27/01/2006, 02:15 AM
|
زعيــم مميــز | | تاريخ التسجيل: 29/02/2004 المكان: الرياض
مشاركات: 1,512
| |
عرفت الحين ليه باكيتا يلعب بمهاجم + صائد ( الهلال ) بسم الله الرحمن الرحيم
اولا هاردلكم الخسارة المستحقة من صائد ( الهلال ) نادي الطائي
اللي صراحة اليوم قدموا مستوى لو يقدمونه في الموسم حققوا الخماسية
فللاسف نادي الهلال وخلال فترات يظهر له فريق من الصغار ( يعقده )
فبعد نادي الرائد في بداية التسعينات ومن ثم بعده النجمة اللي اشك اننا فزنا عليهم في عنيزة وانتهاء بالطائي
واللي يقهرني زيادة ان نادي الهلال النادي الوحيد من الفرق ( الجامدة ) اللي دايم يستقعدون له الفرق الصغار
ويلقى صعوبة في الفوز عليهم فمثلا لو نشوف الاتحاد يعطيهم بالاربعات والخمسات والشباب نفس الشئ
والاهلي اللي يعتبر اضعف من الهلال بكثير مايعوقون معه
الا الهلال سبحان الله دائما تنكد عليه هالصغار
نرجع لموضوعنا
جاء اديموس ولعب بمهاجم واحد وقامت عليه الصحافة الهلالية
وجاء باكيتا ولعب بمهاجم واحد وقامت عليه الصحافة الهلالية والجماهير
الحين عرفنا ليه كانوا يلعبون بمهاجم واحد عشان مايكشفون الدفاع فاليوم شفنا دفاع الهلال للاسف شارع ثمانين
فلاعبين الطائي مع انهم عاديين كانوا يسرحون ويمرحون وكن الفريق اللي قدامهم سدوس وليس الهلال
وكلش كوم والاظهرة كوم
صراحة اذا استمر الهلال على هالاظهرة فالله يستر من اللي جاي
خاصة مضواح اللي اليوم كانت خانتة شارع سيدين رايح جاي
وكماتشو اللي جاي يلعب وشكله ( متزاعل ) هو و( المداام)
يلعب بدون اي نفس وبتعالي على الكرة
والبرقان ( بيرلو السعودية ) اليوم كل باصاته خطا وكان بطئ بطئ بطئ اتمنى من البرقان
مراجعة نفسة واتوقع انه كان عليه ضغط يبي يثبت نفسه لكندينيو
في المجمل الفريق اليوم كان ماهو في المستوى من الماس الى الصويلح
واما كندينيو فاتوقع ان الحكم عليه في مباراة مثل هذي وفي هذي الظروف فاتوقع انه حكم غبي وجائر
فاتمنى ان ياخذ فرصته كاملة وصدقوني بتبيين بصماته بعد اربع الى خمس مباريات
ولكن عندي ملاحظة بسيطة اليوم كان واضح على الفريق الروح الانهزامية من بداية المباراة وفي النهاية
اتمنى من ابو سلطان ان يبحث عن لاعب ظهير ايمن قبل نهاية فترة الاعارة قبل ان يقع الفاس بالراس فمع احترامي
لالياس سيكون نقطة ضعف في الهلال في دوري الابطال وفي المباريات الحاسمة من الدوري والكاس |