بثلاثية تاريخية،ميلان يودع كأس إيطاليا [التعليقات هنا ] بسم الله الرحمن الرحيم نعم يوم بعد يوم وفريق ميلان يودع بطولة جديدة اولا الدوري والان كاس ايطاليا وغدا بطولة اوروبا وهذا بفضل مدرب اغبي من الغبي ودفاع اشارته خضراء دائما وحراس مرمي مهزوزين وادارة لاتعرف غير الكلام ولاتريد ان تدفع المال في سبيل تجديد الفريق كل من شاهد اليوم ميلان والخسارة الكبيرة امام باليرمو الفريق الذي خسر في اخر مبارة في الدوري امام سيينا بالثلاثة ها هو اليوم يعيد الثلاثة ولكن في مرمانا حارس مرمي لايمكن ان اقول عليه الا حارس لاينفع حتي لحراسة فريق الاشبال ودفاع مهزوز وخط وسط لايعرف ماهو معني وسط الملعب وهجوم بدون فائدة لايعرف الشبكة واخيرا مدرب المفترض ان يجلب الكور من الخارج وليس تدريب فريق واقول بكل حسرة وداعا ميلان لكل البطولات بهذا المدرب وهذا الفريق ومن الان لن اشاهد اية مبارة لفريق ميلان في الدوري لانه لم يبقي لنا الا دوري ابطال اوروبا وارجو ان يتعلقو بهذه القشة والسلام عليكم ورحمة الله وبركاته |
هلا بأخوي الغالي ... واللح الحقيقة الميلان هالسنة مستواه متذبذب بالمره ... وهذا شي طبيعي ... وخاصة مع الفرق الكبيره ... بالعربي .. وسع صدرك مسألة وقت ويرجع الميلان كما كان تقبل تحياتي |
الكبــــــــار لايموتون .. إن شاء الله يرجع الميلان .. بس بعـــد ما يقشعون هالمدرب السبهه .... |
خــــــــــــاطـــــــــــــرة : ارجع ياكبيلو ارجع ياروحي ,,,,,,,,,,, ارجع انا مليت من انشلوتي الغبي الله يسمع منكم ويقشعون هالمدرب ابو شدوق الغبي والإداره تحت جالياني المخيس مهي بخير :) |
يارجال... وسع صدرك.... تبي نرناح شجع اليوفي ..... مع اني ميلاني متعصب بس ياخي اليوفي فريق يخليني احبه غصب عني تحياتي... |
إقتباس:
انك تعجب فيه شي .. وتحبـــه شي ثاني .. لاترفع ضغطي ياخوي الميــــلاني ...:mad: :mad: |
ميلان مفروووض يقيلون مدربهم انشلوتي وعلى ما سمعت انهم يتفاوضون مع فرانك ريكااااار مدرب برشلوووووونه!! وريكارد صرح ويقول : لن اترك نادي برشلونه الااذ احرزت بطوله دوري ابطال اوروبا وفان باستن يقول: انا سوف اخلف ريكارد في تدريب النادي العريق ( برشلونه ). |
سلم لي على ميلان بس |
مرحبا اخوي .. مباراة اليوم اعتقد ان المدرب ما كان مهتم فيها ولا اعطاها اي اهمية .. امره غريب هالمدرب بعد ان فقد السباق على الكالتشيو هاهو يخسر ويخرج من الكأس .. لم يبقى سوى دوري الابطال وهو الامل الوحيد للخروج ببطولة واحدة هذا الموسم على الاقل . اما المدرب فستكون هذه السنة آخر سنة له مع الميلان الا اذا أخذ دوري الابطال فعهندها لكل حادث حديث |
مع إستمرار إنشلوتي ما أعتقد أن ميلان يحقق أي بطولة هذا الموسم :rolleyes: بصراحه خروج مؤلم لـ جماهير الميلان :rolleyes: :rolleyes: |
على الميلان الأن التفكير والتخطيط للموسم القادم لأن النادي 10000000% سيخرج خالي الوفاض هذا الموسم |
والله أنا أشوف أن خروجهم بدون بطولات زي مايقولون "شينة زينة" يعني ما أتوقع أن الأدارة راح تستمر على المدرب نفسه خصوصاً أنه مو زي السنة اللي راحت يعني الموسم الماضي وصلوا للنهائي في دوري أبطال أوروبا و خسر سباقه على بطولة الدوري في آخر الجولات... هالموسم الفريق من جد جايب العيد...قاعد ينافس الأنتر على المركز الثاني و ما أظنه راح يخرج البايرن... يعني باختصار إذا ما أنطرد انشيلوتي و جابوا دفاع جديد بقراطيسة و ظبطوا أمورهم معناته الموسم الجاي مافيه شي والعلم عند الله... |
شاكر لكم مروركم ياشباب ,,,, والله هالمدرب مايسوى زعل مالديني قسم بالله انه فاشل ولاهو بطموح ميلان قهرنا الله يقهرهـ ولو نفتك من الاصلع المافيا جالياني كان شفت الميلان بخير ,,, |
مشكور اخوي الميلان للاسف دفع ثمن الاهتمام بالاسماء الكبيره فالفريق قبل 3 سنوات تعاقد مع لاعبين مشهورين ولم يفكر بالمستقبل وبعدها دعم الهجوم ويعلم ان الهجوم قوي وهاهو الان يدفع الثمن بالدفاع السيء وليس سيء بحكم الاسماء بل لانهم كبار بالسن وزاد الطين بله ..... الاخ انشيلوتي لكن تدرون بأذن الله من اردى لاردى يالميلان ..... شكلنا بنسويها تاريخيه بالديربي ان شاء الله |
هارد لك |
اذا طس انشلوتـي بيرجع ميلان الي نعرفـــــــــــه ;) |
ايه والله ميلان لزم يغير المدرب ... |
في البداية حظ اوفر يارجل القانون ولجميع عشاق الميلان الخروج من كاس ايطاليا .... كما ذكر الاخوان من الواضح ان اولى مشاكل الميلان هي وجود المدرب انشيلوتي والذي لم يعد لديه ما يقدمه للميلان .. الأمر الآخر هو وجود العواجيز في خط الدفاع ولعلك لاحظت كيف جاء الهدف الثالث عندما انطلق اللاعب من بين المدافعين ولا ننسى هبوط مستوى نجوم الفريق بشكل عام باستثناء المتألق دائما كاكا والذي كان مصدر الخطورة الوحيد بس اليد الواحدة لاتصفق .... في النهاية من الواضح ان الميلان اذا استمر الحال على ماهو عليه فستكون المهمة صعبة امام البايرن ميونيخ وقد تكون تاريخية في حق الروسنيري .... بالرغم من انني انتراوي متعصب لكن بالفعل اتمنى الميلان ان يعود لتألقه وخاصة امام الفريق الالماني ..... لك مني كل التحية ،،، |
إقتباس:
جيدين بكأس الاتحاد الايطالي اما بالنسبه للتاريخيه لاتنسى عام 2001 يوم نفوز عليكم سته صفر المفروض بعدها يقفلون ناديكم :) من كثر ماانتم مستانسين على الفوز على الميلان ناظر توقيعك اكبر دليل لكم 3 سنوات ماذقتوا طعم الفوز على الميلان والله مساكين تنرحمون ياجمهور الانتر الفاشل هههههههههههههههههههههههههه على العموم مباراة الرد تبي تشوف منهو المارد الميلاني يابو الستات :) |
غنوا .. ياليل ما أطولك .. |
هذه عودة مرة اخرى ..... اسمع يالحبيب ياللي وصفت الانتر ب (الفاشل) صحيح ان الميلان فاز ببطولات اكثر من الانتر على المستوى المحلي والاوروبي وسبق ان فزتوا بسته على الانتر ، ولكن : @ في مباريات الديربي في ( الكالشيو ) الانتر لا زال الاكثر فوزا على الميلان وتحديدا 58 مقابل 54 هذا اولا ... @ ثانيا الفريق حقق كاس الاتحاد الاوروبي خلال الفترة اللي تكلمت عنها بان الانتر جيد في كاس ايطاليا فقط وتحديدا عام 1998 بثلاثية في مرمى لاتسيو .. @ ثالثا وهو الأهم فريقنا لم يهبط الى الدرجة الثانية في تاريخه بعكس فريقك الذي هبط مرتين خلال ثلاثة اعوام وتحديدا عامي 1979، 1981 ( ممكن هذي معلومه جديده عليك ماتعرفها ) ترى ردي هذا ما يتعارض مع الرد الأول باني فعلا اتمنى للميلان ان يعود لمستواه السابق ولكن هذه مجرد حقائق .... تحياتي لك مرة اخرى ،،،،، |
إقتباس:
ترى انا ماقلت هالكلام عن الانتر الا عشان الرجال يوم يقول ان شاء الله من كذا واردى ؟ وش هالحسد اما بالنسبه لردي على ماكتبته ترى كأس الاتحاد الاوروبي ويكون بعلمك تراه اقل الدرجه الثانيه بإيطاليا لان الفرق اللي تشارك فيها شفها بعدين تكلم عنها اما بالنسبه للدريبيات ( لعلمك النصر تراه للحين متقدم على الهلال بالديربيات ) يعني ترى مو هامتنا بكثر ماتهمنا البطولات ثالثا ,,, لكل جواد كبوه يااخ الخيل الاصيل ترجع خطوه ورى وتركض عشر قدام مو مكانك سر صحيح ان ميلان نزل للدرجه الثانيه بس كانت زي جرس الانذار وباع محترفينه عشان كذا قعد سنه ثانيه يكون بعلمك بس ,, هو الفريق الوحيد اللي خطف الدوري عن جداره من امام الاسطورة الارجنتينيه حينما هزمه بأرضه وبين جمهوره 3 الى 2 فريق نابولي والحقيقه من عام 89 م مااخذ الانتر الدوري ؟؟؟ وبطولات ابطال اوروبا اخذها ايام طقها والحقها بالستينات بينما الميلان من الثمانينات بدا يحصد الالقاب الى الامس القريب وسامحني ان ضايقت بشي وشاكر لك مرورك اخوي هلالي عسل مره ثانيه وصدقني انا ماني من اللي يكرهون الانتر بالعكس انا اتمنى له كل خير بس شدني رد ادريانو 10 اللي بصراحه اعتبره رد ( سخيف ) وشكرا ,,,, |
asas [fot1]~*¤ô§ô¤*~مشكور اخوي~*¤ô§ô¤*~[/fot1] |
اعتقد والله العالم ان مدرب الميلان السيد انشلوتي يحاول التركيز على دوري الابطال في هذا الموسم. تحياتي واشواقي,,,,,,,,,,,,, |
الوقت المعتمد في المنتدى بتوقيت جرينتش +3.
الوقت الان » 02:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd