يوم الخميس موعدنا .. تذاكر قبل المباراة بسم الله الرحمن الرحيم السلام عليكم ورحمة الله وبركاته .. وبعد 1- قبل كل شي احب اهنئكم جميعا هلاليين من روؤساء ومدراء ومشرفين ومدربين ولاعبيين وجمهور هلالي .. ورياضيين بالسنه الجديده وكل عام وانتم بالف خير .. 2- موعدنا ان شاء الله يوم الخميس المقبل في درة الملاعب الاستاد الملك فهد - رحمه الله - .. لان بصراحه وانا جالس بالبيت وبغرفتي تحديدا بحكم الملعب قريب من البيت سمعت مدرجات الملعب تقول انا مشتاااااااااااااااااااقه لجمهور مثل جمهور الزعيم << قويه بس صدقوني احساسي يقول كذا .. 3- طلب بسيط لك شخص هلالي بيحضر او رياضي .. حضورك مهم اكيد لكن صحتك بعد مهمه .. عشان كذا ياليت تدفون نفسكم بلبس الجاكيتات .. والشالات .. بس انا قلت تدفون نفسك ماهو معناها تنامون بالمدرجات ...!! s60s 4- رساله لخوي ابراهيم حقوي - ابو خليل - اول شي ما تشوف شر يالغالي وإن شاء الله تقوم بالسلامه .. وبصراحه المدرجات بدونك ماتسوى يا ابو خليل .. ننتظرك وانت زيادة سكر ع الجمهور .. 5- حبيبت اسأل .. لإصحاب الخبره والمجال .. (( هل التذاكر سوف تباع قبل المباراة بيوم او يومين ..؟؟ )) اتمنى ذلك عشان الزحمه .. << لان محسوبكم يطلع من بيتهم بعد العصر يروح للسويدي عشان يجيب واحد ويرجع يعني تخيلوا البيت قريب من الملعب واطلع واجيب واحد تخيلوا معاي زحمة خريص وطريق الملك فهد او الدائري .. وارجع للملعب وما احصل مكان Ok ... مع العلم هذي المعاناة ماتصير معي الا إذا لعب الزعيم في درة الملاعب .. وانا اي واحد عزيز علي ومهما كان ساكن بعيد عني ووده يحضر بروح امره واجي لعيون كل هلالي ولعيون الزعيم .. <<< مسكين قال قصة حياته وهو ما يدري .. ع العموم اللي عنده خبر اكيد يعلمنا ووين مكانها .. درة الملاعب ولا الملز .. شكرا لكم مقدماً والله يوفق نجومنا .. لما يحبه ويرضاه وجمهورنا العزيز الله يوفقه لمساندة هالنجوم .. وبلاش ترجيم يا شباب :thumbup: لان محسوبكم جرب قاروره ماشيه مليون في اعتزال ابو يعقوب ومالها داعي حركات نص كم .. هـــام :: لا تفوتوا الصلاة عن وقتها تقبلوا تحيات محدثكم طويرق - الشوق الازرق - من شبكة الزعيم العالميه |
] [وبلاش ترجيم يا شباب : لان محسوبكم جرب قاروره ماشيه مليون في اعتزال ابو يعقوب ومالها داعي حركات نص كم .] [ وأنت الصادق:thumbup: :thumbup: |
المباراة في استاد الملك فهد حلو موضوعك |
والله مدري وانا اخوك <<<<<<<< وش مدخلك اجل؟؟ :) بس انا جاي للرياض الخميس وان شالله باحضرهاااا واتمنى والله من كل قلبي نشوف الملعب مليان تكفون ياجمهور الزعيم مانبي اعذار الهلال بحاجتنا وابوسلطان ينادينااااااا |
[glow=0066CC]<<<ينتضر المباراة على احر من الجمر [/glow] |
تسلم وأخص من كلامك الصلاه لأن في ناس ما يصلون بصراحه إلا بعد المباراه |
ان شاء الله فيه تذاكر قبل المباراة كما تعودنا في كل مباراة للهلال وان شاء الله فيه تذاكر مجانيه باذن الله <<<<<<<<<<<<<<<<<<<<<<<<< متحمس من جد |
بالتوفيق لزعيم |
حيا الله الأخ طارق :) موعدنا الخميس إن شاء الله بحاول اجيب لك خبر اليوم عن التذاكر .. http://www.alamuae.com/upload/Folder...5_830139d1.jpg |
ترا التذاكر ماهي مشكلة ربع النهائي مع الاتحاد الموسم الماضي (بالدوري) حضرت يوم المباراة العصر وقصيت تذكرة وقعدت في احلى مكان بالدرجة الثانية! |
انشاء الله من اول الحضور ونبي نشوف الملعب مليان الخميس سيتم بإذن الواحد الاحد حسم النتيجة قبل المباراة في مكه تكفوون الحضور الحضور .. |
يعطيكـ العافيهـ |
ان شاء الله بحضر لعيون الازرق نبي الملعب مليااان والف شكرر لك اخوي على الموضووع |
اشكر فيكم هذي الروح .. الحماسيه .. هذا العشم في جمهور زعيم آسيا .. ويا شباب تكفون قولو لي إذا كان يوم الاربعاء فيه تذاكر تنباع عطوني خبر .. الوعد ان شاء الله يوم الخميس في مدرجات الزعيم |
سلامو عليكم كلكم على من جمعكم على ابوكم وعلي انا معكم الموضوع جميل جدآ بل رائع لالابل اكثر من رائع والاخوان ماقصرو ردو بما فيه الخير والفائده والمباراة في استادالملك رحمه الله وتكفون ابي حضور يجبر الاعبين على تقديم افضل ماعندهم ونبي نفجر الملعب اهازيج ومابي اي احد يتقاعس ويقول برد بناضرها بالبيت جب جكيتك معك والا الفروه يمدحونها ترا وياريت تمر ولد جيرانكم تاخذه معك ترا ميب شينه اخيرآ وليس آخرآ تقبلوتحياتي كلكم |
مشـــــــــــــكورين ما قصرتوا |
شكرًا لك بالتوفيق للهلال في اللقاء المرتقب |
شكرا لك .. إقتباس:
<< حصلتله يووم وانكب من جد ! ...... |
الوقت المعتمد في المنتدى بتوقيت جرينتش +3.
الوقت الان » 05:06 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd