#1  
قديم 27/01/2006, 12:43 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
Talking المنتخب أفاد الهلال أكثر أبو شي

السلام عليكم ورحمة الله وبركاته

..


..


..


(( لأصحاب الردود الصاروخية ))

قبل تقرأ الموضوع الرجاء إحضار الأدوات التالية :

1- حبة بنادول

2- كوب شاهي خالي من السكر

3- ياليت تسوي تمارين عشان يطير النوم



موضوعي باختصار عن المنتخب السعودي اللي أفاد الهلال بصراحة .....

تبي تقولون شلون أدري بكم فطينين

بغض النظر عن النتيجة اللي آلت لها مباراة الأمس <=== ترى آلت متعوب عليها ياليت تعلقون عليها

يبقى الهلال هو المستفيد الأول من غياب اللاعبين الأساسيين ...


خسارة النقاط في مباراتين توجع القلب لكن اذا شفنا النتيجة النهائية بنجد أنها لمصلحة الزعيم ...

أول شي لاعبي الاحتياط .. والمبتعدين سواء للاصابة أو لهبوط المستوى الفني ... شفناهم بهالمباراتين ...

وتعتبر إعداد لهم للوقوف على مستوياتهم ....

وتنسيق الزين والشين <==== تحلف انه كرتون طماط موب فريق

ومنها رجوع النجوم لفورمة المباريات .... مثل سامي والجمعان


وبالأخير الهلال بيستفيد .. فيما تبقى من الدوري ... وأيضا في البطولة الآسيوية ....


أول شي ماتعنيني خسارة الأمس .. وماكانت الخسارة مرّة ... بالعكس كان طعمها دجاج

الهلال لاعب بنقص كبير ...

وبلاعبين منذو مبطي من الزمن مالعبوا ..

ولا تنسون المدرب اللي تغير مرتين ..


الطائي فريق يلقب بصائد الكبار ..... الكبار يعني الهلال

وبصراحة انهزم من الطائي ولا انهزم من الاتحاد والا الاهلي والا النصر ....

وألف مبروك للطائي الفريق اللي أحبه من القلب والله ... فارس الشمال يستاهل الثلاث نقاط لقاء المجهود اللي قدمه بالمباراة ..



المنتخب ... بصراحة .... وبكل أمانة ... أعدّ الهلال إعداد حلو ...

اللاعبين الدوليين لعبوا مباريات قدام منتخبات أوروبية .... 9 من لعبيتنا والحمد لله

فريق الرديف أضطر المدرب يشركهم ... بالتالي يعرف يقيّم مستوياتهم ويختار اللي يحتاجه ...



وبعد رجوع الدوليين .. ورجوع المبتعدين لفورمة المباريات ....

أقول من يتحداك يازعيم .... !!!!؟


بالتوفيق للزعيم في الدوري ... والأهم الأهم ... بطولة آسيا



نقطة أخيرة ...

بعدما راح الدوخي ... قلت الهلال محتاج ظهير أيمن أجنبي ... لأن مافيه لاعب سعودي يغطي مكان الدوخي بالزعيم ...

وظهر الياس ... وقلت ياناس الياس لعبه عادي ... ماهو زين .. ولكن ماهو شين ...

وطالبت بلاعب منتخب البرازيل للشباب تارفييل وقتها كان الكل شاهد مستواه وخاصة انه يلعب لفريق برازيلي ضعيف

جاء العصفور ... قلت في كم موضوع .. العصفور لاعب منتهي الصلاحية ومكانه ليس الهلال ...

ولكن الكل كان يشيد بالياس والعصفور ...

والآن اللي أشوفه بالشبكة ... كل الأعضاء ينتقدون الياس ..!! .. حاقة غريبة واللهي

ياناس مشكلة الياس موب مباراة ماقدم فيها ... أو تسببه بخسارة مباراة أو دخول هدف ...

الياس والعصفور مشكلتهم إنهم مع انديتهم ماكانوا مميزين .... كيف بالهلال عاد ؟؟؟

كنت أتمنى كافو مكان جيوفاني .... لأن الهلال بحاجة ظهير أكثر من الوسط أو الهجوم في الفترة الحالية ...

وللآن أقول ... الهلال محتاج ظهير أيمن ....

تحياتي لكم ... يعني قود أفترنون


أبوساري
اضافة رد مع اقتباس
  #2  
قديم 27/01/2006, 12:48 PM
مشرف سابق في منتدى الرياضه السعوديه
ومنتدى المنتخب السعودي
ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
الف شكر يا عز المنتدى


لا تحرمنا من مواضيعك المفيده


صراااحة تبان موهبتك من كلمة آلت هههههههههههههه
اضافة رد مع اقتباس
  #3  
قديم 27/01/2006, 01:03 PM
زعيــم فعــال
تاريخ التسجيل: 25/04/2005
المكان: عرش الزعآمهـ
مشاركات: 284
ياروحي على رجاحة العقل
اضافة رد مع اقتباس
  #4  
قديم 27/01/2006, 01:20 PM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
الله يعطيك العافيه
هذا وهو الطائي وعلى ارضنا وهزمنا ( مع احترامي لفريق الطائي )
وش استفدنا من المنتخب اخذ 9 لاعبين وتورطنا قدام الطائي اجل وشلون النوادي الباقيه ؟
اللي يشوف هالمنتخب يقول بيجيبون كأس العالم ؟
والله الخوف بعد في الآسيويه يقولون العبوا بهالفريق ؟
شيء يرفع الضغط !!

تشكرات ابو ساري
اضافة رد مع اقتباس
  #5  
قديم 27/01/2006, 01:31 PM
زعيــم فعــال
تاريخ التسجيل: 01/09/2005
مشاركات: 491
ابو ساري سرى ليله

والله اوافق الراي قلبا وقالبا بس ما اشوفك ذكرت الجناح المتسرب واللاعب الجهبذ مضواح من الي جابه للهلال مدري ... وين الجري

اما حارس المرمى حق الهلال الماس صحيح بس المااس فشنك ... لو يحولونه لفريق الكارتيه يمكن تجي معه

اما المنتخب والهلال ما قلنا شي بس مو حجه انك تقول الفريق ناقص يعني معليش فيه لاعبين المفروض يلعبون يعني الموري بدال الياس الجري بدال مضواح نكبه المجتمع جيلسون المفروض ادارة النادي تستفيد من باقي عقده وتخليه بواب ولا راعي غنم ودي يذبونه في احد الحوشه حقت بندر بن محمد يعيش مع البعارين شوي عز الله انه فقع مراراتي
مو خسارة البس الي يلبسه يبغاله غسيل وربي البسه خيشه وتخب عليه
اضافة رد مع اقتباس
  #6  
قديم 27/01/2006, 06:15 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
السلام عليكم

نرجع حق الموضوع ... لنتبادل الآراء وليس أشياء أخرى <=== يمدحون عيد الفطر



van der vart

تسلم مليون ألف طعش على مرورك ياحبي لك

وبالنسبة لآلت تدري إني قاعد أحمّي قبل ما أكتبها

عشان كذا بغيت تفاعل مع الكلمة

تسلم والله فان على المرور ..




ياويلي منك ياسامي

ياغلاهم ماشفت شي .. ماشفتن اذا شت الكورة بوز وجت بالثمنيات <== عز الله رجاحة عقل

مشكور على مرورك العذب





هلالي...حتى المووووت

ياحبي لك ياهلالي ..

قلت لك لاعبين من مبطي مالعبوا .. يعني لياقة المباريات عندهم منعدمة

ولاتنسى ياحبي لك ان المدرب تغير مرتين ...

لازم تعذرهم ... وان شاء الله بعد مايرجعون اللعيبة بيكون الوضع يعجبك ...

وأدري ان الهزيمة قهر .. بس لو فكرت فيها بتلقى لها شوي ايجابية اذا ماهو كثير بعد ;)

تسلم على مرورك يالغلا ... ورايك وردك تاج راسي ومهما اختلفنا نبقى هلاليين




صفر واحد

والله ياصفر اني كنت من أشد المعجبين بأحمد الجري .. وهو نسخة يسار للدوخي ...

لكن وجود الخثران أخفى بريق هالنجم الواعد

وبالنسبة لمضواح ... تنقصه الخبرة وانه يهتم بمهاراته ويركز شوي وبيطلع حلو ...

يعني أشوف بمضواح انه يقدر يطور نفسه ... لأنه صغير وقابل للتمدد والتقلص <== صار حديد

الماس والله له هفواته بس انه جيد ... ويمكن يبدع بالكاراتيه زي ماقلت



يسلموووو كلياتكون على ردودكم وتفاعلاتكوم

يالله سلام <=== تحسون ماعلي شرهه عقب هالابتسامة
اضافة رد مع اقتباس
  #7  
قديم 27/01/2006, 09:12 PM
الصورة الرمزية الخاصة بـ سـ الزعيم ـام6
زعيــم نشيــط
تاريخ التسجيل: 20/08/2005
المكان: بكتيبة الزعماء
مشاركات: 871
هلا وسهلا ومرحبتين هلا بلي الت عليه العين

تسلم ابوساري على الطرح الرائع
وطالبو بتنسيق النزهان والان يقولون وينه
ارض بـ ,,,, لايجيك ،،،،، منه

بس فيه ملاجظه على توقيعك
الشرط الثاني ليه مافيه كتابه حمرا
ملقوف بس وش نسوي

ولك خالص مودتي
اضافة رد مع اقتباس
  #8  
قديم 30/01/2006, 07:55 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
هلا وغلااااااااا سام الزعيم

ياخي أنت دقيق الملاحظة .. تعجبني

شف الشرط الثاني ماحطيت فيه لون أحمر لأنه ماكان فيه شي مهم

وبالنسبة للنزهان ...

صدقني .. لولا إصابته اللي أبعدته كثير كان بيكون له شأن كبير <== ركز على شأن ياحبي لك ترا متعوب عليها

والله يقدم اللي فيه الخير <== خاطب منك والا وش السالفة

تشكر ياحبي لك على مرورك الكريم حلاقة واللي أثلج صدري ردك الرايق

أبوساري
اضافة رد مع اقتباس
  #9  
قديم 30/01/2006, 08:38 PM
زعيــم مميــز
تاريخ التسجيل: 15/08/2005
المكان: في أرض أبو متعب
مشاركات: 3,619
ألف شكر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube