لي واسطة عشان ما اقوم أتوطى في بطنك <<<<<<ما عليكم.. أمون على الرجال

هنا وبدون سابق إنذار: خش خويه عرض وقال (خويه جداوي): والله ما يستاهلها، ما كبر هذا اللاعب إلا الصحافة..

طبعا أخوكم أبو صقر ضرب الأمبير عنده ورديت بانفعال شديد: أجل من يستاهلها لاعبكم محمد نور؟؟!!!

هنا جاء رد منه كان أشبه بالصاعقة اللي نزلت على راسي: أول شي أنا هلالي (!!) وبعدين محمد نور يستاهلها أكثر من سامي.

أنا من هول الصدمة سكت شوي وبديت أجمع أفكار "يقول هلالي"+"يقول محمد نور يستاهل سفير النوايا الحسنة"..

النتيجة: قلت له يا كابتن!! ترى سفير النوايا الحسنة موب اللي يحرث الملعب (وحط خط تحت اللي يحرث الملعب) يعطونها لصاحب الإنجازات والأخلاق، ومن غير سامي يجمع ذي الثنتين؟

هنا جاء رد عجيب: من قال لك سامي الجابر لاعب خلوق؟(!) سامي من أسوأ اللاعبين أخلاقا ومرة تفل على الحكم.. <<<<<<<< يقول هلالي

طبعا أنا بديت أقول (وش ذا النصاب؟ ألف قصة سريع سريع): كلام غير صحيح (ما انتظرت يؤرخ القصة لأني أعرف سامي) والله ما سواها.

هو ما انتظر سؤالي وعلى طول قال: في نهائي الكأس أمام الشباب في استاد الدمام (اللي خسرها الهلال).

رديت عليه وانا اذكر الموضوع: يبو المشكلة كانت بين سامي والداوود، والداوود هو اللي بداها، وما للحكم دخل فيها.

هنا رد بكذبة قوييييييية: أنا كنت حاضر المباراة وشفتها قدام عيني.

مشكلتي محترم وما أعرف أقول له كذااااااااااااااااب..

المهم خش خويي (الأهلاوي موب الكذاب): طيب.. سامي ولا ماجد؟؟

رديت: والله الإنجازات تقول سامي (اعذروني لكن قلت لكم ما اقدر والله أحب سامي) .

هنا رجع وخش اللي يدعي إنه هلالي وقال: الإنجازات تعتمد على تأثير اللاعب في النهائيات وسامي ما عمره سوى شي في النهائيات لكن ماجد يا كثر ما حسم نهائيات. <<<<<<<< إخترع قانون جديد ويقول هلالي

هنا أخوكم أبو صقر "أبى أن يصمت" (موب عاقل): لا لا لا هنا أتحداك بالأرقام (ما يقدر يقول لي رحت الملعب ههههههههه) باعطيك النهائيات اللي أثر فيها ومنيب جايب الإنجازات الشخصية اللي والله إنها أكثر من انجازات ناديك الإتحاد..

قفلت معه ورد علي: أنا هلالي >>>>>>>> إيه واضح

قلت له: يا حبيبي عندك نهائي 1416 قدام الأهلي وش سوى سامي؟!

قال: الهلاليين رشوا حارس الأهلي هذيك الأيام <<<<<<<< يقول هلالي

قلت: من وين جبت ذي القصة؟!!!!!!!!

قال: معروفة (ناظرته زي اللي منيب مصدقه، ما لقى إلا إنه يصقعني بفقشه ثانية) أنا سمعت شريط تسجيل لمكالمة عضو شرف هلالي لحارس الأهلي يوعده بمبلغ..

طبعا أخوكم ما سلكها هالمرة ورديت بسرعة: كم المبلغ؟

توهق توهق وقعد شوي إلين ما قال بالقوة: 50 ألف

هنا قلت له: يا حبيبي لو المبلغ 50 ألف كان ما وافق الحارس لأن ناديه أكيد بيعطيه نفس المبلغ أو أكثر لو جاب البطولة..

سكت زي اللي يقول (قفطني) وكملت عشان ما أحرجه وابين انه كذاب: أكيد الشريط اللي سمعته أنت مفبرك ويهدف إلى الإساءة لإنجاز الهلال..

سكت وما رد:

قلت له: خلنا نرجع للنهائيات نهائي كأس الكؤوس الآسيوية 97 سجل هدف وصلح هدف
ونهائي السوبر الآسيوي هدف الذهاب وهدف الإياب
ونهائي كاس خادم الحرمين سنة 1418 هـ قدام الشباب وش اللي ما سواه سامي فيه
غير النهائيات الثانية مع الهلال والمنتخب (صراحة خانتني الذاكرة أذكر نهائيات أخرى بسبب الشد اللي صاير في النقاش)
قدر يسوي ربعها لاعبكم نور؟

رد علي: والله أنا هلالي

وقال وهو بدا يتوتر من كثر ما كتمته: بس سامي لاعب مدلل ويكرهونه لاعبي الهلال.

قلت وانا خلاااااااااااص وصلت معي: من قال لك؟؟

قال: معروف

قلت له: أول شي اللي يثبت وعنده دليل ما يقول معروفه، هذي إشاعات مطلعتها صحافتكم الإتحادية ووالله اللي ما غيرت على لاعبينا..

طبعا ما رد علي وما قال أنا هلالي ككل مرة يقولها لأنه حس إنه ما يقدر يبقي هذا القناع عليه..

هذا خلاصة اللي صار بيني وبين هذا المندس

إذا يا زعماء أنا طلعت باستنتاج من هذا النقاش الحاد اللي صار بيني وبين هالإتحادي المقنع..

المندسين ليسوا فقط في الإنترنت والمنتديات... لكن حتى في المجالس
وليس لهم إلا هدف واحد احتقار الهلال والانتقاص من نجومه




أعذروني على الإطالة
وأرجو أن تشاركونني بردودكم
والسلام
اضافة رد مع اقتباس
  #2  
قديم 01/02/2006, 02:25 AM
زعيــم نشيــط
تاريخ التسجيل: 12/08/2005
المكان: العــ الرياض ــاصمه
مشاركات: 617
تعجبني أخوي وماقصرت
اضافة رد مع اقتباس
  #3  
قديم 01/02/2006, 02:31 AM
زعيــم فعــال
تاريخ التسجيل: 07/07/2005
المكان: طيبه الطيبه
مشاركات: 397
والله انك

ابو الصقووووووووووووووور

بس مره ثانيه لاتعصب

لانك هلالي ومايحتاج تعصب

الانجازات تتحدث عن الهلال ونجومه
اضافة رد مع اقتباس
  #4  
قديم 01/02/2006, 02:34 AM
زعيــم متواصــل
تاريخ التسجيل: 19/05/2005
مشاركات: 77
ياكثر اللي قاهرهم سامي أجل محمد ثور يستاهل لقب السفير يخسى
اضافة رد مع اقتباس
  #5  
قديم 01/02/2006, 02:38 AM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
عمر محمد الغامدي
الرسام الهلالي
مشكورين على تفاعلكم

وانت يا أديب الزعيم: ودي ما أعصب بس المشكلة لا جا طاري سامي والهلال بالغلط ما اقدر
ومشكور
اضافة رد مع اقتباس
  #6  
قديم 01/02/2006, 02:48 AM
زعيــم مميــز
تاريخ التسجيل: 11/08/2005
المكان: الشرقيه
مشاركات: 3,701
اقول
يسلم فمك بس
افحمت الرجال
الله يخليك ذخر للهلالين
اضافة رد مع اقتباس
  #7  
قديم 01/02/2006, 02:55 AM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
ذيب وأنا اشهد
اضافة رد مع اقتباس
  #8  
قديم 01/02/2006, 03:01 AM
زعيــم نشيــط
تاريخ التسجيل: 22/09/2005
مشاركات: 927
زاعل خويك خلاص خخخخخخخخخخخخخخخ

امزح

يعطيك العافية
اضافة رد مع اقتباس
  #9  
قديم 01/02/2006, 03:08 AM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
مشكورين على هالردود
أنا متأكد إنكم لو كنتم مكاني كان سويتم اللي سويته وأكثر
اضافة رد مع اقتباس
  #10  
قديم 01/02/2006, 03:11 AM
زعيــم متألــق
تاريخ التسجيل: 01/06/2005
المكان: بيت ابوي
مشاركات: 1,126
لااازم يكووون فيه تعصب شوي , وهذا طبعهم دائما التشكيك بانجازاات ساامي لكن دائما ياتي الرد بالملعب ويكووون قاسيا عليهم ...............
اضافة رد مع اقتباس
  #11  
قديم 01/02/2006, 03:12 PM
زعيــم متواصــل
تاريخ التسجيل: 02/08/2005
المكان: قلب الهلال
مشاركات: 90
يعطيك العافية يا أبو صقر

هذي الردود والا بلاش..

كثروا المندسين في المنتديات زين انك نبهتنا انهم موجودين حتى في المجالس
اضافة رد مع اقتباس
  #12  
قديم 01/02/2006, 05:03 PM
الصورة الرمزية الخاصة بـ مجامل زمانه
زعيــم متواصــل
تاريخ التسجيل: 15/12/2005
المكان: في وسط العجاج !!
مشاركات: 138
مشكور على الموضوع
اضافة رد مع اقتباس
  #13  
قديم 01/02/2006, 05:07 PM
زعيــم مميــز
تاريخ التسجيل: 29/07/2005
مشاركات: 1,954
إقتباس
الرسالة الأصلية كتبت بواسطة دحومي1
اقول
يسلم فمك بس
افحمت الرجال
الله يخليك ذخر للهلالين


اضافة رد مع اقتباس
  #14  
قديم 01/02/2006, 05:10 PM
زعيــم مميــز
تاريخ التسجيل: 01/03/2005
مشاركات: 8,426

كفو يا ذيب . . .
تمنيت لو عطيته انجازات اكثر . . .

بالتوفيق
اضافة رد مع اقتباس
  #15  
قديم 01/02/2006, 07:11 PM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
إقتباس
الرسالة الأصلية كتبت بواسطة عاشـــــــ سامي ـــق

كفو يا ذيب . . .
تمنيت لو عطيته انجازات اكثر . . .





أخوي عاشـــــــ سامي ـــق صدقني كان ودي
لكني مع الشد والضغط اللي صاير مع الحماس ما قدرت..

ومشكورين كلكم وما عليكم زود
كلكم ذيابة وأكثر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube