استشــــــــــاره ؟! - نادي الهلال السعودي - شبكة الزعيم

سندريلا الهلال · #1 15/02/2006, 07:08 AM

بسم الله الرحمن الرحيم

أنا عندي استفسار او بالأصح استشاره

وش أفضل في الوقت الحالي اني استثمر المبلغ اللي عندي بالأسهم أو أحطه في البنك يستثمرونه مثلا لو أحط المبلغ اللي عندي في بنك البلاد طبعا انا ما اقصد أفتح محفظه لا أنا أقصد الصناديق الي تحطها البنوك لاستثمار الفلوس اللي يضعها العملاء

فأنا ودي بنصيحتكم وش أفضل واذا كان أفضل اني احطها في بنك وش احسن صندوق استثماري ؟

الله يجزاكم خير ان شاء الله ويرزقنا الرزق اللي ينفعنا في آخرتنا قبل دنيانا يارب وموفقين الجميع يارب

انا كلي للهلال · #2 15/02/2006, 07:31 AM

أهلين وسهلين انا بدوري لو كنت بمكانك راح أستثمرها في إحدى الشركات بالسوق لانها تعود لك اكثر من اللي راح يعوده لك الصندوق. والشركات كثيره اللي سيكون لها شأن كبير قريبا

وإذا كنتي تنوين الصندوق فلا يوجد صندوق أفضل من صندوق الامانه بالبنك البريطاني

وأتمنى لك الرزق

Mr.GoaL · #3 15/02/2006, 08:04 AM

السلام عليكم

مع احترامي لراي الاخ الذي قبلي ولكنني لا انصحك بدخول السوق اذا كان المبلغ قليلا نوعا ما

اما الصناديق فصندوق الامانه جيد ولكن سعر الوحده متضخم نوعا ما ولاينصح بالدخول فيه بالاسعار الحاليه

انما يجب الدخول فيه باقل من سعرها الحالي

وعليكي بصندوق بنك البلاد - اصايل

صندوق ناشئ واسعار وحداته الى ضعيف جدا

ومتوقع له الصعود الى اعلى

ولك تحياتي

عاشق الفيلسوف 15 · #4 15/02/2006, 12:08 PM

تبين نصيحتي خليك معنا هنا وان شاء الله تكسبين أكثر من الصناديق

بالامس اوصينا على ثمار والحمد الله اقتربت كثير من النسبه

وقبله الدوائيه ، ومبرد ، والقصيم ، وصدق .

خمس نسب ولله الحمد بعشر ايام .

واخواني الاعضاء من الثقات في منتدنا كثار امثال سلام يا هلال ، وهلالي vib وباقي الاعضاء فيهم الخير والبركه .

مجنون اسهم · #5 15/02/2006, 10:56 PM

حطيها بسهم مامنه خوف ان شاءالله وانسي ان عندك اسهم وبتعيني خير بقدرة الكريم مثل البلاد

بالنسبه للصناديق هناك الامانه في البريطاني والرائد بسامبا والامانه اضن حقق العام الماضي 170% ماشاءالله

عاشق الفيلسوف 15 · #6 16/02/2006, 12:57 AM

اخوي مجنون اسهم بالنسبه للامانه العام الماضي حقق 148 %

ولكن الرائد والامانه (( الشيخ الشبيلي لا يرى الدخول لهذين الصندوقين لتعاملها في بعض الشركات المحرمه )).

الـرايـــق · #7 16/02/2006, 01:13 AM

من وجهة نظري انك تضعها في سهم ما كانك في صندوق استثماري
فاذا كانت الصناديق بتوفر لك 50-100% في السنه
فسيوفر لك السوق 100%في ربع تلك المده
والله يرزقك انشا الله

سندريلا الهلال · #8 16/02/2006, 07:01 AM

الله يجزاكم خير ان شاء الله ونصايحكم على العين والراس وشاكره لكم هالتفاعل والله يرزقكم يااارب وان شاء الله توصياتكم كلها بركه وخير وسعة رزق على الجميع

الله يعطيكم العافيه يااارب

مجنون اسهم · #9 16/02/2006, 10:14 AM

فعلآ اخي الفيلسوف كان 148% يمكن مع الحماس زودتها شوي ,,

عموما الصناديق حتى لو كانت آمنه نوعا ما للا انها لاتترك للمشترك سوى الفتاااااااااات !!

هلالي توب · #10 16/02/2006, 05:33 PM

اهم شي انه نتأكد من الصندوق لايصير تعاملاته محرمه

وانا كان في بالي صندوق الامانه بس هونتـــــ لانه مشكوك فيه من ناحية تعاملاتهم المحرمه

والواحد مايدري صراحه وين الصندوق الموثوق

مشكوورين

الساهر99 · #11 16/02/2006, 07:05 PM

خليكي معنا هنا مضاربة واليوم كان فرصة قوية للشراء

سندريلا الهلال · #12 17/02/2006, 05:46 AM

الله يجزاكم خير ان شاء الله ويرزقنا الرزق الحلال ان شاء الله ينفعنا في آخرتنا قبل دنيانا باءذن الله مع الصحه والعافيه ياررب

شاكرة لكم تفاعلكم

وان شاء الله ببداء اتعلم والله يكتب اللي فيه الخير

رحــــــــــــال · #13 17/02/2006, 12:14 PM

أهـلاً أختي سنـدريلا قرأت موضوعك لأكثر من مرهـ

وأحببت أن أفيـدكـ ولا تنسينا من دعائك

:: أستثــــمر معنـــــا في الزعــيـــم ::

سندريلا الهلال · #14 18/02/2006, 01:59 AM

الله يجزاك الجنه والديك يا رحــــــــال ان شاء الله استفيد والكل يستفيد من اللي ذكرت