اكيد انكم سمعتوا عن دحيم وعن غبائة مرة شاف دعاية عن السياحة في مصر وعلطول جاني للبيت تدرون الساعة كم جاني وحدة الظهر وقلطتة وكان يقولي انة موضوع مهم المهم قلت خير دحيم وش عندك قالي .... في راسي سفر..
ضحكت وقلت وين الخرج ههههه.... رد على وقال لا الخرج نوروح بدون جواز انا ناوي اسافر برا المملكة يقولون سوريا رخيصة وش رايك في مصر يقولون طبيعة
قلت في نفسي دحيم غبي بس مو نصاب وسالتة عندك الامكانية للسفر قال نعم وابيك تخاويني قلت انا ماني مستعد الحين وضرب ادحيم صدرة وقال افا وانا ولد ابوي معليك انت محمول ومكفول بس دبر امورنا كنت متردد شوي وحاولت اراوغة وقالي كلمة فيها شوي ذكاء وخبث .مايرد الكريم الى .. قلت بس خلاص انا معك انت حجزت هناك في فندق قال لا والله قلت طيب حجزت تذاكر قال لا والله قلت شريت بدل او ملابس قال عندي بدل الى لبسناها في الدوري الرمضاني للكورة مسكت راسي وقلت هذي الرمها وخطر في بالي سؤال وكنت خايف اقولة لكني قلتة دحيم عندك جواز سفر سكت شوي وقال والله ماني غبي اسافر بدون جواز قلت على طول الحمد للة واتفقنا على الرحلة وبعدين
حجزت التذاكر ووكان صديقي موجود في مصر يدرس خليتة يضبط كل شي هناك لنا وحلف الرجال اننا نسكن عندة في شقتة ومرني دحيم وقال يلة نشتري البدل قلت خلاص على سيارتي انا اوديك قال انا ادل مكان ممتاز.. وبعد ما وصلنا المحل طلع حق ملابس
رياضية قلتلة حنا طالعين مصر ماحنا طالعين نلعب كورة .
وبعدين رحنا مجمع تجاري كبير وبغا يفضحنا ويشرب من النافورة المهم دخلنا محل وقلتله نق من بناطيل الجنز الجديدة وكنت اناظرة ينقي اشياء ودخل غرفت الملابس وشوي طلع وطل على بطلتة البهية ولبسة اتمنا انكم شايفينة بنطلون اخضر وفانلة حمرا وقلتلة غير يا دحيم وغير وطلعلي بنطلون ازرق فاتح وقميص برتقالي التفت على صاحب المحل وقال 0 الكاميرة الخفية او ايش ورد دحيم الغبي وقال علشان كيف
قلت ادحيم بدون بدليات الله يخليك رد وقال شكلك ما رايق
قلت لصاحب المحل هاذا يبي يتزوج ويبي يسافر شهر العسل فنقلة كم بدلة وتكميلة حلوة وبعد ثلاث ساعات طلعنا من المحل وراعي المحل يقول تكفون خذو الملابس مجانن بس لا ترجعون فهمت معناتة وحنا في المجمع كانت فية بنت جالسة تكلم بجوالها ودحيم كان يدور عندها وكنت اقولة دحيم البنت مراح تعطيك وجة رد بكل ثقة انت ما تعرف بأمور الغزل شوي زعلت البنت وقامت لكن .......
نست شي مهم لا مو وجة دحيم الى طاح لا نست شي اهم الجوال ودون مقدمات طار دحيم واخذ الجوال وقلت خلنا نودية للامن قال لا ... يمتكن ترجع
قلت طيب حنا طالعين خلنا ناخذة نستفيد منة . رد دحيم ابدن وكنت اشوفة يدق من جوال البنت قلت على مين تدق عطاني ابتسامة غريبة خبيثة فيها نسبة ذكاء وقالي بعدين تعرف
وفجأة دق الجوال نبهت دحيم انة ما يرد كذا يمكن يورط البنت مع اهلها لكنه رد وقال المتصل ( وينك يا حمارة لية متأخرة للحين ) دحيم سكت مذهول وكانت المتصلة ام البنت صاحبت الجوال وكررت ام البنت مره ثانية ( اخوك زعلان مرة ) وهنا بس رد دحيم وقال لا يا خالة انا ماني بنتك بنتك وقاطعتة امها ( اكيد حرامي وسرقت جوالها ترا...)
وقاطعها دحيم وقال لا بنتك ناسية الجوال في السوق . قالت ام البنت ( شوي يبي يكلمك اخوها عشان يجي ياخذ الجوال منك مع السلامة ) وصدم دحيم انة راح يعطي الجوالاخو البنت وماراح يعطيها والتفت على وقال كم قلت يسوي الجهاز .. رديت علية وقلت التفت وراك وانت تعرف والتفت وكانت البنت صاحبت الجوال في محل وقالي دحيم تعال معي العلمك فن الغزل الحديث قلت مراح افوت الضحك وانت الصادق دخلنا المحل وجلست عند الباب عشان ابعد نفسي عن الاحراج ودخل دحيم وقال للبنت مرحبا ما ردت علية البنت وقال دحيم افاء ما عرفتيني بحق والله ردت البنت بعصبية خير متي المعرفة هنا بس طلع دحيم الجوال وقال منتي ناسية شي شافت الجوال وقالت جوالي لو سمحت جبة قال دحيم طيب وش يثبت انة جوالك قالت البنت انا مغيرة لونة وردي انتبه دحيم انها شايفة الجوال وقال بغباء لا انتي شفتية ردت البنت بسرعة وقالت مكتوب علية اسمي قال دحيم لا يمكنك شايفتة من قبل
ردت البنت وقالت بصوت مرتفع تبي تجيب الجوال او اطلب الامن ....
قال دحيم لا شكلة حقك ومد الجوال بعدين تردد وقال طيب مافية شكرا
ردت البنت بعصبية اقول بسرعة .... ومدة مرة ثانية وقال ممكن نتعرف ردت هي وقالت شكلك مطول يأس دحيم وعطاها الجوال وطلعنا من المجمع وركبنا السيارة وناظرت دحيم وقلتلة تعيش وتاكل غيره ماعليك وكلمني احد الاصدقاء وعزمنا في بيتة قلت فرصة دحيم يرفة عن نفسة ورحنا هناك وكان دحيم مشغول بجوالة كأنة ينتظر مكالمة سألناة من يبي يكلمك قال بكل ثقة صديقتي صاحبت الجوال
سألتة شلون عطيتها رقمك رد بكل خبث وقال خزنت رقمي في جوالي اقصد جوالها ههههههههه وكانت ضحكة المنتصر وجلس ساعة وساعتين ودق جوالة
وناظر الرقم وكان رقمها وقلنا اخير دحيم يسوي شي وينجح فية ورد دحيم على الجوال بكل ثقة نعم دحيم يتكلم من معي ورد المتصل من جوال البنت وطلع اخوها وقال ( عفوا رقمك طالع عندي في الجوال خير انت متصل ) نزل دحيم الجوال وقالنا بصوت عالي شباب فيكم احد مكلم الجوال 05...... وكانت تصريفة حلوة
شكلي غثيتكم بدحيم على العموم مشكور لقرايتكم للقصة دحيم
وانا احاول وليس وعد اني اكتب لكم وش صار في مصر وفي المطار وليس كل دحيم مثل دحيم صديقي
عجايب دحيم الفلتة الجزء الثاني 
عساه ماأستخدمة للرسائل
الوضع المتطور
